¹ Yahiphiya ekhopela ekina yaphareya, ntethe Wogerasa. ² Vale Yeso vakhuruwalyawe mkalawani, mlopwana nmotza arina minepa tzotakhala, akhumaka omakhapurini, ahimwathamela. ³ Mlopuana akhala m`makhapureni. Khavo anwerya onthuka hata nunyolo. ⁴ Yena ahithukiya evara tzintjene nunyolo nalutjema, massi aniwuntakatza ni khavo anwerya. ⁵ Ohiyu ni othana, m'makhapureni ni m'miyakoni, yena anikhuwela ni withikilatza ni maluco awetha. ⁶ Vamonaliawe Yeso othiawene ahinthimakela ni khunkokhorela oholowawe. ⁷ Yena ahikhuwela vantjene iraka: " Kutthekenleni exeni Yeso mwana anLuko Awirimo? kovara metho mwikopopihe". ⁸ Okhala wira Yeso ahiruma: "Mkhume wamlopwana ola, n'nepa wotakhala ⁹ Vano Yeso ahinnkoha: "Ntzinanao opani?" Yena ahakhula: "Mi ntzinanaka nttitthi mana khaninthowa". ¹⁰ Ahikhanyerera Yeso avekelaka wira ahiwomolele nthethe mkina. ¹¹ Yahikhumelela nikhuro na kuluwe nalha omwako, ¹² ni minepa tzonanara tzahinvekela tziraka: "mnomolele mkuluweni,, nnihiye nikele muemmwe". ¹³ vavo Yeso ahathunela. Vano minepa tzonanara tzahikhuma kukela nkuluweni. Nikhuru na ekuluwe ekonto pili, nahituphela mphereya ni tzahitzama khukwatza. ¹⁴ Athu ya liha ekuluye yahithiawa, yahihimya tzokumelela iyo opoma ni m'mathalani, ni atthu yahithimaka wira yone exeni yakhumelela. ¹⁵ Vaphiyalaya vari Yeso yahin'weha namatjini ole, arina matjini, ononkomale, onawarale ni okhalalene ni ankhili ayo yahikhala owova. ¹⁶ Ale yawehale tzokumelela iye wanlopuanole arina minepa tzotakhala yahihimya etthu tzamwiranelale hata ni kuluwe. ¹⁷ Ya hipatjera onvekela Yeso wira ahiye ntethaya. ¹⁸ Vano yena vakelawe nkalawani, nlopwanole arina minepa tzotakhala ahivekela wira akhaleke niyowo. ¹⁹ Yeso khan'thunihale, vano khumwirela: "orowe owani wahimerye amutziao, pwiya tziwirihalao ni manan'na tziwonelalaya othunku". ²⁰ Vano nlopwana ahirowa owani khulaleya oTekapolis etthu tzulupale tziralhawe Yeso mwayena. Atthu otene yahitikinihiya. ²¹ Yeso valapuwelalyawe ekhopela ekina , nkalawani, atthu ntjene yahithukumana khunrukurerya, Yena onari npahari. ²² Ni vavale ahiwa nkhulupale a enupa yamavekelo, ihaniya Jairo, vamonalhawe ahimorela vamethoni, ²³ Yena aninvekela iraka: Mwanaka n'thiyana ohalale okwa. Kinnuvekelani nreni mwahelele matata yena, yowo onavona ni onakhala". ²⁴ Vano Yeso ahirowana. Atthu n'tjene yahinthara ni Yaninphunya. ²⁵ Vavo Ahikhala nthiyana akhalale eyakha nloko napili ephomeawe enmwareyaka. ²⁶ Yena ahamaliha akulukhana apwetexaka ethu tzarinawe. Massi khivo yankhalela; Ohiya vo anitepa. ²⁷ Viwalhawe alavuliyaka Yeso, ahivira othuli watthu, ni khunvara nleya nawe. ²⁸ Vano yena anihimya: "Miyano kakwanyaru nleya nawe kinavona" ²⁹ Okathiyole, yahin'mala ephome ni nthiyanole ahikhuma muhawani. ³⁰ Nannanoro, Yeso ahitzuwela wira wahikhuma oweryawawe. Ahirukunua, variari yatthu, ni khukoha: "Tipani okwanyale nleya naka?". ³¹ Arumeiyawe yahinhimerya wira: "Mwinaweha atthula wira intjene anamuphunyani: 'mwinikoha tipani okwanyaleni?"'. ³² Vano Yeso ahirukunua khuweha othuli wira anwehe onkwanyale. ³³ Nthiyana ole vatzuwelalyawe yamwiranelale, ahituthuwa ni wova, Yena ahiwa, ni khukokhora oholo wa Yeso ni khun'himerya ekwelyawe. ³⁴ Vano khun'himerya wira : "Mwanaka waminiwao ohuvoniha. Oroweke ninrethele ni wopowe nirethao". ³⁵ Yena alavulaka, atthu akina yahiwa vate wa nfalume o sinakoka, yiraka: "Mwanao ohokhwa. Exeni ompukutiki Funti owo?" ³⁶ Vano Yeso vinwalyawe etthu yahimiya, ahin'himyera nkulupale enupa yamavekelo: "Ohove. Okupali pahi". ³⁷ Khathunale oveleliya nintthu, vohikhala Petro, Yakopo ni Yohani nhimawe Yakopo. ³⁸ Vaphiyalhawe owanyawe nkhulupale a enupa yamavekelo, ahiwona Yeso atthu akhuwelaka, ni wun'la ni wikhupanyera vintjene. ³⁹ Vakelalyawe vathokoni ahiwirela: " Exeni enukhuwelihani ni wunla? Mwana khakwale, onarupa". ⁴⁰ Yahintheya Yeso, vano yena ahakumihera otta, ahinkuxa papawe mwana , mamawe ni ale yarinawe, khurowa varyawe mwana. ⁴¹ Vavaralyawe ntata na mwarussi, ahimwirela: ! Talita cumi", en'himya wira: Mwarussi, kinnuhimiera "ovenye". ⁴² Vowakuveya mwamwane ahivenya ni ahettha (mana yena arina eyakha mloko na pili wunnuawawe). vahipintze wahaphwanya oxanga. ⁴³ Yeso ahiwirela ahimiaka wira n'hintzuwelihe ntthu yela, iraka avahiye ethu yotja mwarussi ole.