¹ Mahiku yale, yahithukumana-tho atthu intjene, nayo khiyarina etthu otja. Yeso ahiwatzima awixuthi awe kwahimerya: ² "Kinniwonela othunku atthu ala, okhala wira ari nimi mahiku mararua-ala ni khivo etthu yotja. ³ Vano kawirela ratzakani owani wohitja etthu, anakwuatza nphironi . Intjene ankhuma othiawene." ⁴ Awixuthi awe yahakula: "Nipuro xene nithunehu ophanya mikathe zintjene tzinrowa waphiyera atthula va nimu muthakoni" ? ⁵ Yeso Ahikoha: "nrinatza mikathe mikavi?. Yena yahiratza: "Mithanu namili". ⁶ Yena ahiwirela atthu wira yonkomathi vathi. Yena ahikuxa mikatheye mithanu namili, ahivaha mahala ni khumeyaniha; Kwavaha awixuthi awe wira akawe, ni ayo yahakawela atthu otene. ⁷ Ayenatze yahana ehopa tzikani, vamalalyaya oxukhuru, Yena ahiwirela arumeiyawe wira akawe. ⁸ Yayo yahilya ni yahitthelia nrima. Vano arumei yahithukumaniha etathela iye tzahalale ethanka tzulupale thanu napili. ⁹ Yahavo atthu ophiyeraka ekonto tjexe vavale. Yeso kwaleha . ¹⁰ Vowakuveya Yena ahikela nkalawani nawixuthi awe ni yahirowa nthethe wo Talmanuta. ¹¹ Vano mafaritzi yahiwatza ni khupatjera wakhulana niYena. Yahinvekela ntonyero wa'wirimo, wira amone. ¹² Ahihimeryaka vintjene mwinepani wawe ahira: "Exeni nlokon'na ophelaka nthonyero? We kweli kinamuhimeryani hata nthonyero khininvahiya tho nlokon'na". ¹³ Ni, Onahiyalene, ahikela nkalawani ni khukhuma vale arowaka npanthe nkina. ¹⁴ Vahonaneya wira arumei yahiliyala okhuxa mikathe. Yarinatza nkathe nmotza pahi nkalawani. ¹⁵ Yeso ahiwupuxera: "Mikasope ni mwitziyathi wa furmento ya mafaritzi ni furmento ya Heroti". ¹⁶ Awixuthi awe yanivaha xaria yaworu: "Okhala wina kinirina nkathe". ¹⁷ Yeso ahitzuela eyo, khuwirela: "Exeni oxankaka mwaha wohikhalana nkathe? Khimwintzuwela n'nanlelo? Khamwinkupali? Erohotzinyu tzolipa? ¹⁸ N'hanatza metho ni khan'nona? N'hanatza maru ni khan'niwa? Khan'nupuwela? ¹⁹ Okathi wamyalyaka mikathe mithanu watthu ekonto thanu, walani ethanka tzikavi tzamikathe tzatthotthelen'nyu?". Yahimwakhula: "Nloko napili". ²⁰ "Ni vakawalyaka mikhathe mithanu namili watthu ekonto tjexe, Walani etthanka tzikavi tzathothelalenyu?''. Ayena yahira: "Thanu napili". ²¹ Vano ahakohatza: ''Nanlelo khan'nakupali?". ²² Ayena yahiphiya o Petsaita. Atthu yahinkuxa n'tthu m'motza ahona npakha wa Yeso anvekelaka wira ankuanye: ²³ Yeso ahinvara ni matata ni khunrowana ota wanthethe. Yena vanxuwelalyawe nmethonoi mwawe ahin'helela matata m'methoni mwawe, khunkoha: "on'nona etthu?". ²⁴ Vavenyihalyawe mentho, yena ahira:"Kinaweha atthu anlathana ni miri tzinettha". ²⁵ Vano yena ahinkwanya-tho mentho; Vano wonawawe n'lopwano-le wahimalela ni anona sanene. ²⁶ Yeso ahimwirela oroweke owani ni kwira: "Ohikeleni opoma" ²⁷ Yeso ahirowa narumeiyawe wa mithethe tzo Cezareiya wo Filipe. Niphiro Yena ahakoha arumei. "Atthu anira mi kapani?" ²⁸ Ayena yahakhula: "Yohani, m'patitzi. Akina anira: 'Elia'; Akina, namririmo n'kina"'. ²⁹ Yena ahakhoha: "Vano nyu n'nira mi kipan?" Wakhula,wa Peturu ahira: "Nyu mwa Kristo". ³⁰ Yeso ahalipiherya iraka in'hihimerye ntthu mwaha wa Yena. ³¹ Yena ahipatjera wasomiha wira mwana antthu ohana ahawaka wetthu tzinjene, okhothiya ni mahumu, anamikutho, ni assomi, wiviya, ni ohihimuwa nihiku na neraru. ³² Yena ahihimya iyo vohakhuwa. Vano Peturu, ahimwatzima otthikini, kiyantthuma. ³³ Vano Yeso ahirukunuwa, kuyaweha arumei, ahintthuma Peturu, kwira: "Owe otthuliwaka, xetwani! Khunu'puwela etthu tzanLuku, massi onupuwela tzatthu". ³⁴ Vano Yena ahiwatzima atthu otene ni arumei ni khuahimerya: "Akhala ntthu onphela okithara, ikhote mwanene, akuxe mwikimanyo'awe ni Akitthare. ³⁵ Vano onphela wopola ekumiawe, enan'pweteya, ni yole erowa on'pweteya ekumyawe mwaha wa miyano ni Molumo'aka, owo onamopowa. ³⁶ Vano onrowa ophwanya exeni ole onrowa othawali olumwenku ni khum'pweteya ekumiyawe? ³⁷ Onphwanyani ntthu ovirikaniha okumiawe nitthu? ³⁸ Yole onrowa okonela ehaya ni molumo-aka wa okathi yola watthu ohinwelela ni ottheka, Mwana Anthu on'rowa omonela ehaya vanthunawe owa mumweneni wa'Papawe ni malaikha owarya".