¹ Numala, Pilatos ahimukusa Yesu kuruma wira amaniwe. ² Anakhotho yahithava ekhara ya miwa, kunwariha m'muruni mwawe nvyo yahinwariha n'laya na elinyu. ³ Yahurya awo kumwirel: "Moseleliwa, mwene a Yuda", nvyo yaninveha. ⁴ Pilatos, numala, ahithikela wahimerya atthu wira: "Mone, miyo konomuruha wira muvyuwele wira n'kinpwanyanne mulathu". ⁵ Yesu ahivihiwavo ira awanre n'laya na elinyu ni ikhara ya miwa, pilatos ahiwirela wira: "Mone, ori va mulopwana!. ⁶ Nvyo okathi makhulupale anamukutho nvyo ni anakunya yamonalaya Yesu, yahikuwela yiraka: "M'mukhomele, M'mukhomele!". pilatos ahalela: "M'mukuse nyuwo mwasinene, nvyo mwamukomele. Miyo, n'kimpwanyanne mulathu wa yola. ⁷ Ayuda yahimwakhula pilatos: "hiyo nokhalano nikano, nvyo mwaha wa nikano owo ohano okwa, okhala wira owo ohisirya m'mansawe mwana a Muluku". ⁸ Okathi pilatos oiwalawe somaliheriwa ivye sothene, owo ahitepa wova. ⁹ Nvyo ahithikela ovolowa nipuro napukiwa milathu, nvyo ahimwirela Yesu: Nyuwo munkhuma vayi?, Numala, Yesu khakunle ettu. ¹⁰ Pilatos numala ahimukoha: Nyuwo kamunikakhula? Kamunvyuwela wira kokhalano owerya wira muthukuliwe ni owerya wira nkhomeliwe?. ¹¹ Yesu ahimwakhula: Nyuwo kamumkhalano owerya variyari vaka, muhivahiwe ovyulu. Okhala wira, yole okivaheryenrye nyuwo okhalano yotheka yolupale. ¹² Mwaha wa ettu yelo, pilatos aniphavela omuthukula, masi Ayuda yanikhuwela elothaka wira: "Wakhala nyuwo munrowa omuthukula mulopwana ola, khamuhiyo musirikha a Cesar". Othene yale anisira mwene annilotha envehaka Cesar. ¹³ Okathi pilatos aiwalawe sothene salothiwa, ahimuruha Yesu vate, nvyo ahikilathi vakaterani wa ophuka milathu, nipuro naithaniwa nipweheriwe maluku nvyo ni eheperi enlothiha Gabata. ¹⁴ Nvyo, wari nihiku na omureherya pasika, yari owora ya thanu ni emovya. Pilatos ahalela Ayuda: "M'mone ori va mwene anyu!". ¹⁵ Awo yahikhuwela: "Vate, vate akhomeliwe!". Pilatos ohalela: "Kokala wo omukhomela mwene anyu?", Makhulupale anamukutho yahakhula: hanana mwene ahikhanle Cesar . ¹⁶ Numala, pilatos ahavaheryerya Yesu wira omukhomela. ¹⁷ Yahimukusa Yesu emuroihaka ota, nvyo ahirowa akunse mwikimanyo wira nipuro naithaniwa Caveira, nenlo ni aheberi n'nithaniwa Golgota. ¹⁸ wuwu yahimukhomela, nvyo ni yowo, akinaku alopwana anli, mukina mono yolopwana ni wothiyana wa Yesu variyari. ¹⁹ Pilatos ahatikhavo, kupweha vamwikimanyoni, nvyo watikiwevo: "YESU MUNAZARETHI MWENE AYUDA". ²⁰ Ayuda anthene yahisoma yowatikiwa yele, okhala wira nipuro Yesu nakhomeliwawe nari nowathamela ecidade; nvyo watikiwevo ni Eheberi, Elatino ni Ekereco. ²¹ Numala, makhulupale anamukutho ayuda yahimwirela pilatos: "muhatikevo: "Mwene Ayuda", masi: Mulopwana yola tirale: "Miyo ka mwene ayuda". ²² Pilatos ahakhula: "yele katinkhaka kihatikha. ²³ Okathi