¹ Vano kinakoha: "khinakhala wira N'Luku ohakhotha atthuawe? Hata vakhani! Tivo hata nimiyano ka Israelita, n'loko na Aprahamo, nihimo na Penjamim. ² N'Luku khakhothale atthuawe, yawo okhuma khalai azuwelalyawe. Walani khin'zuwelale zolepiya zihimyalyaya mwaha wa Elia? Mota xeni yena an'himeryawe N'Luku, ahimyaka maesraelita: ³ "Pwiya, ahin'viya anamiririmwin'nyu, ni akwanyulaza mikutho zinyu; kihalale mekhaka, ni an'nikithola wira ekumihe okumyaka". ⁴ Masii yahimyale xeni wakhuliya yawirimo? "Kihaxunka wamiyano alopwana ophiyera ekonto thanu na pili yawo ahikhunale makuthaya wa Pahaal. ⁵ Vano, nen'nanova ahala owinxathiya, othan'liya wa mahala. ⁶ Ni, yakhala wa mahala, tivoo kahiyena wa miteko; wopora n'kina, mahala khan'khala mahala.. ⁷ Vano, exeni? Israel om'phelaza exeni, eyo khaphwanyale; vano yawo othan'liya yahiphwanya, ni akina yahilipihiya roho zaya, ⁸ mwana zilepiyaya: "N'Luku ohavaha roho yohikhalana othun'ku; mentho ahinona, ni maaru ahinin'wa; m'pakha mahiku yala anen'nano". ⁹ Ni Tavi ohira: "Van'tjaya vakhale n'rakhoaya ni ekhokweaya; ekwathulo ni oliviya waya. ¹⁰ Menthoaya yaripe, wira ehone, ni ethulizaya zikhale zokhurupuva wakhula okathi". ¹¹ Vano, kinakoha: khinakhala wira yakwathuliye wira emore? kahiyena! Masii wa omora waya tiwihale wopowa wa amalapo, wira yapatje ehatje. ¹² Vano yakhala wira omora waya othatjiri wa elapo, ni yakhala wira ohawa waya turi othatjiri wamalapo, n'kawehani ekhulupalyaya! ¹³ Masii kinuhimeryani nyuwano, amalapo; mwana ziriaka apostolo amalapo, kin'nithithimiha n'tekwaka, ¹⁴ wira ary, wan'loko naka kakhalihe ehatje n'xovoaka, ni kiwopole akina wanýawo. ¹⁵ Vano, yakhala wira okhothawaya turi watana wa elapo, on'rowa okhala exeni otthuniyawaya, wahikhale okumi variyari vatthu okhwa? ¹⁶ Ni zakhala zopatjera tiziri zowarya, ni n'vithe okhala wowintjathiya; ni yakhala wira n'tithari tiworera, erin'tha zizan'mo zin'khala zorera. ¹⁷ Vano, yakhala wira erin'tha zikina ziri zawunteya ni zomwariya, ni we onakhalale n'thuva wantakhwani, ori otakanihiya vanipuroni waya, ni on'khala otakanela wantitharini, ni khinalihiya nin'thuva worera, ¹⁸ walani ohikhutupuleni okhala orera ovikana erintha. Hata wikhutupulaka, kuhiyena weyano ontjiha n'tithari, masii ayoni, n'tithari tunutjiha we. ¹⁹ Weyano, vano, onawira: "Erintha zihuntakaziya wira miyano kiphariheliye". ²⁰ Kokhupali mwaha wovanyiha ayena ahuntakaziya, ni we, mwaha wan'roromelo ori ohenyenya. Ohikhutupuleni, ayoni woove, ²¹ okhala wira, N'luku khamonelale othun'ku erintha zakhalai, yena khaniwonela othun'ku ni weyano. ²² N'kaweha, vano, orera ni othun'ku wan'Luku; ohoxiya wanýale yamorale, vano mwaha wa orera n'rima wan'Luku wa weyano, wahikhumeru murerani mwen'mo; namu na makina, niweyano onathikheliya ota. ²³ Ni tho ayena, yahihokolelero olipa n'rima, anakhala opithanyihiya , okhala wira N'Luku toweryia wira ahokolele opithanyihia. ²⁴ Vano yakhala wira we wari othikiliya van'raleni wantakhwani, ni wohiphela nin'khalai opithanyihiya vanraleni worera, ankhi ayena, alamalelale, an'rowa opithanyihiya wamwirini waya mahussussi! ²⁵ Akin'phela, axulupalyaka, wira mwizuweleni etthu yela, wira mwikhaleni ozuwela wanyuwano pahi: Olipa roho owale m'phanthe wa Israel, m'pakha wun'nuwexa wamalapo okele; ^{26 27} ni zizan'mo, Israel yotene enawoopowa, mwana zilepiyaya: "Namopola on'rowa okhwma Osiao, ni onakumiha zohithithimiha ya Iacob. Ni Zotene n'ya zin'rowa okhala owatana'ka , Miyano kakumiharu etam'pi zaaya". ²⁸ Zizan'mo, namuna ya hapari, ayena awanani, wira nyuwano m'phwanyere etthu; masii otan'liya wa wirimo, tophentiya, mwaha wale avirale. ²⁹ Okhala wira zovara ni wazimiya m'phanthe wan'Luku khin'khala zemexiyaka. ³⁰ Okhala wira, zoo mwana nyuwano khalai mwari atthu ohimwin'welela N'Luku, vano n'hakhelela othun'ku mwaha wohin'welela waya, ³¹ zizan'mo tho vano ayena yari ohin'welela, wirari, mwaha wothun'ku moneliyin'nyu nyuwano, nayena an'nakhela othun'ku yowo; ³² okhala wira N'Luku ohahiya vathi wohin'welela, wira okhale otthun'ku wale otene. ³³ Nyu n'ri othiawene wa mihakhu, hata wa ozuwela, walani wixutha wan'Luku! Zihin'zuweleya zai zophuka zawe, ni itthu zihin'zuwaneya ephirozawe! ³⁴ Walani tipani ozuwelale akhili Apwiya? Walani tipani on'vahale akhili? ³⁵ Walani tipani an'zale on'vaha, wira yena akhale othuviya? ³⁶ Okhala wira yawawe, wa yena, ni zayena, etthu zotene! Wa yena ekhale ovuwa mahiku otene! Amem!