¹ Niphiyaliaya nihuku Nopentekoste, yathukumanale otene nipuro nimotja. ² Wowakuviawe wahonhakula, n'toko ephiyo yulupale, ni yahotjara enupa yotene won'komatjaliaya. ³ Yahowa malimi n'toko mooro yakawelatjiyaya, wahon'morela wakutan'thu. ⁴ Otene yahitjarana N'nepa N'ttakattifu, ni yahantjera wuluma eluka tjikwawe, n'toko N'nepa tjavahaya wira yulume. ⁵ Ni Yahavo majudeu yakhalatja o Jerusalem, alopwana okiriri, elapo yotene eri vathiwaya erimu. ⁶ Win'wiyaya onhakulan'we, athuale yahothukumana; ni yahotikinihiya, kon'tha khula n'thu in'wa wulumiya elukawe. ⁷ Ni otene yahotikinihiya, ni yanatjiveliya, yerelanaka n'thu ni n'kkhuawe: "Ala anulumatjaala, oteneala khanakhala ma galileu? ⁸ Ninowin'wa tjani kuta n'thu ulumaka elukeehu, eyareliyehu? ⁹ Maparto, Amedos, Alamitas, ni yale an'khala o Mesopotamia, o Judeia, macapadocia, Aponto, Wasia, ¹⁰ Ofrigia, Panfilia Egito ni n'ttethe wo Libia wowattamela o Cirene, ni yale an'khuma oroma, okuma ma Judeu hata ma proselitos, ¹¹ Macrentenese ni Marabe, nihowin'wa ni lukeehu yulumaka tjithu tjulupale tja Muluku. ¹² Ni otene yale yahokhala otikinihiya ni yahorussiya, yirelanaka n'thu nin'khuawe: Yeyeyo en'himiani? ¹³ Ni akinaku, yanawatarawa yiraka: Aanohapalatjiya. ¹⁴ Massi Pedro, ahemela ni yale khumi nam'motja, ahokhuwela, ni ahowirela: "Athu o Judeia, ni otene an'khala o Jerusalem, ehana etjuweliyaka, ni kihin'wa n'viriyane molumwaaka: ¹⁵ Athuaala khahapalatjiye, n'toko tjinupuwelen'nhu, wari owakathi wo neraru yothana. ¹⁶ Ela phiyo yahimiye ni profeta Joel: ¹⁷ Mahuku omalela, Mukuku ahira: Kinawakurussela N'nepaaka athu otene, assanen'nhu assilopwana ni assithiyana anahala oloha, amwavanoen'nhu anahala woona, ni mitjetjinhu tjin'koloha; ¹⁸ Ni hata anan'tekoaka, yayo mahukuayo kinahala wakurussela N'nepaka, ni anahala ohimiakatja. ¹⁹ Kinamwathonhihera miriria tjo wirimu, ni mithonhero vathi ethaia; ephome, mooro, ni othuwa mwissi; ²⁰ Nto nsuwa ninothatuwa ekhale epiphi, ni mweri ekhale ephome, ohinathi ophiya nihiku nulupale ni noneiya Napwiya. ²¹ Ni yowo onitthana nsina Napwiya onimopowa. ²² Alopwana israele, nwiriane masu'ala : Yesu Onazareno, mulopwana Muluku omukupanla'awe wa nyu, ni mithikiniho, mirirya ni sa malavi, Muluku eralyawe ntowa na yowo eriaryan'nyu, siso axinenan'nyu munsuwela; ²³ Ni siso ahinyereriwa nale osuwanyeya olamulelo'aya ni eni'epukeliwe oholo ²⁴ Muluku, ni'tho akuxiwawe, mmatatani yawo otakala yowo mwamuthomeiya, ni mmwipha, masi yowo Muluku omuhihimuxa; wawi kivaweraneiya otxukiwa ni yowo. ²⁵ Kon'tha