¹ Vano, va, kuvo'to otthukiya yale ari mwa Yesu Kristu. ² Eleyi ya'nepa ye ekumi, mwa Kristu Yesu, yohutaphulani nleyini mwa'tampi ni mwa'nókwa. ³ Vano va yiheraneya wa'leyi, mana'ya wira yanwereya mwi'rutthuni, Nluku opaka: onvaherera Mwana'we olatthana ni'nama enttheka, ni mwaha wa'tampi yeyi, ⁴ otthuka etampi mukwani, wira ovariha wa'tampi evariya wa'hiyano, ni'nettha , wohikhala mwirutthuni, massi ayo, mun'nepani.

⁵ Ale anettha n'namani anupuwela etthu tza mwirutthuni, massi anettha mun'nepani, anupuwela tza mun'nepani. ⁶ Wupuwela wa enama okwa, massi wupuwela wa N'nepa Ekumi ni Nretthele. ⁷ Wupuwela wa enama kunpatthana ni Nluku, kintakanihiya ni eleyi ya Nluku, ni kirina eweryelo.

⁸ Yayo ari n'namani kanitziveliha Nluku. ⁹ Vano nyuwano kanrivo n'namani, massi ayo, mun'Nepani, wakala wira N'nepa wa Nluku onkhala ni Nyuwano. Vano, ohirina N'nepa wa Kristu, oyo kahiyena awawe. ¹⁰ Kristu akala ni nyuwano, erutthu'iyo enukwaru nlatthu wa'tampi, N'nepa we'kumi mwaha wo'wopowa. ¹¹ Wakala N'nepa'we yole ohihimuxale Yesu onkhala ni nyuwano, yole ohihimuxale múkwani Yesu Kristu ninyuwano onamuhihimuxani erutthutzinyu tzin'kwá we eriyari ya N'nepa, onkhala ni'nyuwano. ¹² Tivoo, axulupale, nin'nillokihiya, yohikhala n'namani, wira nikhale mokoni wenama; ¹³ Yakhala wira, muin'khala mwirutthuni, n'nakhwa; massi yakhala wira wa n'munepani mwivavale miteko za eruthu, n'nakhala.. ¹⁴ Vano otene yale anethihiya nin'nepa wam'luku tari ana an'Luku. ¹⁵ Okhala wira khimwakhelale n'nepa wa epotha, wira n'hokolele wova; masii n'hakhelala n'nepa wa ophwanyiya mwana ana, tivo nin'nikhuwela Apa Paapa ¹⁶ N'nepa yowo onimwira oxahiti nim'nepihu wira naxinamwane an'Luku. ¹⁷ Ni nakhala wira naxana, vavoo nokhala arithi; arithi an'Luku, ni aneene orithi mwa Kristo; nahawaka niyena, eri wirari nihiyano nikhale othothopeliya niyena. ¹⁸ Tivo ninanyihera wira ohawawihu wa elapo yela nen'nanova wala khinlikana ni waryia nin'rowihu woniheriya. ¹⁹ Vavoo zowumpiya zin'lipelela vorerela woniheriya waxana an'Luku; ²⁰ Okhala wira ekhiyum'pe yokhala mwana etthu ehirina faita ( wohikhala otthuna waya, masii ayoni mwaha wan'yale aphiteralyaya), ²¹ wa olipelela yiraka wira'ri ekiyum'pe yeyo ekhale yawopowa okhala epotha ni othowa mana wira yopowe mwa warya wa mwana an'Luku. ²² okhala wira nozuwela ekhiyum'pe yotene enathukumela ni oweren'ya mwana nahamila on'rowa wuyarani n'paka vaa. ²³ Wohikhala eyo pahi, masii tho hin'yo, nikhalanale zowima zopatjera yan'nepa, nin'nitthukumela mekhihu, nilipelelaka olom'pa, tiyo, okhupali wa erutthuihu. ²⁴ okhala wira nihopowa ni olipelela. Vano, olipelelawihu ononeya kahiyena olipelela; moneke, okhala wira ohavo n'nin'lelo on'lipelela etthu enopneya? ²⁵ Masii, nalipelelaka etthu ehinonehu, ni omaleleya nin'nilipelela. ²⁶ Ni zizan'mo n'nepa on'nikhalihera muthetheyani mwihu. Okhala wira khinin'zuwela olom'pa zin'rerelaya, masii mwanene n'nepa on'nivekela wahiyo ni wun'la vin'tjene. ²⁷ Ni yole on'wehaweha eroho on'nizuwela exeni om'phelaya n'nepa, okhala wira yena on'navekelela masanto, n'toko otthuna wan'Luku. ²⁸ Ni nin'nizuwela wira etthu zotene otakaniha zin'nikhalihera wira zorera wale anin'phenta N'Luku, yale yazimiye wotthuna wawe. ²⁹ Vano wan'yale okhuma khalai an'zuwelale, nawo ohaholihera wira ekhale mwana ethonhero ya Mwanawe, wira yena akhale opatjeriya waxihimawe otene. ³⁰ Ni yale wathan'lalyawe khalai, ninýawotho owazima ; ni owazimalyawe, yawo tho ohakhalela oxahiti; ni yawo akhalelalyawe oxahiti, yawo tho ohatheliya. ³¹ Vano nin'rowa ohimya exeni mwaha wetthu zen'yo? Yakhala wira N'Luku ori nihiyano , tipani on'rowa owana nihiyano? ³² Yole hata Mwanawe khamonelale othun'ku, mota xeni yena tho khan'rowa onivaha etthu zotene? ³³ Tipani on'rowa owotheria yale athan'liye nin'Luku? N'Luku nanakhalela oxahiti. ³⁴ Tipani onrowa wathukela? Kristo Yesu takwale; ohiya voo tin'yowo tahihimuwale; ni tho tari mono welopwana wan'Luku, ni tan'nilom'pela hiyo. ³⁵ tipani on'rowa onimwalaniha n'mphento na Yeso? Oxan'ka, otthun'ku, otharatharia, etala, othaleliya, zawopiha, walani ophan'ka? ³⁶ Mwana zilepiyaya: "Tivo mwaha waweyano niri ovahereriya mukhwani nihiku n'tero; nin'khalihiya mwana pwithipwithi enrowa ohitiya". ³⁷ Masii wa etthun'ya zotene nin'khala atthu oxin'tha, mwaha wan'yole oniphentale. ³⁸ Okhala wira kihana xariya wira hata okhwa, walani okumi, walani malaikha, walani omwene, walani yanen'nano, walani en'waa, walani ekuru, ³⁹ walani orakama, walani wiixa, walani ekhiyum'pe entthuna onimwalaniha n'phento wan'Luku, orii mwa Kristo Yeso, Pwiyehu.