¹ Kinawuvekelani, vano, axulupalyaka, wa othun'ku wan'Luku, wira mwithonyere erutthu zinyu zowarya zikumi, yothowa n'lepa ni yon'ziveliha N'Luku, ekhalale olom'pawinyu wakhili. ² Ni mwihikhaliheni mwana atthu anin'nano; ohiya zoo, mwirukunuxe wa ozya wa wupuwela winyu, wira n'lawihe tiivi yorera, yophwanela, ni yorera yotthuna Yan'Luku. ³ Vano, wa mahala kivahiyaka, kin'nuhimeryani wakhula n'moza wanyu ahikhupali avikana n'tthu zin'khupaliyawe; yohikhala zoo, wakhula n'tthu ephente n'men'zaweru ni makhalelo orera, n'toko n'phimo wa n'roromelo nawe nin'Luku zikawalyawe akhula n'moza. ⁴ Vano zizan'mo erutthu emoza yokhalana mithinto zintjene, ni wohikhala wira zotene en'vara etthu emoza, ⁵ zizan'mo hiyano, hata ninakhalalene intjene, na erutthu emoza mwapwiya Yeso Kristo; vanoo, wakhula n'tthu meekhawe, nan'phanthe wan'moza nin'khwawe. ⁶ Nihana, zizan'mo, miteko zovirikana, n'toko zamahala avahiyehu: Yakhala zoloha, ekhale mwana zivahiyao wamini; ⁷ yakhala ovara n'teko, ekhale ovara, wakhala ossomiha; walani okhothiha, ekhale okhothiha, ⁸ ole on'zuwela omela, amele nin'rima wotene; ole on'holela, aholele nihakhi, ole orina othun'ku, avare ni otheliya n'rima. ⁹ Ophenta okhale wohikhalana wotha, nyokhani yonanara, ni n'varelele yorera. ¹⁰ N'phentane nutheliya roho ni ophenta wan'tthu nimulupalyawe, ophelaka othithimihana n'moza nin'khwawe. ¹¹ Muikhaleni opiziha n'teko mwavaraka. Khalani oviheriya n'munepani. N'vareleni n'teko Pwiya. ¹² Theliyani n'rima n'lipelelaka. Khalani nuvilela n'muxankihoni. Lipiherani nuulompa. ¹³ Khaliheranani nale ohitheka mwitthu zinaxan'kiha. Phelani okhala atthu aniwakhela aletho. ¹⁴ Mwarerihe ale anuwomolani; Mwarerihe n'hanyemuleni. ¹⁵ Theliyani n'rima nale an'theliya, Mun'le nale anun'la. ¹⁶ N'thithimihane n'kina nin'khwawe mwana khiwumpe. mwikhaleni mupuwelaka itthu zotakhala; ohiya eyo, N'tharihelane nale awiyeviha. Muwikhaleni ozuwelexa mekhinyu. ¹⁷ Mwikhaleni mwin'livaka yonanara wa zonanara; Phelani wira etthu yorera watthu otene. ¹⁸ Wanýele mwin'weryenyu m'phanthinyu, m'khalane n'rethele watthu otene. ¹⁹ Muihikuxeni oruthu mekhinyu, anophentaka, wohiya zoo, hiyani opuro wa ophuka wa Pwiya, okhala wira yolepiyaÇ ^Wa miyano ohavo oruthu, miyano kinawaliva, ohimya Pwiya^. ²⁰ Masii n'wananiao khuvoliya etala, on'vahe yotja; khun'vola n'tthona, n'mele mazi awurye, vano wavara eyo, onthukumanya makhala amoro vazulu vamuruawe. ²¹ Wixinthiyeni ni yonanara, masii oxinthe yonanara nitthu zorera.