¹ Mahiku mathanu n'niso ahinathi ophiya esfesta ya pascoa, Yesu ahurya Obetania weiwo aryawe Lazaro, yole Yesu amuhihimusalawe mokwani. ² Numala, vavo yahipakiwa yotha ni yowo, nvyo Marta anakawela, nvyo Lazaro ahikilathi vamesa ni Yesu. ³ Numala, Maria ahikusa mwapu de eperfume yowunkhela vanthene, yathuma musurukhu munthene anaithela n.manawuni wa Yesu nvyo ananlimpari inau sawe ni maihawe, m'pani wahisareya wunkela wa eperfume. ⁴ Yuda Iscariotes, n'mosa a wixuthawe, yole arowa onvariha, ahilotha. ⁵ "Seni eperfume ela yahathumihiwaya musurukhu waphiya imiya tharu wa denarios nvyo evahiwe alipa ohawa?". ⁶ N'to, owo ahilotha vyivyo, ahiwehaka wakhaliherya alipa ohawa, masi pkhala wira ari natarau, owo ahikhalihiwa mulipa opweha musurukhu, nvyo aniya yole wapwehiwamo. ⁷ Yesu ahilotha wira:"muhinkhothiherye, ola opweherya nihiku novithiwa waka". ⁸ Anamahawa anokhala ni nyuwo mahiku othene, masi kamunrowa okhala mahiku othene ni miyo. ⁹ Nvyo atthu anthene Ayuda yahivyuwela wira Yesu ari weiwe nvyo yahurya, kiyanryenle mwaha wa Yesu, masi wira emone Lazaro, yowo Yesu amuhihimusalawe variyari wa alipa okwa. ¹⁰ Makhulupale a namukhutho yahiwanana vamosa omukusa Lazaro wira emwiphe. ¹¹ Okhala wira wari mwaha wa yowo anthene Ayuda yathanwaya nvyo enamwamini Yesu. ¹² Nihiku notharelana, atthu anthene yahurya ofestani. okathi awo yahiwa wira Yesu anurya Oyerusalemo. ¹³ Yahiruha makukhu amarita, nvyo yahivinya erowaka okumanana wira yamusekurye, ekuwelaka: "Hosana , avuwihiwe owo onrya ni n'sina na Apwiya, mwene a Isirayeli. ¹⁴ Yesu ahiphanya ekavalo, nvyo ahiwela n'toko silempwaya: ¹⁵ "Muhikhaleno wova, ana a Siao; tula mwene anyu onnurya, akilanthe va mwasana a ekavalo". ¹⁶ Awixuthi awe, kiyavyuwenle ittu ivye sothene wopatheryani, masi numala Yesu ovuwihiwa, yahupuwela wira ittu ivye sahatikiwa mwaha wa yowo, nvyo ti vyivyo sirihiwawe. ¹⁷ Numala, atthu anthene yari ni Yesu okathi owo amwithanawe Lazaro wira akumele vate wa mahiye amuhihimusa mwa alipa okwa, ahivaha onamona wa atthu akina. ¹⁸ Wari mwaha wa ettu yela atthu anthene yaronwawa omuvyuwela, okhala wira yahiwa wira ahipaka yojankiha yelo. ¹⁹ Numala Afarisi yahilotha yaworu: "mone, nyuwo kamunira ettu; mone wira elapo ennirowa variyari vawe. ²⁰ Othene yaronwe wira yamukokhorele ofestani, yahikhala akereku akina. ²¹ Awo yahirowa nipuro ari Filipi, akuma elapo ya Betsaida muthethe wa Kalileiya, nvyo yahimukoha elothaka wira: "Pwiya, hiyo ninthuna omona Yesu". ²² Filipe ahirowa kumuhimerya Andre; Andre ahirowa vamosa ni Filipe, nvyo kumuhimerya Yesu. ²³ Yesu ahiwakula, alothaka wira: "wophiya okathi wira mwana a mutthu avuwihiwe. ²⁴ Vekekhayi, vekekhayi, kinohimeryani wira, enuku ya etrigo enmorela vathayani ehikwa, yelo ennikhalela pahi, masi elo yakwa, enawimiha mihokorokho sinthene. ²⁵ Yole omphenta ekumawe enomurimela; masi