¹ Muhihase murimanyu, mmwamini Muluku, mukamini-tho miyo. ² Owamnyeya Apapa wathawo mapuro okhala, wahari vyivyo, miyo kamohimeryani, n'to kinrowa oreherya opuro. ³ Nvyo miyo karowa ereherya mapuro-anyu, kinimorya-tho nvyo kinowakelani muryaka wa miyo, wira weiwo miyo okhalavo, nyuwo mukhale vavo. ⁴ Nyuwo movyuwela ephiro ya weiwo kinrowakawo. ⁵ Tome ahimulela Yesu: "Pwiya, khaninvyuwela munrowanyuwo, ninrowa ovyuwela sai ephiro?". ⁶ Yesu ahimwakula: "Miyo ka ephiro, ni ekekhayi ni ekumi, khavo onrowa wa Apapa ahivinre wa miyo. ⁷ Wakhanle wira nyuwo mokivyuwela, nto mwarowa wavyuwela Apapaka, ovinya olelo m'pwakha ninrowahu nyuwo onrowa wavyuwela ni munowona. ⁸ Filipe ahimulela Yesu: Pwiya, munoniherya Apapa-anyu, nvyo enoniphiyera hiyo. ⁹ Yesu ahakhula: Kokhala mahiku manthene ni nyuwo, nvyo n'lelo kamwinkivyuwela Filipe? yole onkona miyo, onniwona Apapa, munira sai wira: munoniherya Apapa-anyu?. ¹⁰ Kamunamini wira miyo kiri mwa Apapa, nvyo Apapa ari mwa miyo? masu miyo kinohimeryakani, n'kinolelani ni owerya waka, ehikhale elo, Apapa ankhala wa miyo tampaka miteko saya. ¹¹ Mukamini miyo, kiri mwa Apapa, nvyo Apapa ari mwa miyo, nari mwamini mano mwaha wa miteko saka. ¹² Vekekhayi, vekekhayi, kinnohimeryani, wira yole onkamini miyo, nivawe onopaka sotikiniha miyo kinpakaka, nvyo onopaka sulupale okwaranya ivye kipankaka, okhala wira miyo kinrowa wa Apapa. ¹³ Sothene munrowanyu oveka mwa n'sinanaka, miyo kinimovahani, wira Apapa evyuwihiwe wa mwanaya. ¹⁴ Mwakivekela ettu ti ettu mwa n'sinanaka, miyo kinimovahani. ¹⁵ N'to mwakiphentaka, mupwehe masu aka. ¹⁶ Miyo kinimwavekela Apapaka, nvyo awo animovahani mukhaliherye, wira owo akhale mahiku othene ni nyuwo. ¹⁷ Munepa worera, yowo elapo ehinrowaya wakela, okhala wira kanona n'nakhala kanvyuwela. nyuwo, vano, munivyuwela, okhala wira owo onnikhala ni nyuwo, onokhala mwa nyuwo. ¹⁸ Miyo n'kinrowa wohiyani mekinyu; kinothika wa nyuwo. ¹⁹ okathi vakhani, elapo kenrowa-tho okona, masi nyuwo munokona. okhala wira miyo kamukumi, nyuwo-tho munokhala akumi. ²⁰ Nihiku nenlo nyuwo munovyuwela wira miyo kiri wa apapa, nvyo nyuwo muri wa miyo, nvyo miyo wa nyuwo. ²¹ Yole orinono soruma saka nvyo anapweha, owo tiyole onkiphenta; nvyo yole onkiphenta onokhala ophentiwa ni apapaka, nvyo miyo kinonphenta nvyo kinimwivyoniherya mwa yowo. ²² Yuda (Ohiya Iscariotes) ahimukoha Yesu: Pwiya, seni muyaka wisoniherya wa hiyo, nvyo ohiya wisoneiherya wa elapo?. ²³ Yesu ahiwakhula: Akhala onkiphenta onopweha masu aka. Apapaka anonphenta, nvyo ninimorya mwa yowo ni ninokhala mwa yowo. ²⁴ Yole ohinkiphenta, kanpweha masu aka. Masu mwiwalanyu kahiyo awaka, masi tawaya Apapa yawo akirumme. ²⁵ Ittu ivya kinnohimeryani kirine n'lelo ni nyuwo. ²⁶ Vomalela mulipeleli ori munepa worera, yowo apapa anoruma wa n'sinanaka, owo onimovyuwelihani ittu sothene ni onowupuserani sothene miyo kolenlakani. ²⁷ Kinnohiyeryani murettele, murettele aka kinnovahani. Miyo n'kinovahani n'toko elapo envahaya, muhiripiwe murima, n'nakhala muhove. ²⁸ Muhiwa yele kohimenryakani: kinorowa ni kinimothikelani. n'to mwakiphenta kinokhala otheliwa murima, okhala wira miyo kinrowa wa apapa; okhala wira apapa talupale okivikana miyo. ²⁹ Miyo kinnolelani nanano, ohinathi okumelela, wira okathi onrowaya okumelela mwamini. ³⁰ Vano n'kinrowa olotha ni nyuwo, okhala wira mukulupale a elapo yela onnurya, nvyo owo khano owerya variyari vaka. ³¹ Masi wira elapo evyuwele wira miyo kinnaphenta apapa, kinnira yelo apapa ankirummaya, n'venye nihiye opuro yola.