¹ Miyo ka mwiri wekekhayi, nvyo apapaka mulipa olima. ² Iritha sothene iri mwa miyo nvyo ihinaima mihokhorokho, awo annithikila; nvyo eritha sinimiha mihokhorokho, awo ainireriha, wira itepe wima mihokhorokho. ³ Muri orera mwaha wa masu miyo kolenlakani. ⁴ Mukhale wa miyo, nvyo miyo mwa nyuwo. n'toko eritha ehinimaya mihokhorokho mekhaya, ehikhanle vamwirini, vyivyo kamunwerya nyuwo muhikhanle mwa miyo. ⁵ Miyo ka mwiri, nyuwo wa iritha. yole onkhala wa miyo, miyo kinnikhala mwa yowo, owo onnimiha mihokhorokho, okhala wira ahikhanle wa miyo khanwerya wira ettu. ⁶ Akhala ohinkhala wa miyo, onniriheliwa n'toko eritha yowuma; nvyo iritha ivyo sinothotheliwa, iriheliwe vaikho nvyo seyeliwe. ⁷ Akhala wa miyo, nvyo masu yakhala mwa yowo munovekela ettu mwinthunanyu, nvyo nyuwo munrowa ovahiwa. ⁸ Apapaka annivuwihiwa vyivyo: wira mwime mihokorokwo sinthene; nvyo munimoneya wira mwa awixuthi aka. ⁹ N'toko apapa ankiphentaya, nimiyo-tho kinimophentani, mukhale n'niphento naka. ¹⁰ Nvyo mwapweha soruma saka, mwakhanyeryerya niphentonaka; mutharihaka n'khama miyo kikhanyerenryaka mwa soruma sa Apapaka nvyo muniphentoni mwaya kinnikhanyererya. ¹¹ Miyo kinnolelani ittu ivya wira otheliwa waka murima okhale mwa nyuwo, nvyo otheliwa wanyu omalele. ¹² Yela yorumaka: wira n'phentaneke mukina ni mukwawe n'kama miyo kophentalakani. ¹³ Khavo orino niphento nulupale onvikana yole onleva ekumawe mwaha wa asirikawe. ¹⁴ Nyuwo mwa asirikaka mwiraru sothene miyo kinorumakani. ¹⁵ N'kinrowa owithanani arumeyi, okhala wira murumeyi kanvyuwela ettu pwiyawe onirawe. Miyo kinwithanani asirikhaka, okhala wira miyo kihovyuwelihani sothene kiwiwalaka apapaka. ¹⁶ Kahiyo nyuwo mukithanlale, masi miyo kothanlaleni, nvyo kothunenleni wira muniwe ni mwime mihokhorokho, nvyo wira mihokhorokho sanyu ikhale, omalela wira Apapa yovaheni sothene munavekelanyu mwa n'sinanaka. ¹⁷ Yelo miyo kinnorumani: m'phentaneke mukina ni mukwawe. ¹⁸ Okathi elapo enrowaya wohavyulani, muvyuwele wira, muhinathi nyuwo, elapo yelo yahikihavyula miyo. ¹⁹ Mwarokhala wira nyuwo mwa mulaponi, elapo yamophentani okhala wira mwari a mulaponi, masi okhala nyuwo khamuhiyo a mulaponi, nvyo kihothanlani kokumihakani mulaponi, mwaha wa vavo elapo enimohavyulani. ²⁰ Mupuwele mavyu yale miyo kolenlakani wira: murumeyi kahi mulupale onvikana pwiyawe. n'vyo okhala wira kotharathariwa miyo, ni nyuwo-tho munotharathariwa, mwaiwelela mavyu-aka, animwiweleliwa ni nyuwo mavyu-anyu. ²¹ Awo animwira sothene ivya mwaha wa n'sinanaka, okhala wira kaninvyuwela yole okirumme. ²² Miyo kaharule nvyo kahalenle, kiyakhalano yotheka, masi vano khano oswamihiwa sotheka-saya. ²³ Yole onkihavyula, vamovya onnahavyula Apapaka. ²⁴ Warokhala wira miyo n'kipanke variyari vaya miteko ohikhanle mukina owenrye wira, kiyakhalano yotheka. Masi vano ahona nvyo okihavyula vanthene miyo ni apapaka. ²⁵ Ivyo sokumele wira mavyu alempwe mwa ikano saya simaliheriwe: Akihavyula miyo ohavo mulathu. ²⁶ Numala orya mukhaliheryo, yowo miyo kinyaka wovahererihani akumaka wa Apapa, munepa worera onkhuma wa Apapa, owo onokirela onamona. ²⁷ N'vyo nyuwo kinrowa wokhalelani onamona, okhala wira mwahikhala ni miyo okuma wopatheryani.