¹ Wanthoniwaya wa Muluku ni wa Yesu Kristu, nohala wahukhumu athu akumi nayo okhwa, owawawe ni mu mweneniwawe: ² Olalie nulumo; okhanhenrihe yakhala wira yeyo yorerela ni yakahala wira khihiyena wavanhihe, walipihere numalelia ni walipihere. ³ Onahala owa owakathi athu wankelaya ehivilelaka ekettelo tjekhweli; ohiya tjom'mo, anahala wakhalana amwinthutjihi ankela ohimia n'nhe tjimphelaya; ⁴ anahala ohiya ekhweli, ehokolelaka ekhapilatjaya. ⁵ Vano, we, owehawehe tjithu tjotene; ovilele mahuvihoayo, ovare nteko wolalia, ovare ntekoaa. ⁶ Kihokhala omwarisseliya ethuvo, owakathi wophela okhwa ohophiya. ⁷ Kihowana ikhotto, kihomalihera ntekoaka, kihossunka wamini. ⁸ Kihossunkeriya ethuvoaka yo sarriya, yele a Pwiya, ossariya ni an'hukumu, anahala okivaha nen'no nihukun'no; kahi mivano passi, hata yale ankela ofenta owawawe. ⁹ Ophelatje manan'na ophela okiphwanha piyaru, ¹⁰ kon'tha Demas hokihiya: yena hofenta owakathi yola, ni horwa Otessalonica; Crescente horwa o Galacia, ni Tito horwa o Dalmacia. ¹¹ Lucas rii ni mivano. onrwele Marcos wam'mwane, kon'tha yena khan'nhonhatjiya. ¹² Kihonruma Tiquico Wefeso. ¹³ Vano wiwaka, wawane ekatjakoaka ehiyaliakao Troade owan'nhawe Carpo, ni livuru, ventji ventji tjopankiya ni nttapala noonama. ¹⁴ Alexandre, novara nteko ni cobre, hokikumihera massaka mentji; a Pwiya anarwa onvaha ntoko tjavarawe miteko. ¹⁵ Wirattavenle ni yoyo, kontha yena hokotta ventji tjinene nulumonihu. ¹⁶ Wapatjeraka witjakiha khavo ari nimi wo wira akakihe, wovirikana, yahokithiawatja oteneale. eyo ehonihiye okhala ethu wa yenatja. ¹⁷ Massi a Pwiya ahokikhavihera ni ahokilipihera, wo wira kimalihere ohimia nulumo, amalapo otene yinwe; kahopoliya mwano mo kharamu. ¹⁸ A Pwiya anahala okopola wo miteko tjnhala, ni anahala okikeliha mu mweneniwaya. Wa yena okhale waria wo mahuku otene. Amem. ¹⁹ Kihonseliha Prisca ni Aquila, ni thoko ya Onesiforo. ²⁰ Erasto ahohala o Corinto, kihon'hiya Trofino aweren'yaka o Mileto. ²¹ Ohana owaka ohinathi oririya. Eubulo, Pudente, Lino, Claudia assun'na otene ahossenliha. ²² A Pwiya akhale ni n'nepaa. Mahala akhale ni nhuva.