¹ Ekwaha ekina, Yeso ahipatjera ossomiha nmafukhe. Ni atthu inntjene ya hithukumana ni yahin'rukurerya, vano yena ahikela nkalawany m'phareya, ni ahonkomathy. Atthu otene yary m'mafukhe, mphanthe wophareya. ² Yena anassomiha etthu zintjene ni malikaniho, ni anáhimyera: ³ 3 "M'wiryane! Ahivenya namwála arowa wala. ⁴ 4 Yena alaka, epyo sikina zahimorela m'phironi, axanuni ni khulya. ⁵ 5 Zikina zahimorela vamalukuni vaharivo ethaya yintjene. Vowakuveya zahimela, mana ethaya khaixerale. ⁶ Massi nzuwa wakhumalyaya, iyo zahivya ni zahum'ma. ⁷ Epyo zikinako zahimorela eriari ya miwa iya zahun'nuwa khuphunyia, kuhim'ma ethu. ⁸ Epyo zikina tzahimorela ethaya yorera ni kwim'ma mihokhorokho zintjene ni kwintjererea zikina zim'maka miloko miraro, zikina miloko mithano namoza ni zikina emiya emiazene". ⁹ Yena kuhimya : "Ole orina marru aniwa, iweke" . ¹⁰ Okathi Yeso waryawe vekhawe, ale yarinawe vakhiviro nale nloko nenli, Yaninkoha mwaha wa milikaniho. ¹¹ Yena ahahimerya: "Nyu movahya otzuela essiri tzomwene WaNluko, massi ale otta zotene ahimerya ni malikaniho, ¹² Wira awehaka, ahoneke, ni yinwaka ahizueleke wira ahinyunyuele ovara tzotakhala Nluko alevelela". ¹³ Yena ahahimerya Khamuizuela nlikanihonna? Vano mwinrowa otzuwela tzai ethu tzikina? ¹⁴ Namwala onala molumo. ¹⁵ Ni ele yamorelale mphironi tále aniwa, massi xetwani khuwinyeraka nananoro molumo yaliye Nrohoni waya. ¹⁶ Akina tale owaliya vamalukuny anira yiwa molumo nannanoro an'nakhela nutheliya nrima. ¹⁷ Ayo kharina mitithari mekhayaro, massi anvilela okathy vakani. Vano waphuanya ohawa wala olupatthiya mwaha wa molumo ni vowakuveiya annikuathuliya kuhiya. ¹⁸ Akina anlathana nipyo yomorela vamiwani. Ayo tale aniwa molumo, ¹⁹ Massi mwaha wa ithu zelapo, ni mihakhu, ni ohixukhuro ni ozivelazia ni ithu tzikina tzinniphunya molumo ni ayo khuhininma mihokorokho. ²⁰ Ni ahavo akina analiya vathayani vorera. Ayo anniwa molumo, yakhelela ni khiyinma mihokorokho, akina miloko miraro, akina miloko mithano namotza ni akina emiya emiatzene". ²¹ Yeso ahahimerya wira : ekhanthiero mpani khukhunela nmwapuni wala khuhela mkutihina? Nyu nnawana khuitjathi vatzulo. ²² Mana khivo ettho yovitthiya ehinthuna otzuweliya, walani khivo essiry ehinthuna otzuweliya. ²³ Akhala orina marru aninwa , ewe". ²⁴ Yena ahahimerya: ``Mwiwe sana enuhimeryakany, wira m'phimo onaphimelenyu, ninyu nnaphimelia nyu tho wovikana. <sup>25</sup> Mana olee orina, muintjene onamwintjereriya, ni ole ohirina, onamwakhiya nile ehirinawe``. ²⁶ Yeso ahihimya: ´´Ofalume wanLuko onlikana ninthu onala epyoawe vathayani. ²⁷ Yena onnirupa ni onnivenya, epyo emeleka ni yunnuwaka , ahitzuelaka tziniraneyaya. ²⁸ Ethaya vekhaya enameliha mihokhorokho. Opatjera ommela n´thaly, vano nkopothi ni o´holowaya epiyo entzala vankopotthini. ²⁹ Vano epiyo yathokhotha, nan´nanoro, mtthu kiyarowa ohattha´´. ³⁰ Ahahimerya nlelo: "Ninrowa olathaniha nixeni ofalume wanLuko? nlikaniho xeni ninrowehu orumeela wira nalakhihere? ³¹ Owo ori ntoko etthaka yotepexa oiyeva wa ethaka tzotene tzavathi. ³² Enira yaliyavale ennimela khuinnuwa khuvikana mithali tzotene tzammathani. Khiakhuma mirintha tzulupale, hata enuni khiyateka epwaruro mwinrutzini waya". ³³ Ni milikaniho tzintjene anapihera molumo, tzathunaya otzuwela. ³⁴ Ni yena khivo yahimeriawe vohikhala nimilikaniho. Vavo, wikina, anahimerya tzotene arumei awe. ³⁵ Nihikunne, wilaka, yena ahahimerya: " mroweni mphanthe nkina". ³⁶ ahiyaka mtthithi ole, arrumei yahinkuxa Yeso, okhala wira ari mkalawani ni ekalawa tzikina tzaninthara. ³⁷ Vano yahikhumelela ephalalatzi ni epheyo, ni mawimpi yahikela mpakha mkalawani, hata khiyahala otzala matzi. ³⁸ Massi Yeso ira arrupaka opophani wakalawa onaphiteryale etjumasso. Arrumei yahinvenyiha Yiraka: "Funti nyu, khannona wira ninhala okhwa? ³⁹ Yeso Ahivenya, ahimaliha epheyo ni ahipwapwela epahari. "Mmale, mkhalelane" ni epheyo yahimala khukala n'renke. ⁴⁰ Yena ahiwirela: "Mnovatzani? Nyutze nlelo khannamini?" ⁴¹ Yahovatza mwintjene khuyirelana: "Tipani yola enira epheyo hata ni pahari enamuiwelela?".