1 Kinokhanyererani mwahawa nrokorihu Febe,yole onvarela nteko nthukumano w`aKristu o Kenkre. 2 Mmwakhele ni nvyina n`Apwiya, nkhama omphwanelawa wira aKristu: mmuajudari wa itthu vyothene vyininthowa, okhala wira ni yowo ahakhalihera atthu awatha, ata miyo mekhaka okajudari. 3 Mwalipihere Priska n`Akila, yavanre ni miyo miteko vya Yesu Kristu. 4 Awo yahileva ekumi ya, wira ekopole miyo. Nna miyo kihaxukhuru: kahiyo miyo pahi, ata ni mithukumano vyothene vy`aKristu vyinkhala eriyari y`amalapo vyihaxukhuru. Mwalipihere-tho aKristu othene anthukumana v`ate va. 5 Mmulipihere Epeneto kimphetanaka: owo t`apajenre omwamini Kristu elapo ya wAsia. 6 Mmulipihere Maria ohirele wovarelani nteko. 7 Mwakhalihere Androniko ni Junia, amuvyi aka naxirikhaka kathukiwakana. Owaili t`ovuwa wa anamarummwa, nna yahimwamini Kristu, miyo kihinakuve wamini. 8 Mmukhalihere Ampliato, kinimphetaka w`Apwiya. 9 Mmukhalihere Urbano,ovanre ni miyo miteko vya Kristu. Mmukhalihere Sidakhi kininphetaka. 10 Mmukhalihere Apele, namarunmwa ororomeleya a Kristu. Mwakhalihere atthu a empa y`Aristobulo. Mmukhalihere Erodioni, mmuvy`aka. 11 Mwakhalihere atthu a empa ya Narsiso, yawo aniwamini Apwiya. 12 Mmukhalihere Trifena ni Trifosa, anavarela nteko Apwiya. Mmukhalihere Perside kininphetaka, yowo-tho ohirele wavarela nteko Apwiya. 13 Mmukhalihere Rufo, nrumei othanliwa a Kristu; mwakhalihere-tho amam`aye akikhalenle miyo nkhama mw`ana. 14 Mmukhalihere Asinkrito ni Flegonte ni Herme ni Padroba ni Herma n`amuvy`inhu othene ankhala ni yawo. 15 Mmukhalihere Filologo ni Julia ni Nereyo ni nrokoriye, ni Olimpia n`Akristu othene ari ni yawo. 16 Mkhaliherane nyuwenaru n`uphetana wawarya. AKristu a mmuthukumanoni wothene annolipiherani nyuwo. 17 Amuvy`aka! Kinnokhanyererani wira mwikotte w`ale ankhumihera ohiwanana n`uxankiha, yohuvyihakani itthu vyinvirikaniha ivye nhunvyennyu; nyuwo mwarukunuwe wawo! 18 Xariya, atthu awo khaninvarela Kristu Pwiy`annhu: awo anvarela erukul`uya. ni Molumo ya orera n`iwepevya annototha mirima vyokhweya. 19 Atthu othene annivyuwela omwiwelela winyu Kristu: tivo miyo kinnitthapa mwahawa nyuwo. Nna, kinnitthuna wira nkhale atthu a miruku, mwiraka vyorera, ni wira nkhale orera nrima, ntthawaka vyotakhala. 20 Muluku a nretthele ononwatthaka xetwani wohilokela vathi wa manau nnyu. Mahala Apwiy`anhu Yesu okhale ni nyuwo. 21 Timotheyo, kinvarakana nteko, onnolipiherani. Vyivyo-tho onnolipiherani Lusio ni Yasoni ni Sosipatro, ari amuvyi aka. 22 Ni miyo, Tersio, katinkhe ewarakha ela, kinnolipiherani mw`Apwiya. 23 Onnolipiherani Gaio, kinimmakelaka owannye, weiwo anthukumanawa aKristu a wenno. Annolipiherani-tho Erasto, namapweha nsurukhu wa nttere yola, ni Kwarto, mmuvy`inhu. 24 Mahala ya Apwiy`anhu Yesu Kristu ekhale ni nyuwo othene. Amem 25 Munvuwihe Muluku,yowo onwerya wolipiherani othara Ehapari Yorera kininlaleyakana Yesu Kristu. Ehapar`ila Yorera ennupulula ixiri vyavithiwe okhuma ohinapajere opakiwa olumwenku, 26 nvyo yupululiwe nanano mwa Vyawatikhiwa vya maprofeta, nkhama ontthunaiye Muluku, omkhala wohimala-tho. exir`ila yovyuwelihiwa nna wa maloko othene, wira yamini ni wiwelela. 27 Muluku, yowo pahi onvyuwela vyothene,avuwihiwe wa Yesu Kristu wa mahiku othene. Amem