¹ Ahooleli omoomutjini phaala, naattho yaahokolyaanalyaaka oBabilonia omwene wa Artaxerxes: ² anonttharenla Fineias, Gerson; anonttharenla Itamar, Daniel; anomttharenla Davi, Hatus; ³ anonttharenla Secanias, anonttharenla Paros, Zacarias; niyena yaahantikhiya alopwana emiya wohanssiini. ⁴ Anonttharenla Paate-Moabe, Elioenai, mwaana Zeraias ni, yena yaahantikhiya alopwana emiya piili. ⁵ Anonttharenla Zatu, Secanias, mwaana Jaaziel ni, yena yaahantikhiya alopwana emiya tthaaru. ⁶ Anonttharenla Adim, Ebede, mwaana Jonatas ni, yena yaahantikhiya alopwana hanssiini. ⁷ Anonttharenla Elao, Jesaias, mwaana Atalias ni, yena yaahantikhiya alopwana tuswiini. ⁸ Anonttharenla Sefanias, Zebadias, mwaana Micael ni, yena yaahantikhiya alopwana thamaaniini. ⁹ Anonttharenla Joabe, Obadias, mwaana Jeiel ni, yena yaahantikhiya alopwana emiya piili nanaane. ¹⁰ Anonttharenla Bani, Selomite, mwaana Josifias ni, yena yaahantikhiya alopwana emiya wossapiini. ¹¹ Anonttharenla Bebai, Zacarias, mwaana Bebai ni, yena yaahantikhiya alopwana ssiriini nanaane. ¹² Anonttharenla Azgade, Joana, mwaana Hacata ni, yena yaahantikhiya alopwana emiya wokhuumi. ¹³ Anonttharenla Adonicao, yaamaliherale ophiya: Elifelete, Jeiel ni Samaias, naayenatja, yaahowa alopwana ssapiini. ¹⁴ Anonttharenla Bigvai, Utai ni Zabude ni, yena yaahantikhiya alopwana suthwiini. ¹⁵ Esdras aahiira: Kihaathukumaniha anameetteetta vamotja ninipuro noophwanela Aava, ni ikhale woowu mahuku mararu. Mwaawehawehe atthu naanankuttho, massi akaaphwanhale anonttharenla Levi. ¹⁶ Vano kihonvelee Eliezer, Ariel, Semaias, Elnata, Jaribe, Elnata, Zacarias ni Mesulao yaari ahooleli ni Joiaribe ni Elnata, yaari mafunti. ¹⁷ Vano, phaaveleelihaka wa Ido, n'hooleli ooCasifia. Kaahowiirelatja en'hala wuulumatja Ido naassimutjaawe, anaavarela nteko nkapela oCasifia, wowiira aniveleelihe atthu nkapela mwaNLuku. ¹⁸ Ayenatja aniveleelihale nmatataniwawe Nluku oowerya tjooteene, nlopwana niihaniya Serebias aari nlopwana ootjuwelatja. Yena anttharenla Mali, mwaana Levi, mwaana Israel. Sebarias naassaanaawe, naassihimaawe, yaari khuumi nanaane. ¹⁹ Yaahaaveleelihatho, Hasabias, ni Jesaias, mwaana nmotja nmotja aMerari, naassaanaawe naassihimaawe, yaari ssiriini. ²⁰ Wayaale yaapheelale ovara nteko nkapela, yaayo Davi naakhulalyaawe yaavahalyaawe nteko waalevita: Yaari emiya piili wossiriini, khula ntthu aromolaka ntjinanawe. ²¹ Vano, kihokhuwela, ninkurukuru wonipuro na Aava, mavekelo ootthuka wiira niiyevihe ohoolo waNluku wowiira nirweele nttalaawe womaana, wahi assaaneehu nimihakhutjihu. ²² Kaahaakoha amwene mwaha woonokhavihera mwaawanani ninttala, okhala wiira naahaahimeerya amwene: Ntata naNlukweehu ni naale anonrweela, ni oweryawawe noorussiyawawe ori naale anonliyala. ²³ Vano naahotthuka ni ninlepelaka Nluku mwaha woyeeyo, ni Yena aahonaakhula. ²⁴ Woottharenlana, kaahathanla alpwan khuumi neeli waanankuttho oolupale: Serebias, Hasabias naassihimaawe khuumi. ²⁵ Kaahaavahatja eparatha, ewooru, ni mihakhu nkapela yaNluku, tjaavahalyaaya amwene naakhulupalyaawe ni Israel ooteene. ²⁶ Kaahaavahatja nmaataniwaya, eparatha emiya sita wohanssiini, niiparatha tjooreerela emiya, niiwooru emiya. ²⁷ Mikhuki ssiriini tjowooru, wootakaniha, missurukhutjene ekonto, myaapu miili tjoporontje, tjooreeressa phanka ewooru. ²⁸ Kaahowiirelatja: N'horeerihatjiya naaPwiya, nimihakhun'nha. Ewooru niiparathan'nha tjoovahiya waaPwiya, Nluku aatthweenhu okhalayi. ²⁹ N'wehawehe ni nssunke npaka wanphimeenhu ohoolo waanankuttho oolupale, waalevita, ni womahooleli omoomutjini owiisrael, oJerusalem, nkapela mwaNluku. ³⁰ Anankuttho naalevita yaahaakhenla eparatha, ewooru nimireerelo tjikhwaawe tjaaphimiye, tjinawaaniye oJerusalem, nkapela mwaNlukweehu. ³¹ Naahokhuma nipuro na Aava mahuku yeettaka khuumi nameeli womwaakha wowantjera nirwaaka oJerusalem. Ntata naNlukweehu naari nihi. Yena aahonikhavihera mwaawananiihu ni yaale yaanipheelatja ninttala. ³² Naahokela nJerualem ni naahokhala mahuku mararu. ³³ Vano, nihuku noneetjsse, eparatha, ewooru ni tjooreerela tjikhwaawe tjaaphimiye nkapela mwaNlukweehu, nmatatani mwa Meremote, mwaana Urias, nankuttho. Ayenatja yaaritji Eleazar, mwaana Fineias, naalevita Jozabade, mwaana Jesua, Noadias, mwaana Binui. ³⁴ Tjooteene tjaahaalikeliya noophimiya, ni tjaaryaaya tjaahantikhiya owakathi yoole. ³⁵ Yaale yaahokolyaale mootthukiyani, yaaahovaha tjoovaha tjookuttho waNluku owiisrael: Epwittipwitthi khuumi napiili Israel ooteene, niinama hanssiini waarupayini nasita, ekhontwaa sutwiini nasaapa, nimitiita khuumi namiili tjookuttho. Tjooteene yaavahiye Apwiya. ³⁶ Vano yaahovaha malamulo okhweeli waakhulupale nimahooleli onpooma okhuma nphantte womuro Eufrates,