Capitulo 5
1
Nna, oniweya wira wathuvena wokhalawo opantitu wotakhala, ohinirawa ata amalapo: okhala nlopwana onkhala ni mwara a tithiye.
2
Nvo, munwerya vyai wikusyere vyivyo? Etthu mwayannyu okhalana wari oripiwa nrima, mpakha omwikara mmulokoni mwinyu nlopwan`owo onira vyivyo.
3
Nna miyo, ohiya wira kiri ottaiwene n`irutthu, nrimaka ori ni nyuwo. Kikhalaka vyiyvo ni nyuwo, konlamula ole onethela vyeivyo.
4
Mwathukumana vale ni miyo kinkhakla vamovya ni nyuwo ni nrima, ni nvyina na Yesu Kristu Pwiy`anhu n`uwerya we,
5
Mmuhiyere nlopwan`owo xetwani, wira erutthu ekhwe, nna eroho ye yopowe nihiku anrawa Apwiya Yesu.
6
Nyuwo khamwana etthu ya wikusyerera. Khamunvyuwela wira miropo vakhani vyinphiha otthu wothene?
7
Nna, nrihele miropo ivyo vya khalayi, wira nkhale nkhama otthu worera wa nanano, okhala wira nnorera womalela. Tthiri Kristu ohitiwa, nkhama eputtiputthi ya Pasik`anhu.
8
Tivo nitthapele nira nihu na Pasika, kahiyo ni iphau vyoheliwa miropo vya khalayi, eri etampi ni nrima wotakhala: nvyo nittapele nira na Pasika n`iphau yohiheliwa etthu, eri ethonyero y`orera nrima ni y`exariya.
9
Ewarakha ekina kiwatikhenlakani, kinolelani ira nhikhale mapantito.
10
Kairaka vyivyo, nkinahima mapantito othene a molumwenkuni-mmu, ananmanya, anawiye, n`ale anattittimiha amiluku ohikhala, wari vyivyo, mwahikhalana okhuma molumwenkuni mmu.
11
Kathunaka wolelani wari wira nhikatana n`atthu ale ankhala a nloko n`inyu, masi ari anamararuwa, ananmanya, ou anattittimiha amuluku ohikhala, alipa-awothera, ananhapaliwa, anawiye. Atthu vyivya, nyuwo ata nhithena opuro nmovya.
12
Kahiyo nteko waka walamula ale ahikhanle aKristu: Muluku t`onrowa walamula.
13
Masi nteko nnyu waphuka atthu a munlokoni mwinyu. Tivo mmuikare ntth`ule otakhala munlokoni mwinyu!