¹ Naahokiweelatho, nuulumo naApwiya niiraka: ² Mwaana antthu, waalaleerye arumeyi anlalya wIsrael ni waahimeerye wiira anlalya tjinuupuwelaaya. Mwiiwe nuulumo naApwiya. ³ Apwiya Muluku aniira tjo: Ootakhaliya arumeyi antthara n'nepaaya, massi khanoona etthu! ⁴ Israel, arumeyaa ankhala phanka akhutjupa owiin'nha nlaponi. ⁶ Khuwelale eluwani yoorukureerya ntthojo naIsrael wirra otthonkomanihe, akhale oolipa okhottoni nihuku naApwiya. ⁵ Atthwaayo arina tjowoona tjoohiloka nimuupuwelelo oohiloka; ninyaale aniira: N'na nuulumo naApwiya. Apwiya khayaaveleelihale; kontha anawaathepyatjaka atthu. ⁷ Khamwaarina tjowoona tjoohiloka nimuupuwelelo oohiloka: Nen'no nuulumo naApwiya, kihuulumale yeeyo. ⁸ Phimaana Apwiya Muluku aniira tjo: Kontha n'nokhalanaka tjowoona tjoohiloka niwootha, n'na nuulumo naApwiya Mulukweenhu: ⁹ Ntatanaka nin'hala okhala naarumeyi owoona tjoohiloka nimuupuwelelo oohikhala. Ayena khankookhala munthukumanoni mwaatthwaaka wala wantikhiya mwantthoko naIsrael; khankooorwaa elapo yowIsrael. Kontha n'naahala otjuwela wiira KaApwiya Muluku! ¹⁰ Phimaana, kontha essiyani waakusssaka atthwaaka yaahulussaka yiiraka: Nrettele! ohirivo nrettele, ayenatja an'neemessa essiri noossirintela yootteeliha. ¹¹ Waahimeerye yaale anssirintela essiri niyootteeliha: Enaahala omoora; enaahala orupa epula ni kinaahala oveleeliha ephyoo yuulupale ni enaahala omoriha. ¹² Nkaweha eluwani enaahala omora. Akhwaawe khayookohaleni: Yootteeliha erivayi yaassirinteliye mon'mo. ¹³ Phimaana, Apwiya Muluku aniira tjo: Kinaahala owiiha ephyoo yuulupale noorussiyawaka, ni, epula yuulupale! Niipula yuulupale enaahala okwanhula woomalela. ¹⁴ Kinaahala omoriha essiri, wowiira etjuweliye epankeliyuwaaya. Tjitjon'mo, enaahala omora ni nhu n'naahala orimeela eriyaryaaya. Ni n'naahala otjuwela wiira Mi KaApwiya. ¹⁵ Tjitjon'mo noorussiyawaka kinaahala ovarela nteko essiri ni yaale yaassirinteelale. Kinaahala owiirelani: Essiri khiivotho wala atthu yaassirinteelale, ¹⁶ arumeyi oIsrael yaalalyaale mwaha waJerusalem ni yaarina woona wonrettele woyeeyo. Massi khuuvo nrettele! N'na nuulumo naApwiya Muluku. ¹⁷ Vano, we, mwaana antthu, owehe ekhove yaassaana aatthu, analalyaa nootjuwelatjawaya, ni waalalyeele. ¹⁸ Ni wiire: Apwiya muluku aniira tjo: Ahotakhaliya athiyana anpanka ekhankaani tjon'moononi ni anpanka maleesso on'murumwaya, an'wara wiira yaavarihatje atthu. N'nohala waavariha atthwaaka, massi n'nohala woopola ekumitjaya. ¹⁹ Nhu n'hokitarawatja eriyari yaatthwaaka mwaha watjoohalahala tjophaawu, wiira mwiive atthu yahaari oophela okhwa, ni waahiyera okumi yaahaarina okumi, waha watjowoothatjinhu tjiiwaaya atthwaaka. ²⁰ Phimaana, Apwiya Muluku aniira: Kiri niikhankaanitjinhu tjinwariya wiira avarihatjiye atthu, phanka enuni. Weekhweeli, kihaakumiha n'matataniwinhu; naatthu, anaavariheenhu phanka enuni Kinaahala waataphulatja. ²¹ Mi tootho kinaahala waahula maleesweenhu, ni kinaahala woopola atthwaaka n'matataniwinhu. Ni nhu n'naahala otjuwela wiira KaApwiya. ²² Wahoonyaa wiira n'hotjukuliha mirima tjaatthu ossariya niwootha, kinoohipheelaru yeeyo, ni n'haalipihera oovavaryaa wiira ahihiye nttalaaya ni woopola ekumyaaya ²³ phimaana, khan'nokookhalanatho tjowoona tjoohilika wala muupuwelelo tjoohiloka, kontha kinaahala woopola atthwaaka n'matataniwinhu. Ni n'naahala otjuwela wiira kaApwiya.