¹ Ni aahaatakaniha Davi oJerusalem akhulupale ooteene owiisrael, ahooleli on'malokoni, mahooleli ooteene yaavarela nteko amwene, naasaanaawe ni waavirenle n'hooleli. ² Wavuwalyaawe mwene Davi aahiira: nkiiwe asun'naka ooteene, mi kaahaana opheela oteka enupa wiira yeeyo ekalawa yaapwiya ekahale mon'mo ni enhaa tjamulukweehu ni kiholikaniha tjooteene wiira kiteke. ³ Massi muluku hokiirela: We khun'hala oteka enpa wontjinanaka kontha onlopwana okhotto ni ohomwaressatja ephome yintji. ⁴ Phimaana Pwiya muluku hokithanla weenupa yaathumwanaka wowiira kikhale mwene owiisrael kontha Juda hokihela okhulupale niinupa yoojuda amutji aathumwanaka ni waassaana aathumwanaka ahokissukhuru wookhala mwene Israel ooteene. ⁵ Waasaanaaka ooteene pwiya honthanla mwaamwanaka Salomao wiira ookome weehitjeni wa pwiya mwaha wiisrael. ⁶ Ni Salomao aahokiirela, mwaamwanaa naahala oteka enupaaka, kontha kihiithanlela toko mwaamwanaka. ⁷ Tjitjon'mo kinaahala on'vaha omwene npka khalayi iilipihakavale niikettelotjaka niissariyatjaka. ⁸ Vano ohoolo wiisrael ooteene, nthukumano wa pwiya ni wiiwa wamulukweehu nsunke tjapwiya tjooteene mulukweehu wiira nkhalane etthaya yomaana ni yakhaleke yowaahiyera asaaneenhu wan'haleenhu ovira. ⁹ Ni we Salomao, mwaamwanaka anantjuwela muluku athumwanaa ni onanvarela ninrima woomalela nuutteeliya kontha pwiya naaweha mirima tjaatthu ooteene ni naatjuwela muupuwelelo tjaatthu ooteene. We wanrweelaka onanphwanha massi wan'hiyakavale, yena naahala wookhotta woohimala. ¹⁰ Vano pwiya hoothanla wiira oteke enupa yoothukumana wiilipihe ni opanke. ¹¹ Davi hon'vaha Salomao mwaamwanawe nri wooreera ni tjoowan'nhawe, ni n'mamitekoniwawe, ni n'mapaniwawe. ¹² Tjitjon'mo nri wotjitthu tjooteene waari otthunawawe enupa ya pwiya watjoossunkiya enupa ya muluku ni tjoosunkiya mwaa tjitthu tjoottakattiifu. ¹³ Tootho nlamulo naakhulupale ni malevita ni womiteko tjooteene wo nupa yapwiya ni mwaapo tjooteene tjonupa ya pwiya. ¹⁴ Ni aahon'vaha ewooru wonteko wooteene. ¹⁵ Ewooru niilanpatatjaya woolemela ewooru toko nimitekotjaya. ¹⁶ Tjitjon'mo aahovaha ewooru woolemela tjon'mameetja wakhula meetja, Weenan'na yeeyo eparatha wameetja oparatha. ¹⁷ Ni tootho ewooru yooreera ni wakhula yoovahiya yoolemela. ¹⁸ Tootho ewooru yooreeressa erweehiyaka waltaare ni wa yena enan'na yonkukuttha wo wooru ni wowiira tjowaanyaatjaaya tjaakhuneela ekalawa ya pwiya. ¹⁹ Tjitthun'nha tjooteene Davi phaahimyale kaavahenriye n'matatani mwa pwiya kitthunihale tjoovara tjooteene. ²⁰ Davi aahuulumatjatho amwiirelaka Salomao mwaamwanawe, wiilipihe, otteeliyeke, ohoove, hala ohissirikhe kontha muluku pwiya, mulukwaaka n'hala okhala nimiivano, yena khan'hala woohiya ni khanootthawa npaka wan'malihaa nteko wooteene wonupa ya pwiya. ²¹ Malamulo aanamukuttho nimalevita phaala wonteko wooteene wonupa ya muluku, tjin'hala okhala niweeyova nteko wooteene, owiivahenra ooteene natjuwelatji naatthu ooteene wiira akhalane ekettelotjaa.