¹ N'hana mupiwelaka, wira mahuku omalela anahala owa mahuku orikarika. ² Kontha an'hala okhala anamwikhupelatja tjotene, anassoyo, anamwittithimiya, anamwitjina, anamatarawa, athu ohiwinwelela an'napapaya, athu ohissukhuru, ankokhala athu ohitini. ³ Khan'hala okhalana mfento nassikhuaya, ohatanatja, ottokutta, ohikhwitiri, anamapaka tjotakhala, ohithuna tjithu tjirera. ⁴ Ankokhala athu ohikhuluvelia, ohithuna ohimeriya, owikukhuluha, ankohiya omova Muluku ya fenteke tjithun'nha. ⁵ Ankokhala ntoko athu ossuali, akhottaka ekurutjaya. Nkhale ottayiwaya athuala. ⁶ Akinakuayo anakela m'mathokoni wakussa owolwa otjarana etampi, owettiheriya ni tjithu tjintji tjo hiloka; ⁷ ankhala athiyana ophela withutja, massi ankhala ohitjuwelaka ekhweli. ⁸ Ntoko Jones ni Jambres yahokhala enwananaka Moises, hata ala ankhala ewananaka ekhweli. Ankhala alopwana othukiya mupuwelelo ohithuniheriya wamini. ⁹ Ayenatja, khan'hala okelela oholo, ohitjuwalawayawo on'hala woniya nathu otene, ntoko tjariaya walopwnaale. ¹⁰ Massi we ohothara tjossomihatjaka, makhaleloaka, emphelaka, okupaliwaka, ovilelawaka, nfentoaka, nu khalelawaka, ¹¹ womolanihiyawaka, mahuvihoaka. We onatjuwela tjotena tjikikhumenlale epoma yo Wantioquia, ni a Pwiya ahokopola. ¹² Ni yale amphela okhala owatana ni Yesu Kristu anahala womolanihiya. ¹³ Massi athu otakhala nrima ni anawotha anrwa otepana ovara tjonhala, athepiaka ni nayena ethepiyaka. ¹⁴ Massi wee, okhale olipa ni kweli winthutjalia ni yele ethunalia ni nrimaa wotene. kontha we onantjuwela winthutjihale. ¹⁵ Ekhumelo enamwaniaa onatjuwela Tjowantikhiya tje Ttakattifu, tjinahala wutjuweliha nu wopoliya mwaha wo wamini mwa Yesu Krustu ¹⁶ Tjowantikhiya tjotene tjihohimiya ni Muluku ni phitjofaita para ossomiha, tjinakhotiha tjonhala, tjinavanhiha ni tjinassomiha manan'na okhala orattatjene; ¹⁷ wo wira nlopwana a Muluku akhale owithonkomaniha, ni okhala thayari wo phela opanka miteko tjomana.