¹ Numala olotha ittu ivya, Yesu ahilipeliha maitho awe ovyulu kwira: "Papa, wophiya okathi m'mwivuwihe mwaninyu wira mwana ovuwiheni. ² Vyivya n'khama nyuwo m'muvanhanyu owerya wa eruthu sothene, wira nivena owo avahe ekumi yohimala yale othene mukinnyalanyu. ³ Ekumi yohimala tila: wira awo yovyuweleni nyuwo, Muluku n'mosa ekekhayi, nvyo Yesu Kristu, yole nyuwo m'murummanyu. ⁴ Miyo kinnovuwihani vathi vava, wira kimalelihe miteko sothene mukivahalanyu wira kireke. ⁵ Vano , papa mukivuwihe, vamosa ni nyuwo ni ovuwa miyo karyakano ni ninyowo ohinathi elapo opakiwa. ⁶ Kowoniherya n'sinaninyu alopwana a mulapone mukivahalanyu; awo yari a winyu; nvyo nyuwo mokinnya miyo, nvyo awo apweha mavyu anyu. ⁷ Vano annivyuwela wira ittu sothene mukivahalanyu sinrya wa nyuwo. ⁸ Okhala wira mavyu nyuwo mukivahala anyu, miyo miyo kihavaha, Awo ahakhela nvyo vekekhayi avyuwela wira akumme wa nyuwo, nvyo ahamini wira nyuwo timukirumme. ⁹ Miyo kinnavekelela yawo; n'kinvekelela elapo, masi mwaha wa yale mukivahala anyu, okhala wira awo tawinyu. ¹⁰ Sothene siri sawaka tisawinyu, nvyo sothene siri sawaka tisawinyu; nvyokinnivyuwihiwa mwa seiyo. ¹¹ Miyo n'kiri vanthene mulaponi, masi awo ari mulaponi, nvyo miyo kinrya wa nyuwo, papa orera, mwapwehe nipuro na n'sinaninyu, nenlo mukivahalanyu, wira awo ekhale amosa, n'khama hiyo niryahu n'mosa. ¹² Okathi miyo karyaka ni yawo, miyo kahapweha mwa n'sinaninyu nenlo mukivahalanyu; Miyo kihapweha nvyo khavo a yawo orimenle, ahikhanle mwana a morimelani, wira solempwa simaliheriwe. ¹³ Vano, kinrya wa nyuwo; masi kinnohomeryani ittu ivya mulaponi, wira mukhaleno otheliwa waka murima womalela wa yawo. ¹⁴ Miyo kihavaha mavyu aka; nvyo elapo ehahavyula okhala wira awo kahiyo a mulaponi, n'khama miyo kihikhanlaka a mulaponi. ¹⁵ Miyo N'kinavekelela wira mwakumihe mulaponi, masi wira muhahiye ekusiwaka ni satana. ¹⁶ Awo kahiyo a mulaponi, n'kama miyo kihikhanlaka a mulaponi. ¹⁷ Mwarerihe yawo ni esariya; mavyu anyu ejariya. ¹⁸ N'khama nyuwo mukirummanyu mulaponi, ni miyo kinimwaruma mulaponi. ¹⁹ Mwaha wa yawo, miyo kinnireriha, wira awo nivaya ererihiwe ni esariya. ²⁰ Kinnavekelela vohikhala yaworu pahi, masi nivaya yale anira ekamini miyo mwaha wa mavyu aya. ²¹ Wira awo ekhale m'mosa, n'khama nyuwo, papa, muri wa miyo, nvyo miyo wa nyuwo. Miyo kinnavekelela wira awoekhale mwa hiyo, wira elapo yamini wira nyuwo mokiruma. ²² vuwa nyuwo mukivahalanyu, miyo kihavaha, wira awo ekhale m'mosa, n'khama vavale hiyo niryahu amosa. ²³ Miyo mwa yawo, nvyo nyuwo wa miyo, wira awo yethihiwe ni wiwanana womalela, wira elapo evyuwele wira nyuwo timukirumme, nvyo muhaphenta, n'khama mukiphentalanyu miyo. ²⁴ Papa, kinthuna wira yale nyuwo mukivahalanyu ekhale vamosa ni miyo vavale miyo kiryakavo wira awo yone ovuwa waka, weiwe nyuwo mukivahalanyu, mwaha nyuwo mokiphenta wopatheryani ohinathi opakiwa elapo. ²⁵ Papa ajariya, elapo kenovyuwelani, masi miyo kinnovyuwelani; nvyo awo annivyuwela wira nyuwo timukirumme. ²⁶ Miyo kihavyuweliha n'sinaninyu yawo, nvyo miyo kinokhaliha novyuweliwa wira niphento nenle nyuwo mukivahalanyu nikhale mwa yawo, nvyo miyo mwa yawo kikhale.