¹ Kin'himia ekhweli wa Kristo, akinotha, ni akhiliaka en'nivaha oxahiti wamiyano wan'Nepa Wowaria, ² wira kihana oripiya roho ni woova win'tjene varohoni waka. ³ Wira kanaphela miyano wira kimwalanihiye Kristo mwaha waxulupalyaka, ari amuziaka otharihela enama; ⁴ ari maisralita, yale ari anamwane ovaliya, waria, watana, ekano, min'lathi, ni anatiri; ⁵ tizawaya ale avirale, ni zawaya, mon'koni yanama, ti Kristo, axinthale otene, N'Luku ovuwihiya wakhula mahiku, Ameni! ⁶ Kahiyena wira molumo an'Kuku tavonyeyale; okhala wira kahiyena otene akhalale awisrael tari ekweli masraelita. ⁷ Kahiyena okhala wira n'loko na Aprahamo tari ana otene, Masii: Wa izaki tan'rowa wazimiya n'loko nao". ⁸ Ela tiyo, kahiyena anamwane a erutthu akhalale anamwane an'Luku; masii anamwane anatiri akhalale n'hissapuni mwana n'loko nen'no. ⁹ Vano ala tari molumo anatiri: Wathamelaka okatthi yola kinawa, ni Sara onakhalana mwana. ¹⁰ Ni kahiyena eyo pahi, masii tho Repeka, okathi akhalalyawe ni hamila mwaha wan'moza pahi, Israel, n'khulupalihu ¹¹ (yowo, okhala wira yari ehinayariye, yari ehinavare etthu yorera walani yonanara, wira otthuna wan'luku, mana zathan'liyaya, ehokolele; wohikhala miteko, masii mwaha wale wole onazima), ¹² ahihimeriya yena: Owuluvala on'rowa okhala oomwan'khani; ¹³ mwana zilepiyaya: "Kahin'phenta Yakop, masii kahinthanya Esau" ¹⁴ Nin'rowa ohimya exeni, vano? Ehavo otakhalam roho m'phanthe wan'Luku? hata vakhani! ¹⁵ Okhala wira yena onin'himerya Mosi: "Kinamonela otthun'ku yole kin'rowaka omonela othun'ku, kinan'morela kharari yole miyayano kin'rowaka on'morela kharari". ¹⁶ Vano, kahiyena wole on'phela, walani ole orina ekuru, masii, wa'Luku, on'moreka kharari. ¹⁷ Vano yolepiya en'himya wa Farao: "wayeyo miyano kihumenyiha: wira kuwehihe we ekuruzaka, ni wira n'zinanaka nikhale nolalen'ya elapo yotene". ¹⁸ Vano, yena on'nimoriya kharari yole on'phela, ni on'nin'khothela otthunawe. ¹⁹ We, vano, onakirela: "Exeni yena wun'lazeyaka? walani tipani on'khotha otthunawawe? ²⁰ Masii vahinathi, we wapani, n'weheni, pinatamo, wira on'kohe N'luku? Walani etthu yawum'piya enamwirela yole un'pale: Exeni okipaka zaa? ²¹ Walani kharina noloko owerya olooko, wira mathakha mamoza yawo apake n'rinki wothithima, ni n'kina wonyoholiya? ²² Ni yakhala wira N'Luku, aphelaka othonyihera oruthuawe, ni ovaha ozuwela wa oweryawawe, ovilelale mizin'ki zorutthu, zipan'kiye wira zirimele, ²³ wira apake ozuweliha othatjiri wa waryia wawe wa mirin'ki za othun'kwawe, zipakalyawe khalairu wira avuwe ni warya, ²⁴ nikhalale hiyano, wa yale yena owazimalyawe, wohikhala pahi Mayuta, masii thoo wanýale amalapo? ²⁵ Mwana tho zihimiyaya mwa Oseia: "Yale an'vonya-kahi-n'xovwaka, kin'rowazima n'xovwaka; ni yale yahari, yaha-phentia, kinawazima ophentiya". ²⁶ Ni en'rowa wiraneya, wa nipuro yen'ne nihimeriyaya: "Nyuwano kahiyena n'xovwaka, voo mwin'rowa wazimiya axana an'Luku n'kumi". ²⁷ Niyena Yesaia on'nikhuwela mwaha wa Israel: "Hata wira ehissapu naxana o Israel anakhala mwana mithaka zan'pareya, yale an'rowa ohala anawopowa; ²⁸ Ni okhala wira Apwiya anamalihera ni anavara ni anapan'ka wowakuveya ophuka vathayani". ²⁹ Mwana Yesaia zahimalyawe: "Khukhala wira Apwiya anakhotho yahahiyale n'loko, hiyano narowa okhala mwana Sotoma, ni hata komora narowa olikana". ³⁰ Vano, nin~rowa ohimya exeni: Wira amalapo, khiyathara ehakhi, masii ehakhi yele eri wa wamini; ³¹ Vano, Israel, athara ekanom ya xariya, khaphwanyale ekano ³² Exeni? Exeni yaharowelaya ni wamini, masii ayoni, wopora xeni ni miteko. Yahikwatthuliya ³³ vamalukuni okwatthula, mwana zilepiyaya: "Kinapweha Osiao n'luku nokwatthula, ni mwala wolava; ni yole on'tthuna khan'rowa wuliya muru".