¹ Pinatamo otene akhale owin'welela yale aholela, okhala wira khuvo on'holela ahikhalale wira orumiye nin'Luku. ² Mwaha wan'yeyo, yole ohin'tharihela ofalume on'nikhotha okhulupale wan'Luku; Nin'yale ahinimwiwelela an'niwanela ophukiya. ³ Okhala wira yale arina ofalume khan'wana wopopiha wetthu zorera, ayoni, wetthu zonanara. Wwyano on'phela ohathithimiha afalume? Wire yorera, wayeyo onawakhelela othithimihiya, ⁴ okhala wira yena tinin'varela n'teko N'Luku wamakhalelao orera. Vano wera etthu yonanara, woove; okala wira wena khan'kumiha etukuthi mahalene, okhala wira yena nan'teko an'Luku, erina oruthu wira en'hoxe yole onira yonanara. ⁵ Vano en'rerela okhala owin'welela wohikhala pahi mwaha wahukhumu, masii wata mwaha wa akhili. ⁶ Tivoo ninyuwano mwin'livinyu n'sooko, okhala wira mwin'nivara n'teko wan'Luku, n'varaka n'teko. ⁷ Mwin'vahe khulan'moza etthu mwin'lokihiyen'nyu; Ole ori n'sookho, n'sookho; ole ori hissapu hissapu, ele eri para woova woova, ole ori para on'thithimiha on'thithimiha. ⁸ Mwilokihiyeni etthu, wohikhala ophenta watthu nin'khwawe, okhala wira yole on'phenta n'khwawe on'nitharihela ekano. ⁹ Okhala wira ekethelon'ya: Mwiraruweni, mwihin'veni, mwihinýeni, mwikhaleni n'rima nitthu yanene, ni zootene ekano zirivoo, wa molumo yala an'himy: "On'phente n'khwao zizan'mo oniphentao weyano". ¹⁰ Ophenta khwn'vara etthu yonanara para n'khwao. Zizan'mo, otharihela ekano n'phento. ¹¹ Ohiya voo, mwin'nizuwela okathi, wira wophiya wira nivenye n'khoveni, wira wopowa vano wonathamela ovikana vale akhelalihu wamini. ¹² Ohiyu onira oviraka, ni othana wophiya. Nihiye vano miteko za wiphiphini, ni nithithele ikapwithi za mwen'ke. ¹³ N'roweni nethe namuna worera, mwana othana; wohikhala essetje ya nikhuru ni ohapaliya; wohikhala wathan'pi zoraruwa walani othowa mana; walani onyakulihana, walani n'rima. ¹⁴ Wohikhala zoo, mwithithele Apwiya Yeso Kristo, ni mwikhaleni mupuwelaka ovara etthu yan'namani.