¹ Ni Yeso ahahimerya : "Wekheli kinamuhimeryani, akina wanyu ari va khanrowa olawiha okhwa ehinathi wona omwene wa nLuku owaka ni owerya". ² Mahiku mathanu na nimotza vaviralyaya, Yeso ahin'kuxa Peturu, Tiago ne Yohani, ni khwarowana okwipi vatzulu va'mwako. Vano ahithatuwa variyari vaya. ³ Ekuwotzawe tzahithatuwa tzowarya, votepexa otthela, otthela vintjene wovikana tzokathiya nintthu otzuwelexa okatha nlaponi tzarowawe otheliha. ⁴ Vano Eliya ni Mosi yahikhumelela vavale ni kwiyavanela ni Yeso. ⁵ Peturu ahakhula amwirelaka Yeso: "Mwene, tivorera okhala vava; nitheke maxaxa mararu: Nimotza nawinyu, nimotza Mosi, nimotza Elia". ⁶ (Yena khatzuwela yohimya, okhala wira yahituthuwatza). ⁷ Neku nimotza nahakhunelatza. Vano nahiwiya ntzu nimotza nnekuni: "Ola mwanaka oninphentaka. Oyo m'mwiwe!". ⁸ Vowakuveya okathi vawehalyaya othuliwaya, khamonaletho ntthu nkina nayena, vohikhala Yeso ⁹ Ekhuruwaka omwako, Yena ahiwirela wira ehin'himerye ntthu yothene ewehalyaya, npakha Mwana an'Tthu ohihimuwa mukwani. ¹⁰ Vano ayo yahissunka mwaho'ole wayenatze pahi mekhaya, vano yanivanyihana exeni yahimyaya ''ohihimuwa mukhani". ¹¹ Ayo yahinkhoha: "Exeni anamassoma ohimyaka wira Elia tantthuna opatjera owa?" ¹² Yeso ahiwakhula: "Elia vekweli on'wa wopatjera wira alokihe itthu tzotene. Vano exeni olepiya wira Mwana an'Tthu ohana ahawaka wetthu tzintjene ni othanyiya? ¹³ Vano mi kinamuhimerya wira Elia ahiwa. Ni kwirihiya tzathunatzaya ayena, ntoko tzolepiya tzihimyalyaya wa yena''. ¹⁴ Vahokolowelalyaya nipuro naryaya arumei akina, yahiwona atthu intjene ananrukhureryale, ni anamassoa anyakulihanaka nayena. ¹⁵ Vano atthuale vamonalyaya, yahixanka, ni khunthimakela wira ankhomatze. ¹⁶ Yena ahakoha arumeiyawe: "Exene ya waneliya nayena?". ¹⁷ Ntthu motza wa yale ahakhula: "Funti, miyano kin'wanale mwanaka; Yena orina n'nepa oninkotthiha olavula. ¹⁸ Yoyo onankwetheliha, khum'morihelaka vathi kwiyakhuma mapheru m'mwano, khunaluma mennoawe, ni khum'maka. Mi kihavekela arumiynyu wira yomole, vano ayo khaweryale". ¹⁹ Yena ahiwakhula: "Nloko nohikupali, npakha lini Miyano kin'rowaka okhala ninyu? Kinrowa wuweryani npaka mwani? Nkakiwaneleni va". ²⁰ Ayo yahin'wanela mwanole. Vano n'nepole vamonalyaya Yeso, Nan'nanoro wahinkwetheliha. nanthompe-ole ahimorela vathi kwiyupuruwa kiyakhuma maphero mwano. ²¹ Yeso ahinkoha papawe: "Eyakha kavi yena onari tzo?"Papawe Khuhimya: "okhuma wenamwanyawe. ²² Okathi mwintjene onimorihela vamoroni hata m'matzini, ni on'niphela on'honona. Yakhala wira nyu n'namwira etthu, koneleni othunku ni n'nikhalihere". ²³ Yeso ahinhimerya: '"Nyu mwaphela!' Etthu tzotene tzinniraneya wale ankupali". ²⁴ Ninanoru papawe mwana ahivekela iraka: "Miyano kinnikupali! Kikhalihereni ni ohikupaliwaka!". ²⁵ Vano Yeso vawonalyawe atthu atthimakelaka