¹ mi kiholeepa eliivuru yoopatjera, Teofilo, ataphuulelaka n'nhe Yesu tjapatjeen'riawe opaan'ka ni osomiha, ² n'paka nihuku nakusiyawe wiirimo. eyoo yeraniaale navahale n'lamulo, eriiari wo n'neepa n'ttakattifu, wa rumeei Yaale yathan'laliawe. ³ Nahawatjale, Yena hithoonhera nkuumi wayenatja, nulaawiha wohivithavitha. Mahuuku arupaiini, Yena ahakumenla, howulumela mwaha wo mweene wa Muluku. ⁴ Yeena wathukumanaliawe na yeenani, ahowiirela wira ahikhumeeni O Jerusalem, massi yan'riihe khuluvelihiya wa paapa, tjo, Yena hiira: "nhuu n'hinwa wa mi ⁵ Joao hopathissa ni matji, womahuku vakani, nhuu n'naarua opathissiya ni n'neepa n'takathifu". ⁶ Wathukumanaliya yaahonkoha: "pwiya, oola pukathi wankrerihen'nhu omwene wa Israel?" ⁷ Yena howirela: "n'hiphelaatje otjuela owaakathi a paapa ahimatjaliaya ni kurutjaya; ⁸ n'naarua wakheela ekuru, n'neepa n'thakathifu wookhuruwelani, n'norua okhala enamonaka, o Jerusalem, m'paaka o Judeia nuu Samaria, n'paaka etuniiya yotene." ⁹ Wamaliihaliawe ottonkatja ethun'nha, a Pwiya Yesu yahokusssia otjuulu owakathi wawehaya, nihutte naahattiyenla owiitho. ¹⁰ Ayeena yira ewehaaka wirimu, Yesu aweelaka, wowakuviawene, yahowa alopwana eeli ohoolowaya owaratja ekuwo tjoottela. ¹¹ Ayeena yaheeratja: "Aloopuana ma galileu, n'novarani va m'mwehaka wirimu? Yoole Yesu kussiiye wirimu, naarua hokolia manaan'na yaayo m'monalen'nhu awelaka". ¹² Yahohokolelatja o Jerusalem, o Mwaako wa Olivera onkhaala wakiviru nuu Jerusalem, ettaliveelo wowetta wo sabado. ¹³ Ayeena waphiyaliaaya, yahorua ee quarto yon'tjulu, nipuro nalukamaliaaya. Yari aala Pedro; Joao; Tiago; Andre; Filipe; Tome; Bartolomeu; Mateus; Tiago; muaana aa Alfeu; Simao, Zelote; ni Judas, muaana aa Tiago. ¹⁴ Oteene aala yahokhala owataana m'mavekelooni, n'kaayi nathiyana, nii Maria, anumuanawe Yesu, naa sun'nawe. ¹⁵ Mahuku yaale, Pedro aheemela eriari wa suun'na, wookhalaka eminha wo ciriini athuene, ni hera: ¹⁶ "Assuun'na, wanapwanela wirania tjowantikhiya, yele n'neepa n'ttakattiifu ehimaliaya wa malakuni wa Davi, muaha wa Judas, pha hoolela yaale yan'thukale Yesu. ¹⁷ Yena arii nkhuinhu apanka nphanthi yola ntekola". ¹⁸ (Yola nlopuanola hopwanha ematha wo n'thuvo wa tjoonhalatjawe, vano, ahovuveela n'muruuwawe, eruthuawe yahuntia eriari ni maphavelaawe yahomuarisseliiya oota. ¹⁹ Iyo ya hotjuwelia naale yakhala o Jerusalem, ematteele yahovahia ntjina ni mulumeelo wa yele elapoeele "Aceldama", enhimiakatja tjoo "Ematta yo phome".) ²⁰ Ehantikiya elivuru ya Salmos: "N'hiye ematten'nhu yohikalia ni n'hiithunihe nthu okhala vale" ni "Muahiye akinaku akhale nipuro nariin'nhu". ²¹ Onapwanela, tjoo, wa alpuana otene yakhala nihi owakathi a Pwiya Yesu yariaya nihi, ²² nipatjeraka ni npathisso wa Joao n'paka nihuku nakussiyawe otjulu, m'motja m'motja akhale nihi ntoko enamona wo vuwelelawawe". ²³ Ayena yahelenle eli: Jose, ihaniaka Barsabas, ihaneliaka Justo, ni Matias. ²⁴ Ayena, evekelaka, yaahiira: "Nhu, Pwiya, n'natjuwela mirima tja athu oteene, vano, n'n'himeerie oyeeliala thuuvi nhu on'than'lalen'nhu ²⁵ wiira attiye nipuro wa yoola n'tekoola, Judas wihapuassaliaawe aruaaka wa nipuroniiwawe". ²⁶ Ni arihelanaka muaavi, ni wahom'morela Matias ni ahalikeleliya wa yale okumi na m'motja.