¹ Axulupalyaka, otthuna wa rohoaka, ni mavekelo kin'pakaka wan'Luku wayenaze, kinira wira yoopowe. ² vano kin'navaha oxahiti wira ayena akhalana olipelela wan'Luku, masii wohikhala otthuna. ³ Vano omota an'vanyihaya exariya yan'Luku, ni an'niphela ohela exariyaya, awo khakupalale exariya yan'Luku. ⁴ Okhala wira wumalihani wakano ti Kristo, wa xariya wayole otene on'tthuna. ⁵ Vano Mosi khuhimyaka exariya eri n'kanoni: "N'tthu on'rowa wira etthu zen'ya onarowa okhala mwazen'ya". ⁶ Masii exariya en'wa mwa wamini en'himya zoo: "Wihireni warohoni wao: 'tipani ontthuna owela wirimo? (Eyo ti zoo, on'wana Kristo vathi), ⁷ walani: 'Tipani on'rowa okhuruwela wipiphini?"' ( eyo ti zoo, on'wana Kristo mwalipa okhwa). ⁸ Vano, en'himya exeni? "Molumo ari vakhiviro ni weyano, mwanowao, ni varohoni wao". Ala molumo awamini, an'laleyehu. ⁹ Okhala wira, ni eyanoao khuhimya wira Yesu ti Mwene, ni varohoni vao khukupali wira N'Luku ohin'hihimuxa mwalipa okhwa, onawopowa. ¹⁰ okhala wira eroho tin'khupali exariya, ni eyano tin'himya molumo. ¹¹ Okhala wira zolepiya zin'nihimya: Otene yole onin'mphela Yena khanulihihiya muru. ¹² Okhala wira khuvo ovirikana walani mayuta hata makreko, okhala wira pwiya atthu otene, tatjiri wale otene anin'lompa. ¹³ Vano: "Otene yole on'lompa n'zina napwiya onawopowa". ¹⁴ Masii an'rowa on'lompa zai yole ahitthunalyaya? Walani an'rowa otthuna zai yole ahimwiwalyaya? Ni anrowa win'wa zai ahikhalale n'tthu onahimerya? ¹⁵ Ni anrowa olaleya namuna xeni ahikhalale n'tthu orumiye? Mwana zilepiyaya: "Namuna zin'reraya metho zawaya ale an'laleya molumo mazia"! ¹⁶ "Masii kahiyena otene yahikhupalale molumo a Yeso, zihimalyawe Yesaia: "Pwiya, tipani okhupalale olaleya wihu? ¹⁷ Vano, okhupali on'wa ni win'wa, ni win'wa wa mazu a Kristo. ¹⁸ Masii kin'nikoha: Khinakhala wira khiyin'wale? Ayoni, ekhweli. Vano: "Molumwawe akhuma elapo yotene, ni molumoawe pakha wumalelani welapo". ¹⁹ Masii kin'nikoha: Khinakhala wira Israel Khin'wale? Vopatjera Mosi ahihimya: Miyano kinawupatjani ehatje wanýale ahikhalale an'loko; mwana n'loko nohin'welela kinawupatjani essara (Ira) ²⁰ Ni Yesaia ahiwerya wira: "Kophwanyiya nale yahakiphela; Kin'nupuweliya nale yahakikoha". Masii mwaha wa Israel en'himya: ²¹ "Nihiku n'tero kihatala matataka wan'loko nolipa n'rima ni nawopiha".