1 Amuvyi aka, etthu kinramelaka ni nrim`aka wothene.eninvekela Muluku,t`ila: wira aYuda yopowe. 2 Miyo kinnakhalela onamona wira awo anninramela onttittimiha Muluku,nvyo khanvyuwela mopora w`onttittimiha Muluku syana. 3 Awo, ehivyuwelaka mopora Muluku onakhalihaiye atthu anaxariya, anniramela okhala orera nrima mopora ankhalawa: vyivyo khantthuna wettela exariya mopora ontthunaiye Muluku. 4 Exariya, ikano vya Moisesi vyokhalihiwa wira vyaroihe atthu wa Kristu, wira othene ale animwamini yowo ekhalihiwe anaxariya'. 5 W`ale anrerihiwa mwaha wa wettela ikano, Moisesi ohatikha wira; ``Ntthu ontthara ikano, mwa ikano vyeivyo onophwanya ekumi``. 6 Nna, exariya enkhuma mwa wamini enlotha wira: ``Nlothe mmirimani mwinyu wira: T`ani ontthuna owela wirimu? Elo eri vyivyo, t`ani onthuna oniruhela Kristu? 7 Nanlelo, nhilothe wira: T`ani ontthuna okhuruwela wawisyamo? Elo eri vyivyo,t`ani ontthuna onhuhumusya Kristu mokhani?`` 8 Nna vyawatikhiwa vya Muluku vyinira wira: `` Nulumo na Muluku niri vakhiviru vyinyu: niri mwano mwinyu ni mmirimani mwinyu``. Nno ti nulumo na wamini ninlaleyanhu. 9 Mwalothakaru oholo w`atthu wira Yesu ti Pwiya, mwaminikiru mmirimani mwinyu wira Muluku onhuhumusya Yes`uwo mw`alipa-okhwa, nyuwo nnawopowa. 10 Tthiri, ntthu onamini mmirimani mwe onophwanya exariya: ntthu onlotha wamini we oholo w`atthu, onophwanya wopowo. 11 Vyawatikhiwa vya Muluku vyinlotha wira: `` Othene yale animwamini yowo,khanroromela mahala``. 12 Molumo ala khanathanla aYuda hata amalapo, mana Pwiya a atthu othene ti mmovyaru: owo onavaha vyorera vyawatta atthu othene aninvekela, 13 nkhama vyatikhinwawa wira: `` Atthu othene anvekela nvyina n`Apwiya, anawopowa``. 14 Masi, antthuna onvekela vyai ole ahinimwaminawa? antthuna omwamini vyai, ehilaleryiwe? Nna,antthuna olaleryiwa vyai, ehikhanle atthu awalalerya? 15 T`ani ontthuna olaleya, ahavo oryunmwe? Nkhama vyatikhinwawa wira: ``Otepasya oreriwa t`ale anetta erowaka olaleya ihapari vyorera``. 16 Masi akhala akhontte Ehapari Yorera. Tthiri Yesaya onnikoha wira: ``Pwiya, t`ani otthunne okhupali Ehapari nalaleyahu?`` 17 Vyivyo, wamini onkhala wiwaka Ehapari Yorera: Ehapari Yorera ti molumo a Kristu. 18 Nna, kinkoha wira: Akhala aYuda ahiwale Ehapari Yorera? Khavo, okhala wira ``Nvyu na nihiweya nlaponi wothene: molumo ya aphiya mpakha womaleloni w`elapo``. 19 Kinnikoha-tho wira: Khama Isarayeli khaiwale syana? Ahiwa tthiri, mana opajerawene Moisesi olotha wira: `` Miyo kinawowereihani mrima mwaha w`atthu ahana elapo, kinaworukunselani atthu ahana ankhili``. 20 Yesaya onilipihera-tho airaka: `` Ale yahakiramela, akiphwanya, miyo kihivyuweliha w`ale yahakijhali``. 21 Nna Yesaya yowo, alothaka vy`atthu a Isarayeli,olotha wira: `` Nihiku ti nihiku kahiwittanela wamini atthu ohamini ni ohiwelela``.