¹ Pedro ni Joao yaawela eruaka n'kapela owakathi wo mavekelo, owakathi wo nakhen'tta. ² N'lopuana m'motja owuuntakiatja eyareliyawe, anathatiiya mahuku otene ni ahinya wa n'khora wokapela wihaniiaka Formosa, tjoo yena aahana alepelaka etjimola athu yakela n'kapela. ³ Wamonaliawe Pedro ni Joao epheelaka okela n'kapela, haalepela etjimola. ⁴ Pedro, aan'wehehaka yeena, vamotja ni Joao, hiira: "N'kaniwehe". ⁵ N'lopuana owuntakeioole ahaweha, aweheenraka wakhen'la ethu. ⁶ Vano, Pedro hira: "Akirina eparata wala ewooru, yele erinaka, yeyo kinawuuvaha. Muaa n'tjina na Yesu Cristo o Nazare, weette". ⁷ Peedro an'vareen'laka moono wee lopuana, ahoonvussa; owaakathi yoole mettotjawe ni makhuva ekotjokotjo yahokhalana ekuuru. ⁸ Vano, n'lopuana owuntakioole ahemeela ni ahan'tja weetta; ni hikela ni Pedro ni Joao n'kapela, eettaka, atuphaka ni an'ttithimihaka Muluku. ⁹ athu oteene yahomona ettaka ni an'ttithimihaka Muluku. ¹⁰ Ayeena yahontjuwelela wiira oola n'lopuana nonkomessaka wiira akheen'le wankhora woo n'kapela; ni yahotikinihiya tjinene ni yahatjivela muaha yamuiranelale. ¹¹ Pedro ni Joao wan'kussaya, athuu oteene yahothiawen'la, otteliyene tjinenee, wihaniaaya Portico wa Salomao. ¹² Pedro hoona n'nhaa, hakoha: "Nhuu, athuu oo wisrael, n'notjiveliya essiani? n'noniwehehatjani, n'yoko hii ninapaan'kale wetta nikuru tjihu noo thunku? ¹³ Muluku a Brahamu, a Isaque ni Jaco, Muluku an'napapehu, honttithimiha nantekoawe Yesu. Oole piyole muinvahalen'nhu ni muinkhottalen'nhu eriiari ya Pilatos, owakathi yana waphelawe on'thukula. ¹⁴ Nhuu n'hokhotta Ttakattifo ni o Chariya, waala yeeyo, yahoon'lepela wira nan'nhathoole evahiye. ¹⁵ Nhuuva n'homuiiva muaneene okumi, yoole Muluku n'hihimussaliawe mua nookwe, nii namoona waa yeeyo. ¹⁶ Ni vano, oola n'lopuanoola, yoole nhuu n'nomoonen'nhu ni n'nontjuweleen'nhu, mwaa ntjinanawe n'holipiheria moo waamini. Wamini on'mua wa Yesu, onaanvaha okumi woorera oola n'lopuanoola, eriiyari wa nhuva otene. ¹⁷ Assun'na, kotjuwela n'hotjatja nu khotta, hata nhuva ahoheliiva. ¹⁸ Watjotene, tjithu Muluku tjihimaliawe wa malaku wo ma profeta, Cristuawe ahaana ahaawaka, Yena hovara. ¹⁹ Muitathuwe, vano, ni muirukunusse, wira nleveleliiye etampitjinhu, wira waphiya owakathi wokhitjera wa eriyari ya Pwiya. ²⁰ Ni yena honruma Yesu Kristu, yole athanleliyen'nhu nankhalayiru. ²¹ OOle pii yoole eriimu tjihana omwakhenla npaka owakathi worerihiya tjithu tjotene, muaha wa yoole Muluku amulumaliaawe, owakathi wo khalai, muaha womalaku wa ttakattifuawe ma profeta. ²² Wekhueli hira Moises: "A Pwiya Muluku nakhumen'la profeta n'toko mi eriayari wa sun'nenhu. m'muiwen'la tjoteene N'kowuhimeriaweni. ²³ Wanaakhumenla, yoolde hinrua omuinwe'la profetole, anahala okuanhuuliya eriari ya aathu. ²⁴ Ma profeta otene, ekhumelo Samuel ni yale yakhumenlale, ahottoon'ka ni ahohimiya wa yala mahikuaala. ²⁵ Nhu muaa assaana o ma profeta ni Watana Muluku opaan'kaliawe nan'napapen'nhu, ntoko tjamuireen'liawe Abraao: "Anaahala orerihiiya a muutji oteene owatunianiva ". ²⁶ Muluku nan'vussale nan'tekoaawe, wopatjera Honruma wiira oreriiheni, an'kumihaka kuta nthu tjonhalatjawe".