yole ohinthuna ekumi awe mulaponi mumu onnipweherya ekumi yohimala. ²⁶ Mutthu onthuna okirumela, akithareke, nvyo weiwo miyo kinrowaka okhala murumeyaka nivawe onokhala ni miyo. akhala mutthu onkirumela, apapa anomuthithimiha. ²⁷ Vano, eroho aka yoripiwa vanthene. Nvyo kiyowira eseni? Papa mukopole okathi yola! Masi tiyelo kiryenlaka, okathi yola. ²⁸ Papa ovuwihe n'sinaninyu. Numala n'su nahikuma wirimu, nalotha wira: "Vano kovuwiha ni nivano kinnivuwiha". ²⁹ Okathi atthu anthene, yari vavale yahiwa ittu ivyo, yahima wira yari etari. akinaku yalotha: N'laikha tinilonthe". ³⁰ Yesu ahiwakula wira: "N'su onlo kanrule mwa wa miyo, masi mwaha wa nyuwo. ³¹ Vano opukiwa wa elapo yela, nvyo mukulupale a elapo ela onrowa wikariwa. ³² Nvyo okathi miyo kinrowaka othomeiwa vathi vava anokiryela othene wa miyo". ³³ Owo ahilotha sothene ivyo wira oniherye enamuna arowawe okwa ni makwelo awe. ³⁴ Atthu anthene yahakhula: "Hiyo mwa ikano wira Kristo onrowa okhala wa mahiku othene, munira sai nyuwo wira mwana a mutthu onrowa othomeiwa ?. ³⁵ Numala ahahimerya Yesu: N'lelo okathi vakhani warya onokhala ni nyuwo, mwethe nenla muryanyuno warya, wira epiphi ehotutuseni, yole onetha mwepiphini khanvyuwela onrowawewo. ³⁶ Nenla murina-ayu warya, mwamini warya wira mukhale ana a warya. Yesu ahilotha ittu ivya numala ahirowa, awo khuhimona-tho. ³⁷ Pothi Yesu apanke ittu sotikiniha sowatha oholo waya, awo n'lelo kiyamwamini yowo. ³⁸ Wira emaliheriwe masu a Profeta Yesaya, yalotha wira: " Pwiya , tani othunne ittu nilalenyahu? Nvyo tani oniheriwe mono wa Apwiya?. ³⁹ Mwaha wa esariya, awo kiyathuna omwamini, okhala wira Yesaya nivawe olotha wira: ⁴⁰ Kanona maitho aya, ni ohumiya murimaya, wira ehone ni maitho, n'nakhala ehivyuwele ni murimaya, ni ehituthuwe, nvo miyo kapenuse. ⁴¹ Yesaya ahilotha vyivyo okhala wira ahona ovuwa wawe, nvyo ahilotha ahimaka sa yowo. ⁴² Onamwi sireyaka vyivyo makhulupale yahimwamina Yesu, masi mwaha wa Afarisi awo kiyakulenle ivyo, wira ehikariwe mukereja. ⁴³ Awo yaniphenta ovuwa warya wa atthu vanthene ovikana ovuwa warya wa Muluku. ⁴⁴ Yesu ahikhuwela alothaka wira: Yole onkamini miyo, khanikamini yomiru, masi onnimwamini yole okirumme. ⁴⁵ Nvyo yole onikona, onnimona yole okirumme. ⁴⁶ Miyo kirule n'toko warya mulapone, wira othene yale ankamini miyo ehikhanyeryerye okhala mwepiphini. ⁴⁷ Akhala oniwa masu aka, masi ahinethela, miyo n'kinpuka, okhala wira kihorya, n'to nkiryenle opuka elapo, masi wira kopole elapo. ⁴⁸ Yole onkikhotha nvyo khanakela mavyu aka, n'to okhalano onrowa ompuka: Mavyu miyo kilalenyaka, yawo animmupuka nihiku nokiserya. ⁴⁹ Okhala wira miyo n'kilontha sa miyo, kirinvirikanyiha, apapaka akirumme, takirumme wira mwalothe ni mwalaleye. ⁵⁰ Miyo kovyuwela wira soruma saya ekumi yohimala; Numala, yele miyo kinlothaka tiyele apapaka akirummaya olotha.