¹ Vano kamun'tzuwela, axulupale, wira eketthelo enin'weha ntthu akhalaka? Kinahimya atthu antzuwela eketthelo. ² Vano, wa leyi, ntiyana otteliya onkhala vamotza ni mwan'nawe onari nkumi; massi akwa mwan'nawe, khatteliye. Yoyo, atteliya ni'nlopwana nkina amwan'nawe anari akumi okhala namararuwa. ³ Vano, amwan'nawe yakwa khutteliya nin'lopwana n'kina kha wanlatthu nleyini, khanireliyatho namararuwa atteliya nin'lopwana nkina. ⁴ Vano, axin'na , mokwatza nkettheloni tzo'lumwenku, mwirutthuni mwa Kristu, monkoni mowirela nphanttha, mwa'yole ohihimwale mwatthu okwa, wira nipwanyere yorera ya Nluku. ⁵ Narihu n'namani, etthu tza'tampi, tzinoniheriya ni'leyi, tzanivara miteko mwirutthuni wihu tzi'nirana mukwana. ⁶ wovirikana, nan'nanova nokuma nleyini. Nivale yele yanitthuka, yanikhotthiha ovarela nteko Eroho Yowarya, wohikhala yolepiya ya khalayi. ⁷ Ninrowa ohimya exeni, vano? Eleyi etampi? kihiyena! ekweli, miyano nkatzuwela etampi, yihari eleyi; nkatzuwela wamwelela, eleyi yihahimyale: Mwihamwelele. ⁸ Massi etampi, ephiteryaka ekano, kohamwelela ephanttha tzin'tjeni. Ehari eleyi etampi yarowa okwá. ⁹ Winatthi miyáno kakhala wo'hileyi; massi owalyaya ekano, etampi yovenyato, nimiyáno kihókwa; ¹⁰ Ni kohonenela wira ekano, yari ya'kumi yokihokoloxera ntampini. ¹¹ Etampi yeyo, epiteryaka ekano, yokittepya, kukíva. ¹² Vanová , eleyi yowarya, ni ekano yowarya, ye'kweli, ni yorera. ¹³ Vano yorera ekikuxale mukwani? Kahiyena! massi yari etampi, nari nthonyero ya'tampi, eki'vale eriyari yorera, wira, eriyari y'ekanó, etampi ekale yotthekiha. ¹⁴ Nin'nitzuwela wira eleyi ti'yannepa; miyáno kirutthu, yotumihiya we'epottha ya'tampi. ¹⁵ Hata nkitzuwela eniraka, emphelaka, nkinvara yeyo; massi ehikitzivela, tinvaraka. ¹⁶ Ni kavaraka ehikitzivela, tinonaka wira eleyi ti yorera. ¹⁷ Manan'na nan'nanova ehinvaraka'to iye, vano, etampi enkala ni'miyáno.

¹⁸ Kin'nitzuwela, tíyo, mwirutthuni waka kikhala yorera enakhala emotza; yotthuna eri nimiyáno; massi ovara yorera, kivo. ¹⁹ yeyo emphelaka yorera, nkinvara. ²⁰ Nva, ka'varaka ehintthunaka, kahiyena mi kinvara, massi ayo, etampi enkhala nimí. ²¹ Kin'nonela, vano, eleyi'la: kaphelaka ovara yorera, yonanara eri ni miyano. ²² Yeyo, wa n'hina waya, kihana otthapawa eleyi ya'Nluku; ²³ massi mwiruthuni waka kinona eleyi ekina, enwana ni'leyi yotzuwela waka, ni enakikhotthiha eleyi ya'tampi, eri mwiruthuni waka. ²⁴ Otakhaliya ntthu kiryaka! onrowa okitaphula tipani mwirutthuni mókwa? ²⁵ Mahala a Nluku wa Yesu Kristu, Pwiya'ehu. Tzo, yemi nutzuwela kinvarela eleyi ya Nluku, massi, ni'nama, eleyi ya'tampi.