¹ Vano, Davi hiira: N'na nipuro nin'hala okhala enupa yaa Pwiya, ni altaar ovaheriya mukutho owIsrael. ² Ni Davi ahaaruma ananteko awe wo wiira athukumanihe aale athu okhuma elapo tjikina akhalaka elapo yoo Israel. Yela havahatjera nteko woo teka tekatja, wiira yuupe ebulooku tjo maluku, woopheela oteka enua ya Muluku. ³ Davi ahothonkomaniha efeeru tjintji wo wiira tjipankeliye epereku nii dobradiisa. Yele ahokumihatho ebronze tjintji tjahaapheela ophimiya. ⁴ Ni ecedro tjahakela waalikeliya. ⁵ Davi hiira: "Mwamwanaka Salomao mwankaani ni khanaaya otjuwela ethu ni Enupa empheela otekiya yaa Pwiiya ehaana ekhala yooreera tjinene, wo wiira ekhale ettittimihiyaka ni yo waaria wa elapo tjikina. Vano, mi kihothenkatja wo wiira etekiye", Ni Davi ahothenkatja tjinene hinaaya okhua. ⁶ Vano, yena homuiihana mwaa mwanawe, Salomao ni homuiirela wiira ateke Enupa yaa Pwiiya, Muluku oo Israel. ⁷ Davi homwiirela Salomao: " Mwaa mwanaka, thimi kaapheela oteka enupa eyo veekhaaka, wo wiira ntjina na Pwiya, Muluku aka. ⁸ Massi aa Pwiya ahokiweela ni ahookiirela: "Wee khureere omwarissa ephome yintji ni ohowana ekhotto tjintji. Wee khun'hala oteka enupa mwa Ntjinanaka, kontha wee ohomwarissa ephome yiintji ohoolo waka. ⁹ Soo, onan'yara mwaana n'halaka okhala nthu omaalelia. Mi kinaahala onvaha omumula wa awanani eriyari awe. Ni n'hala wiihaniya Salomao, ni Mi kin'hala ovaha nrettele ni omumula waa Israel mahukua awe. ¹⁰ Yena naahala oteka enupa mwa Ntjina naka. Yena n'hala okhala mwaa mwanaka, ni Mi kin'hala okhala athumwanawe. Mi kinaahala onvahatjera ehitje wa omwene awe elapo yoo Israel mahuku oteene. ¹¹ Vano, mwaa mwanaka, Muluku akhale ni wee ni awinthutjihe wo wiira tjuureerele. Wo wiira oteke Enupa yaa Pwiya, Muluku aa, ntoko Yena tjiihimaliaawe. ¹² Wo wiira Pwiya yuuvahe otjuwelatja ni wiithenkatja, wo wiira wee win'welele ekettelo tjaa Pwiya, Muluku aa, wan'hala awe wuuvahatjera wo wiira ohoolele elapo yoo Israel. ¹³ Vano, wee tjinaahala wuureerela, win'welela vale ekettelo aa Pwiya envahaliaaya Moises mwaha an'na Israel. Okhale olipa ni okhalana nthiti; ohoove, walaani ohihiyeni. ¹⁴ Vano, woone, nu wiilipihera tjinene, mi kihothenkatja paara enupa yaa Pwiya nsurukhu ekonto eminha wo wooru, emilhao emotja yoo prata, ni ebronze ni efeeru tjiintji. Mi kahohela ethaapwa ni maluku. Ohaana wintjenraka tho tjooteene n'ya. ¹⁵ Wee onaahala okhalana ananteko eentji: maa pedereero, maa enginheeru, maa calapinteero ni athu entji otjuwela opanka tjithu tjooreera wakhula etiipo, ¹⁶ opheela ovara ni wooru, eparata, ebronze ni feeru. Vano, wantjere ovara ni aa Pwiya akhale ni wee. ¹⁷ David ahaaruma akhulupale ooteene oo Israel wiira enkhavihere Salomao, iiraka: ¹⁸ "Pwiya, Mulukuiin'nyu, ri nyuuva ni hoovahani nrettele mapuro ooteene. Yena hokivaha, m'matataniwaka, athu omwinttethenimu, yaakhiliheriya ni Pwiya naathuaawe. ¹⁹ Vano, Mwaarweele aa Pwiya Mulukuiin'nyu ninrimeen'neyu wootene niiroohoeen'nyu yootene. Nvusse ni nteke Nipuro Neettakattiifu naa Pwiya. Mwapanka tjon'mo, n'naahala owaana nivuku nowaataaniha naa Pwiya ni tjithu tjiri tjaa Pwiya paara enupa etekiye mwa ntjina naa Pwiya.