Davi hohimia mwahawawe: Mi kanawona Apwiya eriyariaka, kon'tha ayena ari monoaka welopwana, wira kihove. ²⁶ Phimana n'rimaka ori wotteliya, n'liminaka ninatteliya , n'paka eruthuaka enamumula nuroromela. ²⁷ Nhu khamwin'hala ohiya erohoaka etunia yo nokhwa, ni khamwin'hala on'thuniha ttakattifuin'nhu wira ahawe. ²⁸ Kon'tha nhu n'hokitjuweliha epiro yekumi; nhu n'nakitteliha n'rima tjinene eriyarin'nhu. ²⁹ Assulupalika, kinamuhimeriani wohuvithani mwaha wapapehu Davi, khuale, ni hovikhiya, ni mahiyaya ari mwahivano m'paka olelo. ³⁰ Phimana, nariene profeta, natjuwelalene wira muluku ahon'khuluveliha nuulapha wira anahala on'hela n'thu m'motja wan'lokoniwawe won'koma wahitjeniwawe; ³¹ Yena ahonela yeyo, hulumela ohihimuwa wa Kristu, wira erohoawe khayahin'ye etunia yaanookhwe, wala eruthuawe khayathekale. ³² Yesu yoyo Muluku n'hihimussaliawe, hivano otene nirri massaahiti. ³³ Phimana, nawelihiye mono welopwana wa Muluku, ahakheen'la wa papawe okhuluvelihiya N'nepa N'ttakattifu, hokurussela yeyo n'nonen'nhu vaa ni n'niwen'nhu. ³⁴ Kon'tha Davi khawelale wirimu, massi yena hera: Apwiya ahowirela Apwiiya: Won'kome moono welopwanaka, ³⁵ M'paka wakelaka wapan'ka ephiro yale anowomolaniha m'mettoniwa. ³⁶ N'hana n'tjuwelaka enupa yaa Israeli, Muluku hom'pan'ka Pwiya ni Kristu yoyo Yesu, mwin'khomelalen'nhu. ³⁷ Win'watjaliaya yeyo, yahokhala otjukula wan'rimaniwaya, yahomwirela Pedro, ni arrun'mwe akinaku: Assun'naka, nirekeni? ³⁸ Ni Pedro ahowirela: Mwituthuwe, ni wakhula n'thu apattissiye mwa n'tjina na Yesu Kristu, wira n'leveleliye etampi tjinhu; ni n'narwa wakhelihiya evaheriyo yo N'nepa N'ttakattifu. ³⁹ Kon'tha okhuluvelihiya wawinhu, wassane'nhu, m'paka otene yalae ari ottai, m'paka Apwiya Muluku an'halaya owihana. ⁴⁰ Ni mulumo makina yena anokhalela ossahiti,ni anawalipihera, iraka: Mwikumihe nikhoto no tampi! ⁴¹ Vano yakhen'lale nulumonawe nuthuna yahopattissiya; nen'no nihukun'no yahin'tjeria yahokupali athu ekonto Thaaru. ⁴² Ni yanawettela ekettelo ya rumei, yanawaliana, ni yassuali wamotja. ⁴³ Ni yanamoova athu otene, ni miriria tjin'tji ni mithonhero tjahopan'kiya na rumei. ⁴⁴ Ni yale yathuna yakhalatja n'khai, ni yanakhalana tjithu tjotene n'khai. ⁴⁵ Ni ayena yanatumiha mihakhutjaya ni mattatjaya, ni yanakawelana otene, wakhula n'thu tja phelawe. ⁴⁶ Khula nihuku yanathikumana wamotja enupa ya Muluku, yanamelana eyolia mathokoni, ni yaliatja n'khai nuttelia n'rima. ⁴⁷ Yanan'ttottopela Muluku, niraati wathu otene. Ni Apwiya kula nihuku yanawiin'tjera n'keretja yale yopoliya.