anakhotho yamukhomenlaya Yesu, yahikusa ikuwo sawe nvyo yahikawana wa mapuro masese, yahimwakheliha kula nakhotho; n'vyo numala n'laya nahasoniwe, ni ekuwo muhina. ²⁴ Numala yahilelana mukina ni mukwawe: "hiyo nihikere, masi neheryerye ihako nimone ninrowa okhala nawawe". Elo yahikumelela wira mavyu emaliheriwe: "Awo akawana ikuwo saka yaworu, nvyo ikuwo saka aheseryerya ihako". Anakhotho yahira ittu iya sothene. ²⁵ Nvyo, elatu ya mwikimanyo wa Yesu, yira yemenle amamawe, muhimaya amamawe, Maria, mwarawe Clopas, ni Maria Madalena. ²⁶ Okathi Yesu awonalawe amamawe, vakiviru ari vakiviru, mwixuthi yowo amphetawe vanthene, ahiwirela amamawe: "Muthiyana, owo vo mwaninyu!". ²⁷ Numala ahalela awixuthi awe: Awo vo amaminyu!, Ovinya ewora yele m'pwakha oholo, mwixuti owo ahakusa aroihaka okhala owamnyawe. ²⁸ Numala wiraneya, Yesu, avyuwelaka wira ittu sothene sahikhumelela, wira samaliheriwe mavyu wira: "Kiri ni n'thona". ²⁹ Yahikhala vavale esupha ya evinagre; numala yahipwehiwa vanthapwathani yahinaniha ni evinagre yonyunya kuthukelela vamukoponi wa mutathi, nvyo kumuroihela m'pwakha mwano mwawe. ³⁰ Numala Yesu ahilawiha evinagre, kulotha: Somaliheriwa", owo ahuramiha muru, nvyo ahivaheryerya munepa awe. ³¹ Okhala wari nihiku na oryeherya, wira iruthu ihikhale vamwikimanyoni esabatu yothene (Okhala wira esabatu yari nihiku nulupale), Ayuda yahimuvekela Pilatos wira metho salopwana sintakiwe, nvyo iruthu saya sikumihiwe vamwikimanyo. ³² Numala, anakhotho yahurya yahintaka metho sa opatherya ni anaili alopwana yakhomeliwe ni Yesu. ³³ Okathi yamwathamenlaya Yesu, yahona wira ari okwene; n'to kiyantanke metho sawe. ³⁴ Votharelana, nakhotho m'mosa ahimuhoma m'pararini ni nivaka, nvyo nananoru yahikuma ephome ni mavyi. ³⁵ Yole onale ettu yela namona, nvyo onamonawe ti wekekhayi. Owo onnivyuwela elonthaya esariya, wira nivaya yamini. ³⁶ Ittu ivya sahikhumelela wira simaliheriwe mavyu: "kinavo nikuva nawe ninrowa wuntakiwa". ³⁷ Nvyo nipuro nikina wa mavyu ninlotha wira: anomulipela yowo amuhommaya. ³⁸ Numala ittu ivya, Jose akuma Arimateia, ari mwixuthi a Yesu, anamwi wiphiphini, awovaka Ayuda, ahinvekela Pilatos anthuniherye okusa eruthu ya Yesu. Pilatos ahinthuniherya, numala Jose ahurya kumukusa kurowana eruthu awe. ³⁹ Votharelana ahurya Nicodemos yole aronwe okumana ni Yesu ohiyu, owo ahiruha sowunkela sa mirra ni makurya, yathummwa ilibra emiya emosa. ⁴⁰ Numala, yahikusa eruthu ya Yesu, nvyo yahitaputerya vakuweni yothela ni sowunkela, n'toko saryaya solimalela sa Ayuda wira evithe eruthu. ⁴¹ Nipuro nenlo nakhomeliwawe yahikhala ejardim; nvyo mujardini nahikhala nikuku nananano nahavithiwemo muthu. ⁴² Okhala wira nari nihiku na oreherya wa Ayuda, nvyo okhala wira nikuku nari vakiviru, ahivithiwa Yesu mwemmo.