¹ Ayenatja yaahowaanatja nivuku naMuluku, ni yaahohelatja eriyari wa heema ya Davi yaarinaawe weemessa vaava. Vano, yaaahovahatja tjoovahatjaya ni mwaavulo eriyari ya Muluku. ² Davi wamalihalyaawe mikutto ni tjoovaha, yena aahaareeriha atthu nintjina na Pwiya. ³ Yena aahaakawela masraelita oteene, waavirenle nlopwana naathiyana, ekhipantte yophao, ekipantte yonama ninkatthe tjomihokorokho. ⁴ Ni aahohela ohoolo wanivuku na Pwiya waakwaawe alevita toko anamakawa, wiira atthtapenle, assukhuru, ni waakokhorela Apwiya Muluku o wisrael. ⁵ Asafe aari n'hooleli, ni Zacarias aari onayeeli; Jeiel, Semiramote, Jeiel, Matitias, Eliabe, Benaia, Obede-Edom ni Jeiel yaaritji nitjitthutjaya tjooruma ni ekoma, massi Asafe aarumiha ntjuu nicinbalo. ⁶ Vano anamukuttho Benaia ni Jaaziel yaari nimapenka ohoolo wanivuku na Muluku. ⁷ Vano nen'ne nihukune'ne Davi aahonthanla Asafe ni assun'nawe wiira yiipe ntjipo nonssukhuru Pwiya. ⁸ Munvaheke mahala Pwiya, nkhuweleke ntjinanawe ntjuweliheke mitekotjawe n'malokoni. ⁹ N'mwiipeleke yena, n'mwiipelaka etjipo, n'himweke mitekotjawe tjomiiriirya tjooteene. ¹⁰ N'hakalaleke nintjinaanawe ttakattiifu; ntteeliyeke nrima nhu n'nonrweela Pwiya. ¹¹ Munpheelelatje Pwiya niikurwaawe, munrweele eriyaryaawe ekwaha tjoteene. ¹² Muupuweleke miiriirya tjipankalyaawe, mitikinihotjawe, ni tjossariya tjon'mwaanowawe. Nhu n'nonttharenla nanteko a Israel, nhu assaana a ¹³ Jaco, oothanliya. ¹⁴ Yena Pwiya, Mulukweehu; essariyatjawe tjiri etthaya yooteene. ¹⁵ Nsunke waataanawinhu woohimala, ni nuulumo yena nivahenralyaawe npaka maloko ekonto. ¹⁶ Yena naawaana muupuwelelo niwaataana opankalyaawe ni Abraao nuulaphawawe wa Isaque. ¹⁷ Yena en'himeeryalyaawe Jaco wokettelo, ni Israel toko wiiwnana woohimala. ¹⁸ Yena aahohimyatja; kinawoovaha etthaya yoo Canaa toko nphantti won'hakweenhu. ¹⁹ Mi kihoohimeeryani eyo waritjinhu vakaani, vakaani tjinene, ni mwaanathanhiya watthayani. ²⁰ Ayenatja yeetta nikhoto ni nikhoto, omwene nuumwene nkwaawe. ²¹ Ni khaavo antthunihalyaawe wiira ahuvihatjiye; nwaha waayenatja haattarussatja mamwene. ²² Yena iiraka; N'haakwnhe yaareerihalyaaka, wala n'haapanke yootakhala arumeyaaka. ²³ Mwiipeleke aPwiya, etthaya yooteene, nlalyeeke woopwaawawe mahuku ooteene. ²⁴ N'mwiipeleke n'makhotoni waaryawawe, ni atthu oteene miiriiryatjawe. ²⁵ Kontha Pwiya muulupale, ni naapwanela ventji okokhoreliya, yena naapwanela wooviya tjinene woovirikana aMuluku akwaawe. ²⁶ Maana aMuluku ooteene atthu khaanakhaleetthu; kontha Pwiya opanka erimu. ²⁷ Waarya ni ekuru tjiri eriyaryaawe. ²⁸ N'muupuwenle Pwiya, nhu amutji, n'muupuwenle Pwiya owaarya niikuru. ²⁹ Munvahe Pwiya waarya n'tjinanawe, n'vahe tjoovaha, ni n'phiye eriyaryaawe, munkokhorele Pwiya owaarya nuuttakattiifaawe. ³⁰ Munkhalihe ntthuutjininhu ethaya yooteene, etuniya epankiye niyena, wiira ehitjusse. ³¹ Nthapeke wiirimu, ni nthawaliki watthayani, ni n'himeeryeke makhoto Pwiya timwene. ³² Epahari tjinaaruma, ni tjoopattussiyatjaya tjinaanhakula n'mwiini nitjitthu tjooteene tjirinaaya. ³³ Miri tjontakwani tjinaahala onhakula eriyari wa Pwiya, kontha n'hala owa olamula etthaya. ³⁴ N'mwiipeleke Pwiya, kontha yena ooreera, kontha ekiriritjawe tjoohimala. ³⁵ Ni mwiireke; N'noopole, muluku, ekumyeehu, n'nitakanihe ni n'nikumihe n'makhotoni, wiira nilaphulule ntjinaninhu tthakatthiifu, ni nihakalaleke niitjipotjinhu. ³⁶ Oottottopeliya akhale Pwiya muluku o Israel, otjitthu tjooteene. ³⁷ Vano Davi, aahon'hiya Asafe naassun'nawe eriyari wonivuku na Pwiya, wiira evariye nteko woohihiyenriya eriyari wonivuku toko tjaapheelalyaaya nteko womahuku ooteene. ³⁸ Obede-Edom naassun'nawe sapiini nanaane ni Obede-Edom mwana a Jedutum ni Hosa yeemela ninkhora. ³⁹ Tjitjon'mo Zadoque namukuttho naassun'nawe anamukuttho, ohoolo wo kapela ya Pwiya nipuro noorecamessa Gibeao. ⁴⁰ Ayenatja yaahonvaha mukuttho Pwiya woohihiyenratja, okhuma owitjissu nuuthana toko tjantikhiyaaya mwa eketthelo tjapwiya, yena aahovaha nlamulo Wisrael. ⁴¹ Hema ni Jedutum yaari niyena, vamotja naale yaathanliye ntjinanaya wiira an'vahe mahala Pwiya kontha ofentawawe ni wiiwanana onkhala womahuku ooteene. ⁴² Hema ni Jedutum yaakhala naale yiipa etjipo tjattakattiifu, assaana a Jedutum, yaakhala wankhora. ⁴³ Ni atthu ooteene yaahorwaa khula ntthu n'mawan'nhawe, ni Davi aahohokolya wiira areerihe owan'nhawe.