¹ Ni assaana owiisrael wonayeeli tjaaryaaya atjuwelaka ahooleli aamutji, akhulupale, ahooleli aatthu entji ni mahumu yaavahatjera amwene n'manakossoniwaya ookawanyaatja tjaakela ni tjaakhuma khula mweeri womyeeri tjooteene wakhula nphantte yaakhala ekonto siriini natjesse. ² Nphantte nkhwaawe womweeri woopatjera aahaavo Jasobeao mwaana Zebdiel ni aahaana nphanttyaawe ekonto siriini natjesse. ³ Assaana a Perez phiyena aari n'hooleli aakhulupale ooteene mwaaviriya womweeri owantjera. ⁴ V ano okawanyaatja womweery wonayeeli Dodai Aoita ni Miclote aari oovirihela okawanyatjawawe tootho yaahaavo ekonto siriini natjesse. ⁵ N'hooleli wookawanyaatja wooneeraru wo mweeri woneeraru aari Benaia mwaana a Joiada nkhulupale amukuttho okawanyaatjawawe yaahaavo ekonto siriini natjesse. ⁶ Benaia aari muulupale wayaale talaathiini ni okawanyaatjawawe aahaavo Amizabade mwaamwanawe. ⁷ N'hooleli oneetjesse womweeri oneetjesse aari mwaamun'nawe Joabe okhumawawe yena mwaamwanawe Zebadias, ni okawanyaatjawawe yaahaavo ekonto siriini natjesse. ⁸ Mweeri oneethanu aari Samute Izraita okawanyaatjawawe yaahaavo ekonto siriini natjesse. ⁹ Mweeri wonasiita aari Ira mwaana Iques a Tocoa okawanyaatjawawe yaahaavo ekonto siriini natjesse. ¹⁰ Mweeri wonasaapa aari Helez pelonita asaanaawe Efraim okawanyaatjawawe yaahaavo ekonto siriini natjesse. ¹¹ Mweeri wonakhentta aari Sibecai Husatita a Zera ni okawanyaatjawawe yaahaavo ekonto siriini natjesse. ¹² Mweeri wonanaane aari Abiezer ni mookawanyaatjawawe yaahaavo ekonto siriini natjesse. ¹³ Mweeri wonaakhuumi aari Maarai, ni okawanyaatjawawe yaahaavo siriini natjesse. ¹⁴ Mweeri onakhuumi nan'motja aari Benaina, waassaana a Efraim, ni okawanyaatjawaya yaahaavo ekonto siriini natjesse. ¹⁵ Mweeri wonakhuumi namiili aari Heldai, okawanyaatjawawe yaahaavo ekonto siriini natjesse. ¹⁶ Tjitjon'mo maloko owisrael n'hooleli aatthu oorubeniita aari Eliezer mwaana a Zicri, Sefatias mwaana a Maaca. ¹⁷ Alevita, Hasabias mwaana a Quemuel, Zadoque. ¹⁸ Ojuda, Eliu, mwaamun'nawe n'motja Davi, assun'nawe Issacar, Onri mwaana a Micael. ¹⁹ Assun'nawe Zebulom, Ismaias maana a Obadias, assun'nawe Naftali, Jeremote mwaana a Azriel. ²⁰ Assaanaawe Efraim, Oseias mwaana a Zazias nloko nankaani na Manasses, Joel mwaana a Pedaias. ²¹ Nloko nikhwaawe na Manasses oGileade, Ido mwaana a Zacarias, assun'nawe Benjamim, Jaasiel mwaana a Abner. ²² Ni Da Azarel mwaana jeroao. Ala phayaari ahooleli anloko nowiisrael. ²³ Ni Davi khaakussale yaarina myaakha siriini woorwaa vathi massi apwiya yaahuulumatja wiira aatthwaayo yintjive maana mithuko tjowiirimu. ²⁴ Joabe mwaana Zeruia aahantja waalikela maasi khaamalihale phimaana waahowa otakhalihiya wiisrael ni tjitjon'mo atthwaayo khayantikhiye npapheloni mwa Davi. ²⁵ Ni Azmavete mwaana a Adiel aahaana nritta watjoosunkiya tjaamwene ni tjoossunkiya tjon'mattani ni tjonpooma ni n'mantjokoni, Jonata mwaana a Uzia. ²⁶ Ni yaale yaavara nteko n'mamattani, Ezri mwaana a Quelube. ²⁷ Ni n'mamihokorokhoni tjowiima wa Zabdias. ²⁸ Ni n'mar'mirini tjaarivo, Baal-Hana mapuro oweessiya tjitthu, Joas. ²⁹ Emope tjeettiheriyaoSarom, Sitrai niimope tjaari moolyani, Safate mwaana a Adlai. ³⁰ Ni ekamelo, Obil tjoossunkiya, Jedias aakhala elapo ekhwaawe. ³¹ Ni epwittipwitthi, Jaziz. Ooteene yaari ookhalenla othatjiri wa mwene Davi. ³² Ni Jonata, ahaalwaawe Davi, yaari anamalakalaka, nlopwana muulupale mayowantikha ni Jiel mwaana a Hacmoni yaari naasaana aamwene. ³³ Ni tootho Aitofel aari namalakalaka aamwene ni Husai npwanaaya amwene. ³⁴ Waviralyaawe Aitofel aari Joiada mwaana a Benaia ni Abiatar. Ni Joabe aari nkhulupale okhotto yaamwene.