wen'we waryawe, ahimaliha n'nepa wonanara, irelaka: "N'nepa wohiwa ni wohilavula, Mi kinamuruma: okhume wayena, ni wihokolele tho wayena ". ²⁶ Ni ahikhuwela ni ahikwethela vantjene vano khukhumaka wayena. Yena akhala ntoko anukhwa, hata atthu intjene yanira: "Ole ohokhwa". ²⁷ Vano Yeso ahinvara ntatanawe khunvenyiha, ni mwamwane ole ahemela. ²⁸ Vakelalyawe Yeso m'pani, Arumeyawe yahinkoha wikhipini: Exeni hiyano vahaweryalehu womola?". ²⁹ Yena ahahimerya: "Etthu ntoko tza khinomoliya wohikhala wa mavekelo". ³⁰ Vakhumalyaya wu, yahivira tzo'Kalileiya, ni Yeso khaphela otzuweliya nipuro naritzaya, ³¹ Okhala wira Yena assomiha arumeyawe khiyahimerya: "Mwana antthu onrowa ovahereriya m'matatane mwatthu, nayo anarowa omwiva. ³² Vavo ayena khiyatzuwela etthu tzahimiawe ni yanovatza onkoha. ³³ Yahirowa Okafarnahun. Vano varyawe owani ahakoha arumeiyawe: "Mwanyakulihana mwaha wexeni mphironi?". ³⁴ Vano ayo yahimalatza, okhala wira yavanyihana mwaha wo winnuwa variyari waya. ³⁵ Yena ahonkoma, ahiwatzima ale nloko nenli ni khwahimerya: "Yakhala wira ohavo onphela opatjera, onrowa okhala okhitzera ni epotha yatthu otene ³⁶ Yena ahinkuxa mwanamwane mwankhani, khun'hela variyari waya, vano ankuxaka m'matatani wawe, kwahimerya: ³⁷ "Yole otene onthuna omwakhela mwanamwane ntoko ola Mwantzinanaka, ola onnkakhela Mi; Ni ntthu onkakhela, ola khankakhelela Miyano, ola om'mwakhela ole okirumale". ³⁸ Yohani ahin'himerya: "Funti, hi nomona ntthu omolaka matjini mwantzinaninyu ni hiyano khunkothiha, okhala wira yena khannithara". ³⁹ Vano Yeso ahira: "N'hinkhotthihe. okhalawira khavo onrowa wira tzotikiniha wantzinanaka vano khiyavara n'nyoho wa makhalelwaka. ⁴⁰ Ohin'nithanya him, yena ori nihim. ⁴¹ wakhula nthu onrowa wuvahani matzi nkathani wira nwurye mwaha wokhala nkristau, ekhweli khanrowa ophweteiya nitthuvo awe. ⁴² Yole onrowa wakwathuliha waaxinamwane ala ankhiphela Mi, yarerela wira ole awarihiye nluku nulupale nanxilo nxikoni wawe ni athikheliye mpahari. ⁴³ Yakhala wira ntatanawo ninnukwathuliha, othikilele ota. Yorera weyano okela wirimo ni mono m'motza wokumihiya vahikhanle okhalana miyono tzomili omothoni, wala omoroni ohintthipha. ⁴⁴ Nipuro miyunku tzihinkhwaya ni moro ohintthiphaya ⁴⁵ Wakhala wira mwethao onamukwathuliha, othikilele ota. Vorera okela wirimo otuthunyaka, vahikhanle okhalana tzotene omoroni. ⁴⁶ Nipuro miyunku tzihinkwaya ni moro ohintthiphaya. ⁴⁷ Vano nitho naa nukwathuliha-vale, ophele. Yorera we okela wirimo ni nitho nimotza wohikhalana mentho menli, ni khutthikheliya omotthoni, ⁴⁸ Nipuro miyunku tzihinkhwaya, ni moro ohintthiphaya. ⁴⁹ Okhala wira khula ntthu onrowa olukiya nimoro. ⁵⁰ Makha torera, vano makha yamala otzivawaya, mwinrowa oluka tho tzai. Nyuwano n'hana nkhalanaka maka, ni nkhalane nrethele m'motza ninkwinyu".