¹ Nlopwana n'motja, iihaniya Ananias, nimwaarawe Safira, yaahotumihatja emattaaya, ni aahohalana nphantte nkhwaawe won'ssurukhu. ² Yena nkhwaawe aahokussa arweehaka n'nhaani mwaarumeyi. ³ Ni Pedro aahiira: Essiyani ntjassera ontjalihaka wanrimaniwaa, othepyaka n'nepa nttakattiifu, ni ohohalana nphantte nkhwaawe wonssurukhu womatta? ⁴ Hata waahiyale ematteyo khayaahala okhala yawaa? Ni hata etumihiyaka nssurukhu khawaahala okhala wawaa? Khawaattepyale atthu, massi muluku. ⁵ Ni Ananias wiiwalyaawe moolumwaale, aahomora ni aahokhwa. Ni atthu ooteene yiiwale moolumwaale yaahoova ventji. ⁶ Ni aahokussiya naassilopwana, arweehiyakoota, ni yaahonssikhatja. ⁷ Tjinavirale ewoora tthaaru, amwaarawe tootho yaahokela, ahitjuwelaka etthu yaakhumenlale. ⁸ Pedro aahowiirela: Nkihimeerye: Ntumihatjale niyoola nssurukhuula ematteele? Ayena yaahiira: Khweeli, yooyo nssuurukhuuyo. ⁹ Pedro aahiira: Wawaale tjani nhu nssikissanaka wiira nttehattehe n'nepa waapwiya? Owehe enhaatjaya yaale yaathipenle awan'nha aritji wankhora, naayenatja anaahala wookussa. ¹⁰ Naanaanoru ayena yaahomorela n'nhaanimwaya, ni yaahohiya omumula. Naasilopwana waakelaaya, yaapwanhale anakhwale; Yaarweehakoota, yaahossikhiya nphantte waawan'nhaya. ¹¹ Ni waahokhumenla woova tjinene ekeretja yooteene, naatthu ooteene yiiwale tjitthun'nha. ¹² N'matatani mwaarumeyi tjaahopankiya mithoonhero tjintji nimiiriirya ohoolo waatthu. Ni ooteene yaahokupali n'nipwaroni na Salomao. ¹³ Massi akhwaawe, khaavo apheela otakaneela naayenatja; Massi atthu yaanawaahissimu ventji. ¹⁴ Khula ekwaha atthu yaamini apwiya yaanawintjenryaa, atthu entji alpwana naathiyana. ¹⁵ Womanan'na yaayo aretta yaawaaniya niiphiro, akussiyaka nkorini, wiira Pedro awavale, wanakhala ntthuutjaawe waakhuneelatje. ¹⁶ Ni epooma tjowaattamana yaahowa atthu entji Ojerusalem, yaawaanaka aretta, ni ookeliya niminepa tjootakhala, ooteene yaahovonihatjiya. ¹⁷ Nkhulupale anankuttho, aahovuwa naatthu ooteene yaarinaawe, naayenatja yaahotjaranatja nttima. ¹⁸ Ni yaahohelatja matataaya mwaarumeyi, niwaatthukelatja nkhattyaa. ¹⁹ Vano ihiyu, nlaikha naapwiya naahowa otthukula mkhora ni waakumiheratja ota, ni yaahowiirelatja: ²⁰ Nrwee mwiitjuwelihe nkeretja ni mwaahimeerye atthu moolumo eekumi. ²¹ Ni ayenatja, wiiwawaya yaahokela nkeretja owitjissu, ni yaanossomiha. Wawaalyaawe nkhulupale anankuttho, yaale yaari niyena, yaahowiiha mahooleli ookeretja aassaana owiisrael, ni yaahaarumatja okhattya wiira yawaanatje. ²² Anamakhlenla yaahorwaa woowu, massi khayaapwanhale nkhattyaa, yaahohokolyaa ni yaahohimyatja. ²³ Nipwanhale ekhattyaa yootthukiyeene anamakhalenla aneemenle mikhora tjooteena, vano wahunleehu khaninpwan'nhe ntthu. ²⁴ Vano nkhulupale aanamakhalenla ni akhulupae anan'kuttho wiiwalyaaya yaakhumenlale, yaahokhala ootikinihiya n'muupuweleloniwaya. ²⁵ Vano, aahowa ntthu waahimeeryatja iiraka: Atthu yaattukelaleenhu ari nkeretja yaassomihaka atthu. ²⁶ Vano nkukhula naanakhottwaawe woohimwiirihatjeetthu, hontha yaanawoova ohomakatjiya naatthu. ²⁷ Vano wawaaniyaaya yaahothoonhiya waakhulupale. Akhulupale aanankhuttho, yaanawaakohatja. Iiraka: ²⁸ Naahoohimeeryani wiira n'hissomihe wontjinan'na, vano ossomihawinhu n'hotjriha njerusalem nuussomihawinhu munpheelatja onitjaliha ephomyaawe nlopwanooyo! ²⁹ Vano Pedro naarun'mwa yaahaakhwula: Nihaana nimwiiwenlaka muluku, wowaavikana aatthu. ³⁰ Muluku paapeehu aamunwenlihale yesu, aamwiivaleenhu, munkhomelaka wathaapwani. ³¹ Muluku aahotaphulela ntatanawe moono wreeloowana wiira akhale moopoli oopatjera, wiira an'naisrael yiituthuwe tjootthekatjaya. ³² Ninaakhalela onamoona tjitthun'nha, tjitjon'mo n'nepa nttakattiifu, wan'luku onavahaawe atthu amwiiwelela. ³³ wiiwalyaawe n'nho anakano yahonhonhiya ni yahopheela wiiviya arunmwa. ³⁴ Vano afaritji ahomuiihana Gamaliel, nkukhula okettelo, athithimihiya naatthu ooteene, yaahovussiya arumeyi ooteene wiira akussiye arwaaniyaka ota owakathi vakaani. ³⁵ Wowaakulela aahowiirelatja: Atthu owiisrael, nkhale ootjuwela enpheelenhu opanka naatthwaala. ³⁶ Mahuku avirale, Teudas aahovuwa iira ntthu, naatthu entji, oophiyaka emiya tjesse, yaahokhala niyena. Ni yena aahiiviya, vano ooteene yantthara yaahokawanyaatja nuurimeelatja. ³⁷ Vano yeeyo, Judas oogalileia, aahowa nihuku noomalela ni entji yaahontthara. Ni yena aahokhwa. Naatthu ooteene yantthara yaahokawanyaatja. ³⁸ Kinoohimeeryani wiira mwaahuluwe atthwaayo nimwaahiye, kontha ntekoola wakhala waatthu, onaahala okhwa. ³⁹ Wakhala wiira wamuluku, khamun'hala okwanhuwatja wiira n'hikhale n'nhakulihanaka nimuluku. ⁴⁰ Wowaakulela , yiihaniyaka arumeyi, yaahokhaviheriya, ahimeeriyaka wiira ahuulume ntjina na yesu, ni yaahotthunihiya orwaa. ⁴¹ Ayenatja yaahohiya ekano mwaha wowiira anapwanela ohaawa n'mwiinanoni mwantjina nayesu. ⁴² Enaviraleeyo, mahuku ooteene, nkretja, ni enupa niinupa, yaanaahokoleela ossomiha ni ankhomelaka yesu kristu.