¹ Vano wiiwe, Jaco nantekwaaka, Israel, nthanlalyaaka: ² Apwiya aniira tjo, Yaale awunpaleni ni awuunuwihaleni n'mirimani ni an'hala wookhaviherani: Ohoove, Jaco, nantekwaaka; ni we, Jerusalem, nthanlalyaaka. ³ Kontha kinaahala omwaressela maatji etthaya yontthona nimwaamuro etthaya yowuuma; Kinaahala omwaressela n'nepaaka mwaassaanaa ni kinaahala waareeriha assaanaa. ⁴ Ayena anaahala wuunuwa phanka malassi wantthiyani. ⁵ N'motja naahala wiira: Kirinphantte waApwiya; nkhwaawe nkowiitjihaana nintjina naJaco; nkhwaawe n'hala wantikha, n'matataniwawe, kirinphantte waApwiya, ni n'hala wiihaniya ntji naIsrael. ⁶ Apwiya phiniiraaya, Mwene oIsrael nkhaviherweenhu, Apwiya onphwinko: Timi oopatjera ni oomalela. Khaavo Muluku nkhwaawe woohkhala Mi. ⁷ Tupani ookilikan'nana. Nuulumela ni ntaphulela tjiniiranyaa okhuma okathi owunpalyaaka atthu okhalayi; attonke tjitthu tjinpheela wiiranyaa. ⁸ N'hoove, wala n'hirimeele. Akittonkale tjitthun'nha khalayi ni akuulumatjenre. Nhu mwaanamoonaaka: Haavo Muluku nkhwaawe woohikhala Mi. Khuuvo mwala nkhawaawe; Akintjuwela hata n'motja. ⁹ Ooteene yaale anapanka amuluku eethiru khaanakala etthu. Tjitthu tjiikhumanatjaaya khatjinakhala etthu; anamoonaaya khaanoona wala khantjuwela etthu, naayena anaahala woonihatjiya ehaaya. ¹⁰ Tupani aahala onapanak muluku wala ttontto oohinteko. ¹¹ Awattharaaya ooteene anaahala woonihatjiya ehaaya. Anpanka tjen'nho tjitthun'nho atthu. Yaayo yiithoonhere nkhayi; anaahala woonatja ehaaya. ¹² Nayuuma nvara nteko niiyuumatjawe ni nanpanka ttontto, avaraka entthunaawe. Yena n'nolipiha niiyuumatjawe ni nvara nimoonuwaawe woolipa. Yena enanvola etala ni ekurwaawe enaavukuwa; yena khanvurya maatji ni nkhala ootteetthyaa. ¹³ Namassararya n'nophima nri ninlikwaawe ni n'nantikha niilaapi. Yena n'nottharenla tjinvaranaawe nteko ni n'nolipulela niiyuumatjawe. Yena n'nopanka phanka elatarato yantthu, niireerelo yapinaatamu, wiira ekhale watthokoni. ¹⁴ Yena naathikila nri muulupale. Yooyo naarweela miri n'mwiini; nawaala ni epula enawuunuwiha. ¹⁵ Ni miri tjen'nho tjinpahaawe wiira oottheke mwaneene. Khweeli, yena naapaha mooro ni woossa nkatthe. Vano, wayooyo, yena nanpanka muluku, ni nankokhorela; nanpanka muluku eethiru nonkokhorela. ¹⁶ Yena naapaha nphantte wokhuni wamooroni, vanoossaawe enamaawe. Naalya ni naakhala saawa. Nawoottha ni namwiira: Vanootthakaava, kiniira kiwehaka mooro. ¹⁷ Miri tjin'halan'nho nonpanka muluku, elatarato yoweemesiya; phinkokhorelaawe; phinvelaawe, iiraka: Okoopole, kontha we omulukwaaka. ¹⁸ Ayenatjankhantjuwela, wala khantjuwelela, kontha meethwaaya khaanoona, nimirimatjaya khatjintjuwelela. ¹⁹ Khaavo nuupuwela; khuuvo otjuwelela woopheela wiira: Kihopaha nphantte n'motja womiri vamooroni; ninttukutthanaya kihoossa nkatthe. Kihoosa enama ninttukutthanaya ni kihokhuura. Vano kaahala okhala timiivano oopheela opanka etthu yoopheela okokhorela. Kaahala okhala timiivano oopheela okokhorela nphantte wonri. ²⁰ Aakhala phanka aalya ettuura; nrimaawe wowootha ohon'hapussa. Yena khanphwanela wiitjoopola, wala wiira: Etthwiila moonuwaaka woolopwana muluku oohikhala. ²¹ Wuupuwele tjitthun'nha, Jaco, kontha onantekwaaka, Israel: Kihoopanka, onantekwaaka. Israel, akin'hala wooliyala. ²² Mitekotjaa tjoohikhala kihokhaliha phanka nihutte nookussiya niiphyoo; ni tjookossatjaa, phanka nihutte. Wakulele oryaaka, kontha kihoofenta. ²³ Mwiipele, erimu, kontha Apwiya ahopanka; nvuwihe, elapo tjooteene. Ntthapeke noohakalala, myaako, ninhu ontakhwani nimiri tjooteene, kontha Apwiya ahonfenta Jaco ni anaahala othoonhera waaryawaya oIsrael. ²⁵ Awiya phiniiraaya, nkhaviherweenhu, Yaale awuunuwihaleni okhuma nmirimani: MikaApwiya, kunpale tjitthu tjooteene, veekhaaka, kihotaphula erimu; veekhaaka, kihunpa ethaya. ²⁴ Timiivano kinaakassiriha atthhu owuuluma tjitthu tjoohikhala; Timiivano kinaamorissa aniihimya otjiwelatja ni tjowuupuwelatjaya akinkhaliha etthu. ²⁶ Mi Apwiya, kinvarela nteko tjinuuluma nantekwaaka ni kinawaawiihera moolumo arumeyaaka; kimwiirelaka Jerusalem: Naahala okahliya, niipooma tjooJuda: Tjinaahala otekiya ni kinaahala ovussavussera mapuro oothamiya; ²⁷ kinamwiirela epahari tjowinssera: Muume, ni kinaahala wuumiha maatjyaaya. ²⁸ Apwiya phan'himya oCiro: Ayena n'hakhelyaaka, ni naahala opanka tjooteene tjinpheelaaka; yena naahala wuulumela oJerusalem: Naahala otekiya; ni, nkapela: 'n'naahala ovussavusseriya.