¹ Phimaana we, mwaamwanaka, wiilipihe nimahala ari wayesu kristu. ² Ni wayeele yiiwalyaa mwaha womi waanamoona entji, waakhuluvele atthu owaamini, ankala oopheela waasomiha atthu akhwaawe. ³ Ohuve nimiivano, n'mahuvihoni toko nakhotto a yesu kristu. ⁴ Khaavo nakhotto niira nari okhottoni tjintjivelakatho tjitthu tjeekumiyeela, maana npheela ontjiveliha yoole mwantikhale. ⁵ Ni tootho, akhumenla namassintta toko anamattawa, khanaakhela etthuvo eeheettele ekettelo. ⁶ Namakima nvara nteko akhaleke owantjera olya mihokorokho. ⁷ Nkiiwenle enuulumaaka, maana apwiya anaahala wuuvaha otjuwelatja wotjutthu tjooteene. ⁸ N'muupuwele Yesu kristu, vuwenlale mwaatthu ookhwa, wa nikhoto na Davi, wonayeeli olalyaawaka. ⁹ Mwaha woolalyaa kihohuva n'mahuvihoni, nuutthukeliya, toko namwiiva, massi nuulumo namuluku khanitthukeliye. ¹⁰ Phimaana kinaavilela mwaha waatthu oothanliya, wowiira naayenatja akhalane woopwaa ori wa yesu kristu wowaarya woohimala. ¹¹ Nuulumon'na nokhweeli; Nakhwa niyena, wayooyo ninaahala okhala. ¹² Nahuvavale ninaahala okela muumweneni, nankhottavale, ni yena naahala onikhotta. ¹³ Nakhala ohaamini, yena naakhala owaamini, kontha yena khaniikhotta. ¹⁴ Muupuweleeyo, koolipiherakani ohoolo wamuluku, wiira n'hiwanihanatje nimoolumo, ohirina efayita, wwoohikhala okwanhuwatja woyaale aniiwa. ¹⁵ Opheelatje wiithoonhera wamuluku yoole lawihiye toko nanteko hinpattihatja ehaaya, nlalyaa saana nuulumo nokhweeli. ¹⁶ Ohuluwe myaha tjootarawanatjiya, tjen'nho tjinookussa mahuku ooteene mootthekani. ¹⁷ Moolumwaaya anaamwareela toko eretta; Woyaayo phaala: Himeneu ni Fileto. ¹⁸ Yaalatja ahohapuwa ekhweeli, yiiraka wiira ovuwenla ohiiranyaa; Nuutankulatja waamini waatthu akhwaawe. ¹⁹ Womanan'na oteene, yeele yoolipa epankaliaaweMuluku enaakhala ekhalanaka eela yothukela: 'aPwiya anawaatjuwela yaale aari awaya', ni 'Yoole nokhuwela ntjina naa Pwiya haana akhottelaka ohinassariya'. ²⁰ Ethoko yaanamakhalana tjakhinkhala muaapo tjo wooro ni tjo parata, tjin'nokhala tjooloko; tjikina paara wuusar mapuro onttittimiho, tjikina n'yo mapuro ohinttittimiho. ²¹ Vano, tjoo, akhalaka nthu owiirapiha wa tjeen'ya tjoohiloka n'hala okhala muaapo wonttittimiho, woovahenriya,wovareliya ni mwinthutjihi, wothenkatjiya paara ovareliya nteko woorera. ²² Othiaawe tjotjivelatja tje mwaavano. othare essariya, okupali, nfento ni nrettele wa yaale anaavuwiha aa Pwiya ni nrima wooreera. ²³ Phimaana okhotte moolumo ohiphuanela ni manan'na oohiloka. Onatjuwela wiira yaayo manan'na ayo owaana onhakulihana tja. ²⁴ Nanteko aPwiya hikhaleke ohinwananiaa. Wohikhala eeyo haana akhala olamaleliaa ni athu oteene, thayaari ophela ossomiha, ni ovilela. ²⁵ Yena haana ahihaka woo reerela wa yaale ahinomwin'wenla. Pooti Muluku anvahaka wiituthuwa wotjuwelatja waa ekhueeli. ²⁶ Yaayo pooti yiyevihaka tho ni ehapuawaka ntapha naa setuani, wathukiyaaya ni yena wo wiira apanke othuna wawe.