¹ Numala Yesu ohima ittu ivya, ahirowa ni awixuthi awe nipuro nikina nathamela Ocedrom, weiwo wariwo ejardim weiwo owo aromwawe ni awixuthi awe. ² Nvyo Yuda yowo arowa onvariha, ni yowo anivyuwela nipuro nenlo, okha Yesu anirowa mahiku othene ni awixuthi awe. ³ Yuda ahurya vamosa ni anakhotho, ni anakunya a makhulupale a alipa a mukutho, nvyo yahiphiwa nipuro n'lo ni ilanterna, ikopho ni akaputhi. ⁴ Numala Yesu, avyuwelaka ittu sothene wira sarowa omukumelela, ahiholiha khakoha wira: Tani munimwavyanyu?. ⁵ Awo yahimwakhula: Yesu munazarethi. Yesu ahalela: Tiyomi. Yuda yole arowa onvariha ari vavale emenlene ni anakhotho. ⁶ Numala, okathi owo alenlawe: "Tiyomi" awo yahithikela othuli nvyo yahimorela vathi. ⁷ Ahithikela wakoha: Tani munimwavya anyu?. Yahithikela, wakhula: Yesu Munazarethi. ⁸ Yesu ahakhula: Miyo kihohimeryani wira: "Tiyomi"; vano yakhala wira mwinkavya miyo mwahiye ala akina orowe. ⁹ Wira simaliheriwe mavyu alonthe wira: "Khakirimenle n'nakhala m'mosa a yale mukivahalanyu". ¹⁰ Simoni Pedro, ahikhalano ekatana, khukumiha, nvyo ahimuthikila murumeyi a mukhulupale anamukutho, kuthikilavo niyaru nolopwana. n'vyina na murumeyi ari Malco. ¹¹ Numala, Yesu ahimuhimerya Pedro: "M'pwehe ekatana nipuro naryaya. munona wira n'kinrowa owurya ecalisi Apapa akivahalaya?". ¹² Numala nikuri na anakhotho, mukhulupale ni masakartari a Ayuda yahinphara Yesu, nvyo yahimuthuka. ¹³ Awo yahimukusa kumuroihela Anas, okhala wira owo ari n'kamwenaiye Caifas, mukhulupale anamukutho wa eyakha yele. ¹⁴ Ari Caifas alenle miruku Ayuda wira yari yowaterihiwa wira mulopwana ahana wakwela atthu. ¹⁵ Simoni Pedro ahimuthara Yesu, nvyo ni awixuthi akinaku. Mwixuthihi owo avyuweliwe wa mukhulupale anamukutho, nvyo ahirowa ni Yesu vate wa mukhulupale anamukutho. ¹⁶ Masi Pedro ahemela nupuro nikina na vate wa mukhora. Numala murumeyi mukinaku, yowo avyuweliwa mukhulupale a namukutho, ahivenya arowaka olotha ni murumeyi aweheryerya mukhora, nvyo ahimukusa Pedro kunroiha m'pani. ¹⁷ Murumeyi aweheryerya mukhora ahimuhimerya Pedro: "Nyuwo khamuhiyo m'mosa a amwixuthi a mulopwana yola?", Owo ahira: "nari miyo n'kihiyo". ¹⁸ Arumeyi ni anakunya yari vavale; awo yahivela moro, okhala wira kiwarere orirya, nvyo yira yoraka. Pedro nivawe ira emenle vavale, oraka ni yawo. ¹⁹ Numala, mukhulupale anamukutho ahimukoha Yesu mwaha wa awixuthi awe ni ittu salaleyawe. ²⁰ Yesu ahimwakhula: "Miyo kanilotha vothumeryerya mulaponi; Miyo kanikhala mahiku othene kilaleyaka nas m'muthukumanoni, ni mukereja mwenmo Ayuda yakumanelayamo; kiyavo kalotha ni wipithiha. ²¹ Seni muyaka