1 Hiyo, ninnilipihera wamini, nokhalana wakhalihera ale ahinlipihera mwahawa w`olovyowa wa. Nihiramele wivyiveliha. 2 Ohiya nvo, khula ntthu akotte onvyiveliha nxirikh`aye, amwirelaka vyorera, wira ankhomalihe wamini. 3 Kristu mwanene khakontte wivyiveliha: nvyo, vyivyo vyatikhinwawa wira: ``Maruwano a atthu ale yoruwanani nyuwo, yakimorenle miyo``. 4 Nna, itthu vyothene vyatikhinwe khalai, vyatikhinwe wira nihuvyihiwe, wira niphwanye ororomela, nilipiheriwaka ni Vyawatikhiwa vya Muluku, nepevyiwaka ni mavyu yawo a Muluku. 5 Muluk`uwo, onvaha olipihera ni wepevya, ovaheni okhala nrima nmovyaru n`axirikhannyu, mmuttaraka Yesu Kristu. 6 Vyivyo, ni nrima nmovya pahi ni nolumo nimovya pahi, ninomunnuwiha Muluku, Tith`iye Pwiy`anhu Yesu Kristu. 7 Tivo mwakhelelane matata maili, nkhama Yesu Kristu owakhenleiyeni, wira Muluku avuwihiwe. 8 Etthu kinolelakani t`ila: Yesu Kristu ohura wavarela aYuda, wira athonyere ororomeleya wa Muluku, ni wira ammalihere natiri Muluku amanenleiye Makhulupal`enhu a khalai. 9 Nna ale ahikhanle aYuda, Yesu arenle wira envuwihe Muluku mwahawa omoriwa we ipena, nkhama vyatikhinwawa wira: ```Vyivyo miyo kinawavuwiha variyari w`amalapo: kinawipa, kinovuwiha nvyina ninyu` 10 Nanlelo ihatikhiwa-tho wira: ``Nyuwo amalapo,ntteliwe nrima vamovya n`atthu Muluku athanlaleiye``. 11 Nipuro nikina ihatikiwa-tho wira: `` Nyuwo, atthu a maloko othene, mwavuwihe Apwiya: nyuwo atthu a ilapo vyothene, mwavuwihe Apwiya``. 12 Profeta Yesaya ohatika-tho wira: `` Enokhuma yopuwelela ya nloko na Yese: owo onokhumela wira ewettihe amalapo. Maloko othene anonroromela yowo`` 13 Muluku, yowo onnivaha ororomela, ovyarinheni ottheliwa nrima ni nretthele mwahawa womwamini yowo, wira ntepe ororomela n`ikuru vya Eroho Yawarya. 14 Nna nyuwo, amuvy`aka, miyo mekhaka wohakanyera wira movyala orera nrima, ni wira munnivyuwela sana itthu vya Muluku, ni wira munniwerya ovahana miruku. 15 Nna, ewarakha ela kowatikhelani itthu ikina n`ulipihera, wira kiwupusyereni-tho itthu nhuvyihiwennyu. Kowatikhelani vyivyo mwahawa woreriwa Muluku okivanheiye. 16 Oreriwa weiwo t`ivya: onvarela nteko Yesu Kristu eriyari y`amalapo. Ntek`oka ola olaleya Ehapari Yorera ya Muluku, wira amalapo ekhale yovaha eninvyiveliha Muluku, yorerihiwa n`Iroho Yawarya. 17 Tivo, mwa Yesu Kristu, kinniwerya wittottopa ni ntekwaka ola. 18 Tthiri, nkaphiyera olotha etthu ekina, ehikhanle elo oiraleiye Kristu vamovya ni miyo, wira amalapo emwiwelele Muluku. Kristu ophara wa miyo ni molumo ni vyawira 19 n`uwerya wa vyolela ni wa votikiniha, n`ikuru vya Eroho Yawarya. Vyivyo, kahilaleya womalela Ehapari Yorera ya Yesu Kristu ilapo vyawatha,okhuma o Yerusalemu mpakha elapo ya wIliria. 20 21 Nvyo kahithanla nutthuna waka olaleya Ehapari Yorera mapuro yale pahi ahavyuweliweiye Kristu, wira vyivyo kihemesye empa mmalitthini walakeliwe otekiwa n`atthu akina. Xariya, vyihatikhiwa wira: `` Ale ahinalaleryiwe Kristu, anomona, n`ale ahinaiwe alothiwaka, anonvyuwela``. 22 Mwahwa itthu ivya, iveji vyawatta kaniramela wovisitarini, kikojela. Nvyo nna, komaliha nteko waka ilapo ivya. 23 Okhala wira vyovira mwakha vyawatta kiramelaka wovisitarini, 24 Kinophiya weiwo okathi kinrowaka elapo ya wEspanha. Xariya, kavira vale, kinniroromela owonani, kikhale mahiku vakhani ni nyuwo, kimalihe munkhela kirakana, ni wira nkajutari eviajaka elo. 25 Nna kimpajera orowa oYerusalemu, wira kavarele atthu awamini a weiwo. 26 Okhala wira atthu o Masedonia ni a wAkhaya yahithuna wakawela vyorera vya atthu owamini othoiwa o Yerusalemu. 27 Vyivyo, awo yahithuna, nvyo wanirera wira vyivyo, okhala wira aYuda yahakawela amalapo vyorera vya eroho: nna amalapo mpakha wakhalihera aYuda n`itthu vy`erutthu. 28 Nna, kamaliha nteko ola, kawunnyaru wororomeleya vyovaha ivya, kinovenya kirowaka wira wEspanya. Okathi owo, kinohapuwa wira kosekuryeni. 29 Kovyuwela wira, kara wa nyuwo, kinophiya kivyanle ni mavekelo a Kristu. 30 Nna,amuvy`ika, kinnovekelani mwahawa nvyina na Kristu ni mwahawa w`opheta w`Eroho Yawary, wira nkikhalihere nkivekelelaka miyo wa Muluku: 31 Muluku yowo akakihere atthu ahinamini o Yudeya, nna vyovaha kinkusyaka vyakheliwe sana n`amuvyi ahu o Yerusalemu. 32 Vyivyo, Muluku anijhaliwa, kinophiya wa nyuwo n`ttheliwa nrima, kinophwanya nretthele vamovya ni nyuwo. 33 Muluku, yowo onvaha nretthele, akhale ni nyuwo othene. Amem