1 Tjitjon'mo Davi naahooleli okhotto yaahorwaatja n'mitekoni waassaana a Asafe ni a Hema ni a Jedutum yaayo yaanolalyeela ni tjooruma ni yaari atthu entji wontekwaaya. 2 Assaana a Asafe: Zacur, Jose, Netanias ni Asarela, assaana a Asafe arwaaka wa Asafe, yooyo aalalyaa wonlamulo namwene. 3 Wa Jedutum assaanaawe: Gedalias, Zeri, Jesaias, Hasabias, Matitias ni Simei. Sita, wontata naathumwanawe Jedutum, yooyo aanalalyaa ni tjooruma wiira amuupuweleke nun'vuwiha Pwiya. 4 Assaanaawe Hema: Buquias, Matanias, Uziel, Sebuel, Jeremote, Hananias, Hanani, Eliata, Gidalti, Romanti-Ezer, Josbecasa, Maloti, Hotir ni Maaziote. 5 Ooteenyaala yaari assaana a Hema aawa wamwene ni moolumo a muluku wiira akhalane oweryawawe ni muluku aahon'vaha Hema assaana khuumi natjesse alopwana naathiyana araru. 6 Ni ooteenyaala yaari moono waathumwanaya otjiponi, enupa ya Pwiya ni tjooruma tjintjiru wonteko npaani wamuluku woohitjuwela mwene mwaha wa Asafe, Jedutum ni Hema. 7 Tjaaryaaya naassun'nawe afunttihiyaka etjipo tja Pwiya tjitthu tjooteene, yaari emiya piili wosutwiini nakhentta. 8 Ni yaahorihelatja eparakha owakathi wooteene waavariya nteko, ekelaka yankaani ni yuulupale, tjitjon'mo mwiitthutjihi ninrumeyi. 9 Ni eparakha yowantjera yaakhumale wa Asafe, wa Jose, yonayeeli wa Gedalias yooyo assun'nawe naasaanaawe yaari khuumi nayeeli. 10 Yoneeraru wa Zacur, assaanaawe naasun'nawe yaari khuumi nayeeli. 11 Yoneetjesse wa Izri assaanaawe naasun'nawe yaari khuumi nayeeli. 12 Yoneethanu wa Netanias, assaanaawe naasun'nawe yaari khuumi nayeeli. 13 Yonasiita aw Buquias assaanaawe naasun'nawe yaari khuumi nayeeli. 14 Yonasaapa wa Jazarela, assaanaawe naasun'nawe khuumi nayeeli. 15 Yonakhentta wa Jesaias assaanaawe naasun'nawe khuumi nayeeli. 16 Yonanaane wa Mtanias assaanaawe nasun'nawe khuumi nayeeli. 17 Yonaakhumi wa Smei, assaanaawe naasun'nawe khuumi nayeeli. 18 Yonakhuumi namotja wa Azareel, assaanaawe nasun'nawe khuumi nayeeli. 19 Yonakhuumi napiili wa Hazbias, assaanaawe naasun'nawe khuumi nayeeli. 20 Yonakhuumi natthaaru, assaanaawe naasun'nawe khumi nayeeli 21 Yonakhumi natjesse wa Matitias, assaanaawe naasun'nawe khuumi nayeeli. 22 Yonakhuumi nathanu Jeremote assaanaawe naasun'nawe khuumi nayeeli. 23 Yonakhuumi nasiita Hananias assaanaawe naasun'nawe khuumi nayeeli. 24 Yonakhuumi na saapa Josbecasa, assaanaawe naasun'nawe khuumi nayeeli. 25 Yonakhuumi nakhentta Hanani, assaanaawe naasun'nawe khuumi nayeeli. 26 Yonakhuumi nanaane Maloti assaanaawe naasun'nawe khuumi nayeeli. 27 Yonasiriini Eliata assaanaawe naasun'nawe khuumi nayeeli. 28 Yonasiriini namotja Hotir assaanaawe naasun'nawe khuumi nayeeli. 29 Yonasiriini napiili Gidalti assaanaawe naasun'nawe khuumi nayeeli. 30 Yonasiriini natthaaru Maaziote assaanaawe naasun'nawe khuumi nayeeli. 31 Yonasiriini neetjesse Romanti- Ezer, assaanaawe naasun'nawe khuumi nayeeli.