okikoha? Mwakohe yale aiwale ittu miyo kilonthaka.Atthu yawo avyuwela yele kilonthaka. ²² Okathi Yesu olonthawe ivyo, m;mosa anakunya ari vavale ahimpokha Yesu, nvyo kumwirela: "Tivyivya nyuwo mummwakulanyu mukulupale anamukutho?". ²³ Yesu ahakhula: "Yakhala miyo n'kilonthe sana, mukoniherye yonanara, numala yakhala wira kolotha sana, seni mwimkimana-ayu?. ²⁴ Numale, Anas ahimoroiha athukiwe wa Caifas, mukhulupale anamukhutho. ²⁵ Simoni Pedro ira emenlene oroka, nvyo ahikohiwa: "Nyuwo khamuhiyo m'mosa a wixuthi awe? owo ahiruna ahimaka wira: "nari n'kihiyo miyo". ²⁶ Murumeyi m'mosa a mukhulupale anamukutho, ari m'movyi a mulopwana yole Pedro amuthikinlawe niyaru, ahilotha: Miyo n'kiwonneni Ojardim ni Yesu?. ²⁷ Pedro ahiruna emara ekina, nvyo nananoru muthupi wahipa. ²⁸ Numala, yahimukusa Yesu emurowanaka wa Caifas nipuro nopukiwa milathu na kuvernadoro. Wari ohihiyu, nvyo kiyavolonwe nipuro na milathu wira ehirave mwikho yothele omutha pasika. ²⁹ Numala Pilatos ahikuma wira awakelele, nvyo ahilotha: "Mulathu seni mwimpwanyamna-anyu mulopwana ola?". ³⁰ Awo yahakhula: Warokhala wira mulopwana ola khanira sonana khanoruhelani nyuwo. ³¹ Vano, Pilatos ahahimerya: "M'mukuse yenyu, nvyo m'mwipuke mutharihaka ikano sanyu", Yahimulela Ayuda: "Kanithuniheriwe omukusa mutthu wira amphiwe". ³² Ivyo yahilotha wira simaliheriwe mavyu Yesu alonthawe, athonyeryaka muta arowawe okwa. ³³ Numala, Pilatos ahithikela ovolowa nipuro napukiwa milatthu, ahimwithana Yesu kumuhimerya wira: Nyuwo mwa mwene Ayuda?. ³⁴ Yesu ahimwakhula: Nyuwo tinlothe vyivyo, mwilothelaka yenyu, nari akinaku aholelani mwaha wa miyo?. ³⁵ Pilatos ahimwakhula: Munupuwela wira miyo ka Muyuda? Atthu anyu vamosa makhulupale anamukhutho ahovaheryeryani wa miyo, eseni mwiralanyu. ³⁶ Yesu ahakhula: "Omwenaka kahiyo wa elapo yela, warokhala wira omwene aka ti wa elapo yela, awixuthi aka yanwana wira miyo kihivahereriwe m'matatani wa Ayuda,, masi omwene aka kahiyo wa vava". ³⁷ Pilatos ahimulela: "N'to nyuwo mwa mwene?. Yesu ahakhula: Nyuwo timulonthe wira miyo ka mwene, mwaha wa yelo miyo kiyariwaka ni kirya mulaponi-mu, wira kivahe onamona wa ejariya. Othene yale ari a ejariya anniwa n'vyu naka. ³⁸ Pilato ahimuhimerya: "Eseni eri ejariya?". Numala olotha ivyo, ahivinya athikelaka okumana ni Ayuda, kwalela: "N'kinpwanyanne mulathu mulopwana yola. ³⁹ Masi nyuwo mukhalano yolimalela anyu wira miyo kimuhulele mutthu m'mosa nihiku na Pascoa; numala nyuwo mwinthuna wira kimuthukule mwene a Yuda?". ⁴⁰ Numala awo yahikuwela elothaka wira: Nari mulopwana yola, masi Barraba. Barrabas ari namwive.