¹ Nuulumo naApwiya naahokiweela niiraka: ² Mwaana antthu, ottonke n'hantissi ntthoko naIsrael. ³ Waahimeerye: Apwiya Muluku aniira tjo: Enaka yuulupale nimapuphaaya moolupale, yootjara mapuruuru ehorwaa okussa nritta otjulu nri. ⁴ Ehokussa erweehaka elapo yooCanaa; phurwaa waala epooma yaanamatumiha. ⁵ N i tootho yeeyo ehokussa epyoo vatthayani phwaala nipuro noonaanela. Aahaala nipuro nomaatji mentji. ⁶ Vano, yaahophuwa ni yaahokhala nri wookhuvyaa, ovavaryaaka vathi. Erittatjaya tjaarukunuwenle onakani ni mitithaaritjaya tjuunuwenle vathiwaya. Tjitjon'mo waahokhala nri ni waahokhalana eritta. ⁷ Massi yaahaavotho enaka ekhwaawe yuulupale nimapuruuru mentji. Ni yoola nryuula mitithaaritjaya tjaawehale onakani nimirittan'nho , wonipuro naaliyaaya, tjitjon'mo phaahalaaya omitjeriya. ⁸ Yaaliye watthayani yooreera, nipuro nomaatji mentji, tjitjon'mo tjaanaahala wiima mihokorokho, wiira okhale nri wooreera. ⁹ Waahimeerye atthu: Apwiya Muluku aniira tjo: Yeela yaanaahala opitja. Enaka khayaahala okumiha mitithaaritjaya ni khayaahala okumiha mihokorokhotjaya, wowiira ethutu tjooteene tjuume. Moono woolipa wala atthu entji yaahala okhwitiri purula mitithaarin'nho. ¹⁰ Vano, nkaweha! Waaliyaaya, yaanaahala wuunuwa. Khayaahala onhaala niiphyoo. Yaanaahala wuuma niouro naaliyaaya. ¹¹ Vano, nuulumo naApwiya naahokiweela niiraka: ¹² Waahimeerye atthu oohanhuriha: Khan'notjuwela tjinaatjaaya tjitthun'nha. Mwene oBabilonia hophiya oJerusalem phunkussa mwenyaawe naakhulupalyaawe phaarweehaawe oBabilonia. ¹³ Vano, yena aahokussa nloko nokhweeli, aahowaataaniha ni aahaalaphiha, ni ahaakumiha atthu okuru nlaponi, ¹⁴ wiira atankanhe omwene, wowiira ohirwee ohoolo. Onakhanleene waataana, elapo yaanaakhala. ¹⁵ Massi mwene oJerusalem aahonrukunuwela mwene oBabilonia, aarumaka atthwaawe elapo yoEgito wiira awiiheriya ekavalo naanakhotto. Yena aanaahala okhala. Yoole nvara tjen'nha tjitthun'nha naahala okhala. Yena akwanhula waataana, naahala okhala. ¹⁶ Tjon'mo khanpa tjinkhalaaka! Apwiya Muluku aniira tjo: Weekhweeli khweeli yena naahala okhwa elapo yiikhalihalyaaawe phanka mwene, yoole kwanhulale yoolupheliya ni kwanhulale waataana, yena naaahala okhwa eriyari yooBabilonia. ¹⁷ Farao naanakhottwaawe oolipessa, khan'hala okhwitiri ekhottweeyo, anakhotto ooBabilonia aniitthonkomanihale woopheela wiiva atthu. ¹⁸ Tjitjon'mo mwene aahotanhifu oluphelawawe akwanhulaka waataana. Yena aahotaphula natatanawe wiira apanke yookhuluveliha, yena aahopanka tjitthu tjooteene: yena khan'hala okhala. ¹⁹ Phimaana, Apwiya Muluku aniira tjo: Tjitjon'mo phanka Mi tjinkhalaaka, khunakhala oluphelawaka yena otanhifwalyaawe wala waataanawaka yena okwanhualyaawe. Vano, kinaahala owiiha nttarusso n'muruniwawe! ²⁰ Kinaahala ontaphulela ntthavinaka ni kinaahala onvara. Vano, kinaahala onrweeha oBabilonia, ni kinaahala onlamula woowu, mwaha wotjitthu tjikipankalyaawe! ²¹ Ankootthawa ooteene anaahla okhwa naale ankoohala anaahala omwaresseliya mapuro ooteene. Vano, n'naahala otjuwela wiira Mi kaApwiya: Mi kihuuluma wiira yaanaahala wiiranyaa. ²² Apwiya Muluku aniira tjo: Vano, kinaahala okumiha nphantte woorekamessa wonri ni kin'hala waala ottayi womrittatjaya. Kinaahala othikila ni kinaahal waala watjuli mwaako. ²³ Kinaahala waala watjulu mwaako owIsrael, vano, tjinaahala okhalana eritta ni tjinaahala wiima mihokorokho ni onaahala okhala nri wooreeressa, wowiira khula mwaanuni nvava, akhale mon'mo, ni an'ha oteka epuurutjaya nrittanimwaya. ²⁴ Vano, miri tjooteene tjon'mwiini tjinaaha otjuwela wiira Mi kaApwiya. Kihomoriha nri muulupale ni kihovussa nri mwankaani, kihuumiha nri nkithi ni kihun'wenliha nri wowuuma. Mi kaApwiya, kaahuuluma wiira yaanaahala wiiranyaa, ni kinaapankaka.