¹ Nihiku nopatherya na esumana, n'lelo ohisiye, Maria Madalene ahirowa omahiye nvyo ahona n'luku wira nahipuruliwa. ² Numala, owo ahithimaka arowaka ompwanya Simoni Pedro ni mwixuthi mukina yole Yesu amphentawe, nvyo kwalela: "Okusiwawo pwiya omahiye, nvyo hiyo khanivyuwenle nipuro oroihiwawe. ³ Numala Pedro ni mwixuthi mukina yahivenya erowaka omahiye. ⁴ Owanli aya yahithimaka vamovya; nvyo mwixuthi m'mosa ahithimaka kumkwaranya Pedro, nvyo ahipatherya ophiya omahiye. ⁵ Ahuramela, ahona ikuwo sothela ihiwe vavale, masi kavolonwemo. ⁶ Numala, ahiphiya Simoni Pedro, numala yene, nvyo ahivolowa muhina wa mahiye, nvyo ahona malensole othela ehiwe vavale. ⁷ Nvyo n'leso nari m'muruni mwawe, nenlo kanahiwe vamovya ni malensole othela, masi nahupanyeriwa nipuro nikina. ⁸ Numala, mwixuthi m'movya, yole apathenrye ophiya, nivawe ahivolowa m'mahiye; owo ahona ni ahamini. ⁹ Vano mphakha okathi yole, awo kiyavyuwela ettu mavyu yalothaya, wira Yesu arowa ohihimuwa mwa alipa okwa. ¹⁰ Numala, awixuthi yahithikela owani. ¹¹ Votharelana, Maria ahikhala vate wa mahiye anlaka, n'lelo anlaka, ahimala nvyo ahiwehe muhina wa mahiye. ¹² Nvyo ahiwona malaikha maili othela ekilanthivavale eruthu ya Yesu yanmathalayavo, , m'mosa wamuro ni mukina wametho. ¹³ Awo yahimulela: "Muthiyana, muninlelani?". owo ahiwakula: "Mwaha wa okusiwa Apwiyaka, nvyo miyo n'kivyuwenle oroihiwawe". ¹⁴ Okathi owo alonthawe vyivyo, ahiweha opuro mukina nvyo ahimona Yesu, emenle vavale; masi owo kamuvyuwela wira owo ari Yesu. ¹⁵ Yesu ahimulela: "Muthiyana muninlelani? tani munimwavyanyu?.Owo opuwela wira owo ari Jardineiro, numala owo ahilotha: Pwiya, ti nyuwo m'mukunsemo, mukilele m'muroihale wowi, nvyo miyo kinomurowela. ¹⁶ Yesu ahilotha: "Maria!", owo arukunuwaka, ahilotha ni elinkwa ya eromanu: "Raboni!"( enlothiha "Mwixuthihi"). ¹⁷ Yesu ahimulela: muhikipatike okhala wira n'lelo miyo n'kiwenle kirowaka wapapa. masi murowe mwakumane ni awixuthi aka, nvyo mwalele wira miyo kinrowa owela kirowe wapapa ni apapinyu, nvyo Muluku aka ni Mulukuanyu. ¹⁸ Maria Madalena ahirowa nvyo ahalela awixuthi: "Komona Pwiya!"nvyo ahalela ittu owo aleliwawe. ¹⁹ N'lelo, orine othana, nihiku nenle nopatherya na esumana, erine awixuthi ethukumanne ni mikhora iwaliwe, ewovaka Ayuda, Yesu ahurya khukala variyari vaya, nvyo ahilotha: "Murettele okhale ni nyuwo". ²⁰ Numale olotha vyivyo, ahiwoniha matata ni nipuro nahommwawe, Nvyo okathi awixuthi yawonalaya Apwiya, yahitheliwa murima. ²¹ Votharelana, Yesu ahalela emara ekina: Murettele okhale ni nyuwo. n'kama Apapa akirummaya, miyo kinnorumani nyuwo". ²² Okathi Yesu alonthawe ivyo, ahavaha yawo kwalela: "kihakela munepa worera". ²³ N'to mwalevelela sotheka sa mutthu, munrowa eleveleliwa; n'to mwathukela enrowa othukiwa. ²⁴ Tome, m'movya a yale muloko ni anli, aithaniwa Didimo, kari ni yawo okathi Yesu arulawe. ²⁵ Awixuthi akinaku yahimulela: "Nowona Apwiya". Owo ahiwakula: "N'to miyo kahona m'matatani mwaya isinale sa ipereku, nvyo kivoleiha ikata saka muhina mwa n'sinaleni wa ipereku, nvyo matataka m'pararini mwawe, miyo n'kinrowa wamini. ²⁶ Mahiku mathanu ni mararu, awixuthi yahikhale okathi mukina ethukumanne, nvyo Tome ari ni yawo. irine mikhora sowaliwa, Yesu ahikhala variyari wa yawo, nvyo ahilotha: Murettele okhale ni nyuwo". ²⁷ Numala, ahimulela Tome: "Mpwehe va ikatha sanyu, nvyo mone matataka: mokolole va n'tataninyu, nvyo mpwehe m'pararini mwaka: muhikhale ovanya, masi mwamini. ²⁸ Tome ahakhula kumulela: "Pwiyaka ni Mulukuaka!". ²⁹ Yesu ahimwakula: "Okhala wira mokona, nyuwo muhamini? Oreriwa tiyale ahimonne nvyo enamwamini. ³⁰ Vekekhayi, Yesu ahipaka, variyari wa awixuthi awe, sowatha ikinaku sojankiha, vyeivyo ohatikiwe mulivuruni mumu. ³¹ Ikinaku , sihatikiwa wira mwamini wira Yesu ti Kristu, mwana a Muluku, wira m'mwaminiki mukhaleno ekumi mwa n'sina nawe.