¹ Vano Apolo nariene o Corinto,Paulo hovira mittethe tjo rekama ni ahowa epoma yo Efeso ni ahapwanha arumei akina vavale. ² Paulo ahakoha: "N'hakhela N'nepa N'ttakattifu wathunalen'nhu?". ayena ahakhulatja: "Mena, khanakhen'le. Khanihimeriya wira ohavo N'nepa N'ttakattifu". ³ Paulo ahira: "N'pattissoni n'khalen'nhu m'pattissiyaka, vano?". ayena ahakhula: "N'pattisso wa Joao. ⁴ Paulo ahira: "Joao pattissale ni n'pattisso wowituthuwa, awirelaka athu wira ahana anthunaka Yole akela owa ottuliwawe, ti tjo, mwa Yesu". ⁵ Anin'walene elee, yahorwa opattissiya mwa N'tjina na Pwiya Yesu. ⁶ Vano, Paulo ahessen'riya matata, ni N'nepa N'ttakattifu wahakhuruwela, ya huluma eluka tjikhuawe ni yahan'tja ohimiya tjin'hala okumen'la. ⁷ Otene, yari alopwana khumi neeli. ^{8 9 10} Paulo ahorwa nSinagoga ahuluma ni kuru mweri miraru. Yena anaholela onhakulihaniya ni anawatjivihera athuaale ni thu tjoreratja tjo mwene wa Muluku. Ni vano ma Judeu akinaku oolipiha nrima ni anattiyamaru yahantjera wuluma onhala ephiro ya Cristu eriyari ya athu. Paulo ahahiya ni ahahoolela arumeiyawe ottayi wa yayotja. Yena ahan'tjera wuluma mahuku otene etjicola yo Tirano. Yeeyo ahorwehela mwakha milini tjitjan'mo otene yale yakhala Wasia yahinwa nulumo na Pwiya, okhuma ma Judeu n'paka ma grego. ¹¹ Nluku eera apankaka miteko tjoweriya n'matatani mwa Paulo, ¹² n'paka aretta yanavonihiya, ni matjini yanawakhuma, wavaraiya malesso ni phiyoo tja Paulo. ¹³ Vanotho yahavo ma Judeu, yanawara n'tjina na Yesu wayale yarina matjini, yiraka: "Mi kinawomolani mwantjina na Yesu, yole Paulo nohimiawe". ¹⁴ Yale apankale n'nha yari sapa assana a Ceva, n'khulupale anamukutho. ¹⁵ Vano n'tjinin'ne nahomwakhula: "kinantjuwela Yesu ni kinantjuwela Paulo tipani, vano nhu, mwapani?" ¹⁶ Nlopwana arina matjiniaale hatuphela yomolatja matjiniaale, ahowattakatja, yahothiawatja enupeele, matamata ni orakalatja. ¹⁷ Eyo yahokhala yotjuwelia motene, okhuma ma Judeu ni ma grego yakhala we Efeso. Wova wahamorela otenewaiya, ni N'tjina na Yesu neera nivuwihiyaka. ¹⁸ Ma Cristu en'tji yanawa, yanalaphlula ni akupalelaka mitekotjaiya tjohilokaloka. ¹⁹ En'tji yavara miteko tje nhan'ka yanathukumaniha elivuru ni yanawana wira epahe eriyari waathu otene. Ni, wahimatjaya ehissapu tjo livuru, tjahophiya ekon'to han'sini yo prata. ²⁰ Tjoo Nulumo na Pwiya nanawun'nuwa wo manan'na men'tji ²¹ Paulo wamalihaliyawe ntekoawe o Wefeso, aholakela mwin'nepani orwa o Jerusalem, vanotho anawupuwela hinathi owona macristu mwinttetheni wo Macedonia ni wo Acaia. Ahira Paulo: "Narwale o Jerusalem, kinahala orwa o Roma". ²² Yena aharuma arumeiyawe eeli, Timoteo ni Erasto, o Macedonia. Paulo ahohala epoma yo Efeso, eporovincia yo Asia. ²³ Yoyo owakathiuuyo yahirania epokoho mwaha wo nttala. ²⁴ Kontha ahavo m'motja apakatja tjithu tjo prata enupa ya nluku Diana , ni yananvaha ehissapu yintji wo miteko tjavarawe. ²⁵ Nahothukumana nananteko wo tjithu tjolikana, ahira: Alopwana, nhu n'natjuwela wo ntekoola nihana mihakhu. ²⁶ N'toko wanonen'nhu ni waniwen'nhu kahi pahi wEfeso, kon'tha Asia otene, yola Paulo akhanhen'rihaka ni ahulussaka athu en'tji. Yena nera khavo amuluku opan'kiya ni matata apinatamu. ²⁷ Khivo erivo yowopiha won'tekwehula okhala wohikupaliya, n'paka n'ssikithi wa n'lukweehu mulupale Artemis onarwa woniya kham'pa ethu yohithu. Vano ayena anarwa wamora eyulupaliya, wa yayo Asia otene ni etuniya an'kokhorelaya ²⁸ Win'waliya n'ye, yahorussiya ni yahokhuwela, yiraka: "Mulupale n'luku owefesio". ²⁹ Epoma yotene yahotjariya epokoho, ni athu otene yathiawa n'khai arwaka omihaponi. Ayena yanawapurulatja yanvaranawe nteko Paulo, Gaio ni Aristarco, yawale o Macedonia. ³⁰ Paulo aphela okela eriyari yaathu, vano arumeiyawe khayampheliale. ³¹ Tototho akhulupale akina o provinciya yo Asia, yakhan'le mipathanitjaiya yahavahen'ra n'ttava alepelaka wira ahikele mwin'haponin'mo. ³² Akinaku yakhuwela wo manan'na n'motja, akina naakina, vano athuwale yari orussiyene. Entjiyaale khayatjuwela ethu yathukumanen'liaya. ³³ Ma Judeu yahon'kumiha Alexandre onrwana oota wathu, an'mwanaka eriyari wathu. Alexandre, anthonhiheraka ni n'tata, aphela wahimeriya athwale. ³⁴ Vano watjuwelaliaya wira yena ari Judeu, yahonhakulatja ventji onakhalaka ewora pili: "Mulupale Artimis wan'na Efesios". ³⁵ Vano namalepa o m'poma, amalihaka athuaale, ahira: "Alopwana owefeso, tipani hintjuwela wira epoma yan'na Efesios enassunka n'sikithi wa mulupale Artemis ni enatarato emorale wirimu? ³⁶ Onaka, vano, tjen'nha tjithun'nha khatjin'khottiya, onapwanela omalatja ni n'hipanke ethu. ³⁷ Vano n'hawana ala alopwanaala n'na nipuron'na, yala khanakhala attapaiya onkeretja, wala kayantarawatja mulukweehu. ³⁸ Phimana, akhala Dinetrio ni martifice ari ni yena hothenrihiya n'thu, tjahavo eparassani etripunale motherianeke yayoru. ³⁹ Phimana, mwaphela ethu pithu yolikana ni mwaha n'khuawe, ehana owehehiya mwi 'nthukumanoni. ⁴⁰ Vekhweli, onanopiha wothen'rihiya yela epokohowela. khivo assariya wo ohithonkomanihan'no, wala ehinphelehu otaphulela". ⁴¹ Enahimatjiyela, yena ahokwanhulatja nthukumanoole.