¹ Vano Hirao, mwene oTiro, ahaaruma anamitthaka wa Davi ni tjitjon'mo miri, anamatekateka ni anamassararyatja wiira atekatje enupa emotja. ² Ni Davi aahotjuwela wiira Pwiya aahomwaamini wiira akhale mwene oIsrael, maana omwenyaawe aahaakhiya mwaha waatthu oIsrael. ³ Davi aahaana assaarawe entji oJerusalem, ni aahaayara assaana entji. ⁴ Ala phamatjina aassaanaawe yaarinaawe oJerusalem: Samua, Sobabe, Nata, Salomao. ⁵ Ibar, Elisua, Elpelete. ⁶ Noga, Nefeque, afia. ⁷ Elisama, Beeliada ni Elifelete. ⁸ Mafilisteu wiiwalyaaya wiira Davi aahowela omwene Israel ooteene, mafilisteu yaahonrweela Davi, ni Davi wiiwalyaawe aahokhuma. ⁹ Ni mafilisteu yaahonttiyatja oRefaim. ¹⁰ Vano Davi aahomuulumana muluku iiraka: Kinaahala owela womafilisteu? N'naahala okivahenra n'matataniwaya? Ni Pwiya aahomwiirela: Owele, kontha kinaahala woovahenra n'matataniwaya. ¹¹ Davi aahowela, maana Baal-Perazim ahaakhwitiritji, vano Davi aaheera: Mwaha womatataaka muluku haakussa awananyaaka toko tjinkhumaaya maatji. Phimaana nipuron'ne niihaniyaka ntjinanaya Baal-Perazim. ¹² Ni vaavale yaahaahiya amulukwaaya ni Davi aahorumiha wiira apahiye. ¹³ Vano, mafilisteu yaahokelato nipuro nen'ne. ¹⁴ Okathi yoole, David aaholepela okhaviheriya wa Muluku tootho. Muluku aahomwiirela: "Ohaakele ohoolo, ohokoleele ottuli, wavire etakhua yoo amoreira. ¹⁵ Win'wavale mikhitto tjaatoropa, etakhua tjoo amoreira, waakelele niikuru. Opanke tjiitjam'mo, kontha Muluku pinkela opatjera waakelela weeyova ohinaaya waakelela anatoropa oo filisteu". ¹⁶ Vano, Davi hopanka ntoko tjireliyaale ni Muluku. Yena ahaathema anakhotto oo filisteu okhumela Gibeao mpaka Gezer. ¹⁷ Vano, efama ya Davi yaahophiya mapuro ooteene, ni Pwiya ahopanka wo wiira elapo tjootee tjoove.