¹ Mwakheleni yole ori othetheya mwawaminini, kahiyena okhaliha mwamolumo olipa. ² Akina an'nikhupali otja zootene, ni akina, ari othetheya, atja mathapa pahi. ³ Ole ontja ahinthanye ole ohintja, walani ole ohintja ahin'phukeni ole ontja, okhala wira N'Luku oomwakhelela. ⁴ Weyano wapani onin'phuka nan'teko ohikhala awao? Ti Mwanene Pwiya owo on'khalawe olipa walani on'khalawe oomora. Ni owo anakhala olipa, okhala wira Apwiya tolipa wira akhale awemela. ⁵ Akina anavirikanyiha wakhula nihiku ni nikhwaya; vano akina anona wira mahiku otene analikana. Wakhula n'moza akhalane ehakhi n'muruni wawe. ⁶ On'virikaniha mahiku, waPwiya on'nira. Ole on'tja, ontja waPwiya, okhala wira on'nixukhurela wan'Luku; ni ole ohintja, on'nihiya otja wapwiya, ni on'nin'vaha mahala N'Luku. ⁷ Okhala wira khavo n'moza wahiyano onikhala; walani khavo on'khwa wa yena. ⁸ Okhala wira, nakhalaka, wa Pwiya nin'nikhala; ni nakhwaka, wanaPwiya nin'nikhwa. Vano, hata nikhalaka, walani nikhwaka, ti NaaPwiya. ⁹ Mwaha wanýeyo Keisto takhwalyawe, ni khuhokolelaka okhala, wira akhale Pwiya wale okhwa hata wale anona. ¹⁰ We, vano, onin'phukelani mulupalyao? Walani we, onin'nyokhelani mulupalyao? Okhala wira hiyano otene niraniya ophukiya oholo wa tripunali Yan'Luku. ¹¹ Okhala wira yolepiya: "Zizan'mo miyano kin'khalaka, ohimya Pwiya, wirari makutha otena anakhuniya varyaka, ni n'lumi notene ninalavula Wan'Luku"; ¹² vowira wa khula n'moza wahiyo onawihimyakaza wan'Luku. ¹³ Vano, nihiphukanetho n'moza nin'khwawe; wohikhala zoo, kolapha wira n'kiniratho wan'nluku nin'thiya ephiro walani ninkwathula variyari vamulupalyao. ¹⁴ Miyano kozuwela, ni kihana exariya wa Pwiya Yeso, khivo yaharamo mekhayaru; wohikhala yole on'himya wira haramu: wayele weyano on'khalihao haramu. ¹⁵ Vano, yakhala wira mwaha wayele ontjao n'himao en'ninripiha m'rima, weyano voo khunetha ephiro yaniphento. Ohinnyanyeni mwaha wayotja yole Yeso on'khwelalyawe. ¹⁶ Yikhaleni eruwaniyaka yoreren'nyu, ¹⁷ okhala wira omwene Wan'Luku kahiyena yotja walani yowurya, masii ayoni exariya, N'rethele, ni otheliya roho wan'Nepa wowarya. ¹⁸ Vano wazen'yo yole onin'rumela Kristo on'nin'ziveliha N'Luku ni on'nikhupaliya napinatamo. ¹⁹ Nithare, vano, etthu zin'wanela n'rethele ni olipiherya wan'moza nin'khwawe. ²⁰ Wikwanyulazeni enteko Wan"Luku mwaha wa yotja. Ekhweli wira etthu zotene halali, vano yonanara tila wapinatamo otja avehaka. ²¹ Kahiyena yorera okhura enama, walani owurya vinyu, walani etthu yotene enin'kwathula n'himao wira amore. ²² Wanyihera we orinao, okhalane mekhao variyari Wan'Luku. Oreriya tule ohininyohola wan'yele on'lawihawe. ²³ Vano yole onanyihera, atjavale, okhalana okossa, okhala wira khiyari ni waamini; ni yotene yotene eri wohamini eyo tam'pi.