¹ Numala nihinathi ophiya nihiku na efesta ya pascoa, avyuwelaka Yesu wira okathi awe wanathamela wira avire mulaponi mu, arowe wa Apapawe aphentaka atthu awe yari mulaponi, ahaphenta m'pwakha opontha. ² Nvyo ewora ya Ceiya, satana ahinvolowa vanrimani wa Yudas Iscariotes, mwana a Simao, wira anvarihe Yesu. ³ Yesu anivyuwela wira apapawe yahinvaheryerya ittu sothene m'matatani mwawe, nvyo wira akumme wa Muluku, ni arowa othikela wa Muluku. ⁴ Owo ahemela va Ceiya ahirula mukumi awe. Numala ahikusa epanu kuthuka muyununi mwawe. ⁵ Votharelana, owo ahithela mavyi m'pasiyani, nvyo ahipatherya orapiha inau sa awixuthi awe, anumiha ni epanu yele apwenhawe arukuryerihaka eyunu awe. ⁶ Owo ahimathamela Simoni Pedro, kumwirela wira: "Pwiya, nyuwo munorapiha inau saka?. ⁷ Yesu ahimwakula nvyo kumulela: "ettu miyo kiniraka, nyuwo khamunvyuwela nanano vava masi munvyuwela okathi mukina". ⁸ Pedro ahimwakhula: Nyuwo khamunrowa orapiha anau saka". Yesu ahimwakhula: "Nvyo miyo kahorapihani, nyuwo khamunrowa okhala vamosa ni miyo". ⁹ Simoni Pedro ahimuhimerya: Pwiya, muhirapihe inausakaru pahi, masi matataka ni muru aka. ¹⁰ Yesu ahimuhimerya wira: "yole orampe, khanramelatho orapihiwa ohikhanle inau sawe, okhala wira othene torera. nyuwo muri orera, masi kahiyo othena-anyu. ¹¹ Okhala wira Yesu aninvyuwela arowa onvariha. Tivavo airalawe wira: "Kahiyo othena-anyu muri orera. ¹² Numaliha Yesu orapiha inau saya, hikusa n'laya nawe, kuthikela vamesa, nvyo ahakoha: ¹³ Nyuwo movyuwela ettu kiwirenlakani?. Nyuwo mwakithana Mwixuthihi ni Pwiya, munnira sana, okhala wira miyo mavyinaka. ¹⁴ N'to miyo numala, Pwiya ni Mwixuthihi, korapiha inau sanyu, ninyuwo murapihe inau mukina ni mukwawe. ¹⁵ Okhala wira miyo kovanheni nipwanapwaniho wira ninyuwo tho mwireke n'toko kiwirenlakani nyuwo. ¹⁶ Vekekhayi, vekekhayi, kinnohimeryani: Namuteko kahiyo mulupale, onvikana mwixuthihawe, n'nakhale ole orummwe onvikana ole omurumme. ¹⁷ Mwakhala wira munivyuwela ittu ivya moreriwa nyuwo mwethelaru. ¹⁸ Miyo nkinlotha mwaha a nyuwo othene, okhala wira miyo kihavyuwela yale kathanlalaka, masi miyo kinnilotha ittu ivyo wira solempwa simaliheriwe. Yale yatha vamosa ni miyo, akirukunuwela ethuli aya. ¹⁹ Kinnohimeryani nanano vava, ihinathi okumelela, wira okhathi sinrowaya, mwamiya wira miyo ka Apwiya. ²⁰ Vekekhayi, vekekhayi, kinolelani: Yole onimwakela yole miyo kininrumaka, onnikakela miyo, nvyo yole onkakela, onnimwakela yole okirummw miyo. ²¹ Numala olotha ittu ivyo, Yesu ahirimpwa munepa, nvyo ahimaliherya alothaka: "Vekekhayi, vekekhayi, kinnohimryani wira m'mosa a nyuwo onrowa okivariha". ²² Awixuthi yahiwehana yaworu, emupuwelaka tani owo amuhimawe. ²³ Awixuthi akina, yawo Yesu aphentawe, yira emwinmathenle vathirima wa Yesu. ²⁴ Simoni Pedro ahimoniherya thonyero anvekelaka: M'mukohe tani owo onimuhimawe". ²⁵ Numala mwixuthi owo ammathenle vamurima wa Yesu, ahimukoha: Pwiya tani owo?. ²⁶ Numala, Yesu ahakula: "Nvyo yole kinrowaka miyo onvaha nipatusa na ephau yoryeryiwa". Nvyo, numala oryerya nipatusa na ephau, ahinvaha Yuda, mwana a Simoni Iscariotes. ²⁷ Nvyo numala otha ephau, satana ahinvolowa yowo, Yesu numala ahimuhimerya: Yele muryanyu wira, mwire ni wakuva. ²⁸ Kavo vamesa avyuwenle mwaha wa seni Yesu ahimenryawe awo ittu ivye. ²⁹ Anari Yuda athanliwe opweha murupa wa musuruku, akinaku yupuwela wira Yesu athuna omuhimerya: "muthume yele ennihalela ofestani", nari wira owo ahana wavaha ettu anamahawa. ³⁰ Numala Yuda wakela epau, ahivenyavo nananoru, nvyo wari ohiyu. ³¹ Ewora Yuda avennyawevo, Yesu ahilotha: "Vano mwana a mutthu onovuwihiwa, ni Muluku onrowa ovuwihiwa. ³² Muluku onimwivuwiha, nvyo votharelana onimwivuwiha. ³³ Anaka, miyo kiri ni nyuwo okathi vakhani, nyuwo munokavya, nvyo n'kama miyo kalenlaka Ayuda: wira weiwo kinrowaka, nyuwo kamunwerya orowa, nanano miyo kinnolelani vyivyo nyuwo-tho. ³⁴ Yoruma ya nanano kinnovahani, wira m'phentaneke mukina ni mukwawe; m'kama miyo kophentalakani, n'to ni ninyuwo mohano ophentana mukina ni mukwawe. ³⁵ Mwira siso atthu othene anovyuwela wira nyuwo mwa awixuthi aka: n'to nyuwo mwaphentana mukina ni mukwawe. ³⁶ Simoni Pedro ahimuhumerya: "Pwiya, munrowa wowi?". Yesu ahimwakula: "Wira weiwo kinrowakawo kamunwerya okithara nanano, masi nyuwo munokithari okathi mukina". ³⁷ Pedro ahimwakula: "Pwiya, mwaha wa eseni miyo kihinweryaka wotharani nanano vava? miyo kinovaha ekumi aka mwaha wa nyuwo". ³⁸ Yesu ahimwakula: "Munovaha ekumanyu mwaha wa miyo? vekekhayi, vekekhayi, kinnohimeryani wira muthupi ohinathi wipa nyuwo munokiruna imara tharu.