Capitulo 4
1
Amuvyi aka! Mpakha onikhaliha arumei a Kristu: ntekonhu opweha n`ulaleya ixariya vyawipithihiwa vya Muluku.
2
Etthu onkhanyereriwaiye namarunmwa t`ila: okhala ororomeleya mmutekoni mwe.
3
Nna, miyo nkinjali khuluwi ophukiwa ni nyuwo, ou ophukiwa n`atthu a vathinva. Ata mekhaka, miyo kinnilamula.
4
Exariya wira ankhili aka khankumelela atthu, nvyo elo khenonihera miyo okhala ohitheka. ankilamula t`Apwiya.
5
Tivo nhinlamule ntthu okathi ohinaphiye. Mwalipelele Apwiya: awo anrowa omwalela itthu vyivithiwe mwepiphini: anrowa wonihera mupuwelo wipinthe mmirimani mwa khula ntthu. Nihiku nno, Muluku ononthuvela khula ntthu nkhama omphwanelaiye.
6
Amuvyi aka! Vyothene kilonthaka khairule ni miyo oun n`Apolo, mwahawa nyuwo, wira nnonaka hiyo, nhuvye ohiya wikusyerera: ahikhale onittottopa mwahawa ntthu mmovya, akanthanya nkina.
7
T`ani okhalinheni mulupale waxira akina? Yokhala etthu nrinnyuna, nhivahiwe? Nna, okhala wira movahiwa, eseni nnikusereryannyu, okakhala nkhama ivye nrinnyuna mphwannye mekhannyu?
8
Exariya, mokhalana vyothene munramelannyu. Nna mothajiri! Nyuwo mamwene, oxira hiyo! Wanrera xariya mwari mamwene, wira nihiyo-tho nikaweliwe omwen`ennyu!
9
Kinona wira Muluku onihela hiyo, arummw`aye, nipuro notharela, wolikana n`atthu alotheliwe wiphiwa: hiyo nottonyeriwa nkhama atthu olovyoweleya oholo w`olumwenku n`uholo wa malaikha n`uholo w`atthu.
10
Hiyo nalolo mwahawa Kristu, nvyo nyuwo mwavyuweli vamovya ni Kristu. Hiyo n`atthu ohilipalipa, nna nyuwo mwatthu okhomala. Nyuwo munnithithimihiwa n`atthu, masi hiyo ninolovyoweliwa.
11
Mpakha olelo-va, ninnihawa etala ni ntthona, nothaleliwa, ninomaniwa, khinana n`ipuro nokhala.
12
Ninnikhulumuwa nivarelaka nteko ekuminhu. Naruwaniwaka, ninakhula ni molumo orera: nahasiwaka ninilipa.
13
Notheriwaka, ninakhula ni molumo oxirikha. Hiyo ninolikana n`ikokhola vyelapo, n`ithupi na vathi, mpakha olelo va.
14
Nkiniwatikhelani vyivyo wira kiwuliheni muru, nari! Nnvyo wira kolakeni nkhama an`aka awapheta.
15
Xariya, ntankhama mwarina atthu miloko miloko vyene aniwethiherani ephiro ya Kristu, nvyo tith`inhu ori mmovya pahi. Tithi uwo ti miyo, okhala wira kinovahani ekumi mwa Yesu Kristu, kolaleryakani Ehapari Yorera.
16
Nna kinolipiherani wira nthare mwethelo waka.
17
Mwahawa ithu ivya, kihovelelihani Timotheyo, ori mwan`aka kininphetaka ni ororomeleya mw`Apwiya. Owo onowupusyerani ikano kinethelaka mwa Kristu, vyeivyo kinahuvyihaka aKristu othene mmuthukumanoni wothene.
18
Akina a nyuwo atepa wikusyerera, yupuwelaka wira miyo nkara-tho wa nyuwo.
19
Masi, Muluku akijaliwa, kinora nanano. Vyiyvo kinawona mekhaka etthu anirawa anawivyona wao, ohikhanle owiwa pahi.
20
Xariya, omwene wa Muluku khonkhaliwa ni molumo, masi n`uwerya.
21
Munthanla-ni? Munthuna kire nuwali, ou kire n`upheta ni nrima wovilela?