¹ Vano hiyano, niri olipa, nihana nivilelaka othetheya wale ahin'werya ni nihitheliheni n'rima yekhihu. ² Wakhwula n'moza wahiyano anthelihe n'rima athamananalyawe, okhala wira eyo tiyorera wira nin'lipihe n'makhuvani yena. ³ Okhala wira Kristo khezivelihale mekhaweru; masii, mwana zilepiyaya: "Maruwano yale oruwaniyao akimorelale miyano". ⁴ Okhala wira yele elepiye khalai elepiye wira oxuthihiyawihu, wira ekhale wira, mon'koni womaleleya ni olipihana roho mwa zolepiya, nikhalale n'roromelo. ⁵ Wa n'luku olipelela ni olipihana ovaheni owerya ni mupuwelo yawo, n'moza ni'khwawe, mon'koni wa Kristo Yesu, ⁶ wira n'thithimihe molumo mamozaru Mwanene N'luku ni Papa a mweniahu Mwenye Yesu Kristo. ⁷ Zizan'mo khaliheranani n'moza nin'khwawe, mwana Kristo niyena owakhelen'lyaweni, wa warya wan'Luku. ⁸ okhala wira kin'nihimya wira kristo ahikhalihiya n'holeli a ekhalawa wohitjon'theliya mwa xariya ya N'Luku, wira akhalihere natiri yavahiyaya ale avirale, ⁹ ni wira ale ohikhalana tini ethotjhopele N'luku mwa otthun'kuawe. Zizan'mo zilepiyaya: "Vano kinawilamula wa Nyu variyari wale ohikhalana tini, ni kinawipa matjipo othothopela wan'zinaninyu". ¹⁰ Ni vazia Onira: "hakalalani, atthu othowa tini, natthuawe". ¹¹ Ni vazia onira: "N'thothopeleni Pwiya, nyu otene, othowa tini; n'thothopeleni, maxovo otene". ¹² Ni Yesaia ohira: "Onawin'ma n'titari wa Yessé, ni enrowa ovenya Wira erumele wale othowa tini. Wayena, othowa tini anan'roromela". ¹³ Vano, N'luku ororomeleya oxariheni otheliya n'rima ni n'rethele wayele en'tthuninyu, wira evakareyeke ororomela winyu wa owerya wa n'nepa wowarye. ¹⁴ Ni miyanotho kiri okupali wira nyu, axulupaliaka, okhala wira mozalana orera roho ni ozuwela wotene. Kin'nikhupali wira n'hana owerya owupuxera n'moza nin'moza. ¹⁵ Vano kihulepelani van'tjene ozuwelexa wetthu zintjene wira kiwupuxereni vazia, mwaha wa n'teko kivahiyaka ni mwanene N'luku, ¹⁶ wira kikhale na'teko a Kristu Yesu orumiye wale ohamini, wira akivahe mana sacerdote a onaleya hapari yan'Nluku. Kihana kivaraka yeyo, vano, wira ele yovahiya yale ohamini ekhale yokhupaliya, (yowaria nin'nepa wowaria). ¹⁷ Kihana, Vano, wikhutupula mwa Yesu nitthu zekhweli zan'Luku. ¹⁸ Zizan'mo nkin'khala kilavulaka etthu, wohikhala etthu Yesu ovaralyawe mwamiyano wira yin'welele atthu ohamini, mwamolumo hata ni n'teko, ¹⁹ wakuru zowiraneya ni zokhumelela, mwa owerya wan'nepa wowarya; wira wi, Oyerusalem ni orukurerya n'pakha wiliriku, miyano kilavule omaliherya ehapari ya Kristu. ²⁰ Mwa zizan'mo, otthunawaka on'khala wa olaleya ehapari, wohikhala nipuro Kristo olalen'yalyawe, wira miyano kiteke wohikhala vazulu an'zalyawe ohin'zuweliya. ²¹ Zizan'mo zilepiyaya: "Wayale hilaleliyale Anamona, ni wayale ahiwelelale anakhupali". ²² Mwa zizan'mo, nimiyano kahikothihiya okathi mwinjene wira kihiweni n'rinyu nyuwano. ²³ Masii vano, n'kirinatho opuro wan'thethe yowo ni kinaphelale wa yakha zin'tjene wira kuxukuryeni, ²⁴ vano, kakhala wira kinarowa o Spanya, nin'nilipelela wuwehani kaviraka ni kiveleliye ninyuwo, kinskhalalene ni nyuwano okathi. ²⁵ masii vano, kin'rowa o Yerusalem wira kavarele enteko akina. ²⁶ Okhala wira a Macetonia ni o Akaia yahikhalana otthuna wira evare ozonkherara wira yavahe amassikhini yale yari namasanto o Yerusalem. ²⁷ Yahikupali zaa okhala wira, xaria, ayena anamalokihiya; vano yakhala wira ale ohikhalana tini yahiphwanya etthu zan'minepani nayena, yahana nayena yakawelaka etthu zan'mwilini. ²⁸ Vano yalhala wiramiyano kinamalihera enteko yowo, ni khukhalana xariya wira ayena ahakhela yovahiya yela, kinavirale wanyuwano, kinavikanela Ospanya. ²⁹ Miyano kin'nizuwela wira, kawaru wanyuwano, Kirakhala vazulu wazovahiya ni Kristo. ³⁰ Ni nyuwano, axulupalyaka, kinavekela, wa pwiya Yesu Kristo, ni ophenta wan'nepa, wanani vamoza nimiyano n'mavekeloni mwinyu wan'Luku wamiyano. ³¹ Vekelani wira kakiheriya wale ahiniwelela o Yuteiya, ni n'tekwaka o Yerusalem okhale wowakheleliya ni masantu, ³² wira kiwe wanyuwano ni otheliya n'rima, wotthuna wan'Luku, ni otakaniha ninyuwano, kiphwanye omumula. ³³ Ni n'rethele Wan'luku okhale ni nyu otene. Amem!