¹ Miyano kin'nuvelelihani n'rokorinyu Fepe, nan'teko a Kereja ori o Cennkreia, ² wira n'mwakhele mwapwiya, mopora orerela wtthu awarya, ni mwin'khalihere wakhula etthu yele onthunawe ophela wa nyuwano. okhala wira yena ahivahererya okhaliherya wan'tjene, otakaniha wamiyano. ³ N'khomazeni Priscila ni Akila, axirikhaka an'teko mwa Yesu Kristo, mwaha wa ekumiaka yahikuxa okumyaya mwawopiha. ⁴ Miyano kin'naxukhuru, ni kahiyena miyano pahi, masii ni ikerexa zotene zamalapo. ⁵ Khomazani ikerexa ziri n'mawan'nyaya. N'xeliheni n'pathaniaka Epeneto, n'hokorokho wopatjera Wo Asia wa Kristo. ⁶ N'khomazeni Mariya, ohirere ovara enteko nikuru zawe wa nyu. ⁷ N'khomazene Antroniko ni Junias, amuziaka ni apathaniaka a khatheya, ari yonazeyaka variyari vamapostolo, yale yari wa Kristo miyano kihinakhale. ⁸ N'khomazeni Ampliato, n'phentoaka wa Pwiya. ⁹ N'khomazeni Urpano, n'pathanihu anteko wa Kristo, ni m'pathaniaka Estakis. ¹⁰ N'khomazni Apeles, othan'liya wa Kristo. Mwakhomazeni yale ari amuzi a Aristopulo. ¹¹ N'khomazeni n'pathaniaka Herotiao. Mwakhomazeni yale ari amuzi a Narciso, ari Mwapwiya. ¹² N'khomazeni Trifena ni Trifosa, an'vara n'teko nikuruzaya mwa Pwiya. N'khomazeni n'pathanihu Persite, ohirere ovara nteko mwapwiya. ¹³ N'khomazeni Rufo, othan'liye na Pwiya, ni amamawe ni awaka. ¹⁴ N'khomazeni Asikrito, Flekone, Hermes, Patropas, Hermas ni axulupalihu ari niyena. ¹⁵ N'khomazeni Filoloko ni Juliya, Nereu ni n'rokorawe, Olimpas ni masanto otene ari nayena. ¹⁶ N'khomazane n'moza nin'khwawe ni pejo yowarya. ikereja zotene za Kristo zin'nukhomazani. ¹⁷ Vano, kin'nikhanyerera, axin'naka, wira niwupuwele yale an'wana okawaneya ni okwatthulana, an'vikana ossomihiya mwixuthalen'nyu. Mwahuluwe yawo. ¹⁸ okhala wira atthu mwana zoo khanin'varela n'teko mwene yesu Kristo, masii erukulu zaya. Ni molumoaya oziva ni wikuxerera, awo anawoka eroho yale ahin'zuwela. ¹⁹ Vano okhala wira win'welela winhyu wozuweliya natthu otene. Tivo Miyano kin'nitheliya n'rima, mwaha wanyuwano; kin'phela, ttho, wira n'khale ozuwela wazorera, ni ohizuwela wetthu zonanara. ²⁰ Nin'Luku an'rethele onan'xila an'kawanyaka vathi vamethozinyu. N'rethele wa Pwiya Yesu okhale ninyuwano. ²¹ Timoteo, n'xirikhaka an'teko, on'nukhomazani, hata ni amuziaka Lucio, Jasão ni Sosipatro. ²² Miyano, Tercio, olepale ewarakha eela, kin'nukhomazani mwapwiya. ²³ Kaio, akakhelelale oletthoaka ni ekereja yotene, en'nukhomazani. Erasto, namin'xathi n'zurukhu wapoma, ni otakaniha ni mulupalihi Kwarto, an'nukhomazani. ²⁴ Nrethele wapwiya Yesu Kristo okhale ninyu otene. Amem ²⁵ Vano, Yole on'werya wukhalihani nyuwano owemela, mwaha wa molumo awatana ni olaleya wa Yesu Kristo, mwaha wa woniheriya wa siri zin'ntjathiye wa siri okhuma khalai othuli, ²⁶ masi vano zinoniheriya, ni zin'zuwelihiya maloko othene mwa zolepiya zamaprofeta, otharihela ekano zamwanene N'Luku ohimala, wira yin'weleliye wamini. ²⁷ Wa yole n'mozaru namazuwela N'luku, mwaha wa Yesu Kristu, Okhale n'thithimiho okathi wotene. Amem.