¹ Okathi David wuluvanlyaawe anaphiyenre mahuku ookhua, yena ahomweliha mwaamwanawe Salomao, mwene oo Israel. ² Yena ahaathukumaniha ahooleli oo Israel, naanamukutho ni malevita. ³ Malevita yaaria eyaakha talaathini wala yaavikanihale yaahaalikeliya, num'meru naarivo naari ekonto talaathiini na naane. ⁴ Wa yaayo, ekonto siriini na tjesse yawehaweha nteko enupa ya Pwiya, ni ekonto sita yaari mooficiale ni anamaphuka milatto. ⁵ Ekonto tjesse yaari maporteero; ni ekonto tjesseaale phaamwiiela Pwiya nii karuma tjapankaaka wiira attittimihiye", David ahiira. ⁶ David ahaakawaniha yaaphiyeeraaya assaana aa Levi: Gerson, Coate ni Merari. ⁷ Wa nihimo nikhoto naa Gerson, ahaavo Lada ni Simei. ⁸ Yaahaavo assaana araru aa Lada: Jeiel, n'hooleli, Zetao ni Joel. ⁹ Yaahaavo assaana araru aa Simei: Selomite, Haziel ni Ara. Aala phaari ahooleli nihimo na Lada. ¹⁰ Yaahaavo assaana atjesse aa Semei: Jaate, Ziza, Jeus ni Berias. ¹¹ Jaate phaaro omuulupale, ni Ziza owaakulela, massi Jeu ni Berias khayaarina assaana entji, vano, phakalihiyaaya nihimo nimotjaaru. ¹² Yaahaavo assaana atjesse aa Coate: Anrao, Izar, Hebrom niUziel. ¹³ Aala phaari assaana aa Anrao: Arao ni Moises. Arao aathanliye wiira attakattifihe tjithu tjeettakattiifi, ni yena ni nikhotonawen'no yaanovaha elumpani ohoolo waa Pwiya, Anvarelaka nteko ni amulumelaka mareeriho mwa Ntjinanawe, mahuku oteene. ¹⁴ Massi, moises, Nlopwana aa Muluku, assaanaawe yaakhalihiye malevita. ¹⁵ Assaana aa Moises aari Gerson ni Eliezer. ¹⁶ Nikhoto naa Gerson aari Sebuel, omuulupale. ¹⁷ Nikhoto naa Eliezer aari Reabia. Eliezer khaarinatho asaana akina, massi Reabia ahaana nikhoto nintji. ¹⁸ Nikhoto naa Izar aari Selamite, n'hooleli. ¹⁹ Nikhoto naa Hebrom aari Jerias, omuulupale; Amarias, owaakulela; Jaaziel, oneeraru; ni Jecameao, oneetjesse. ²⁰ Assaana aa Uziel aari Mica, omuulupale, ni Issaias, owaakulela. ²¹ Assaana aa Merari aari Mali ni Musi. Assaana aa Mali aari Eleazar ni Quis. ²² Eleazar aahokhua hirina assaana alopwana. Yena aarina athiyanaru. Assaana aa Quis yaahathela. ²³ Assaana araru aa Musi yaari Mali, Eder ni Jerimote. ²⁴ Ala assaana a Levi mwaassimutjyaawe an'natthumwanawe owaalikeliya nimatjinaaya, nimurutjaya yaayo yaavara miteko enupa ya Pwiya watjulu womyaakha siriini. ²⁵ Kontha Davi hiira: Pwiya muluku o Israel ahaamumuliha atthu oiisrael ni akhale oJerusalem woohikhumatho. ²⁶ Alevita khan'hala okussa enupeeyo, ni mwaapo tjooteene ontekoniwawe. ²⁷ Tjitjon'mo moolumo oomalihera a Davi waari waalikeliya waassaana a Levi womyaakha siriini. ²⁸ Ni yaari n'matatani mwaassaana a Arao wiira avare nteko enupa ya Pwiya, kooreerihiya wa tjitthu tjooteene tjoottakattifihiya nimeteko tjintji wonupa ya Pwiya. ²⁹ Tjiton'mo mikatthe tjootthonkomanihiya ni tjooreerela otthu wookuttho nimikatthe tjoohiheliya etthu ni tjitthu tjooheliya nssufuriiyani ni tjitthu tjooteene tjowaalikeliya. ³⁰ Wowiira aweheke khula owitjissu ni mahuku ooteene alaphululaka ni an'vuwihaka Pwiya nuuthana. ³¹ Ni avahaka tjoovaha tjooteene wa Pwiya n'masaapatuni nimweeri, wowaalikeliya ni tjaaryaaya yaakulelaka ohoolo wa Pwiya. ³² Ni wowiira akhalenle enupeeyo weenamoona, nuukhalenla wooteene toko tjaahimyalyaaya assaana a Arao assun'nawe muntekoni mwa enupa ya Pwiya.