¹ Vowakulela, Yeso ahikela npani mwa mavekelo ni ahikhala nlopwana opahuwa ntata. ² Ni atthu akina yaninweha sanene yakhala wira yena ananvoniha essapatu, wira aphwanye ekisswa yomotherya. ³ Yeso ahin'himerya nlopwana opahuwa ntata: "Ovenye owe vava variari vatthu otene". ⁴ Vano, yena kwahimerya atthu: "Ennithunihiya wira ethu yorera nihiko na sapatu walani wira yonanara; Wopola ekumi, walani Winva?" Vano awo yahimala. ⁵ Yena, awehaka orukurerya onanyonyiye, antjene anaripiye nrima mwaha wolipa eroho tzaya, ahimwirela nlopwana: "Wokole ntatanao". Yena ahokola ntatanawe vano Yeso ahin'hokoloxera. ⁶ A mafaritzi yahimwareya ni, vowakuveya, yahipatjera wakatzela annaherodi, omota xeni warowaya on'vara amwive. ⁷ Vano Yeso ahirowa narumei'yawe ophareya. Ni atthu intjene yaninthara, Yakhuma Okalileya, ni Oyudeiya, ⁸ o Yerusalem, Indumeiya ekhopela yo Yordan, ni orukurerya wa Tiro ni Osidom. Vin'watzalyaya iye tzahimiya ithu Yena tzavarawe, atthu intjene yahiwa mpaka varyawe. ⁹ Ahavekela arumeiyawe wira ehiye ekalawa emotza yankhani wa Yena, mwaha watthu, wira Ehinyathe. ¹⁰ Okhala wira yena ahavoniha antjene, npaka yale otene yarina eretha, anatheliyene nrima yahimwathamela wira an'kwanye. ¹¹ Khula okathi matjini wamonaya, yanimora variayari Vawe, yanikhuwela yiraka: "Nyu mwamwana anLuku". ¹² Yena, nulipihera, aniwirela wira yayo wira ahinvuwihe. ¹³ Yena ahiwela va mwako ni kiyawatzima yale yaphelawe, ni khuwaka wa Yena. ¹⁴ Khwathanlaka nloko neli (Yale yawatzimalyawe Arumei) wira akhaleke ni Yena, wira arume olaleya matzu, ¹⁵ ni okhalana owerya wowomula axetwane. ¹⁶ Yena ahathonya nloko neli: Simon, yole anthuvalyawe ntzina na Peturu; ¹⁷ Yakopo, mwana a Zebeteu, ni Yohani n'himawe Yakopo, yayo yena yavahalyawe ntzina na Boanerges, entaphulela ana a etari; ¹⁸ ni andre; Filipe; Bartolomeu; Mateyo; Tome; Yakopo mwana Alfeu; Tadeu; Simoni, yole akhili; ¹⁹ ni Yudasi Sikariote, arowa onvariha. ²⁰ Vano, Yena ahirowa owani, ni atthu yahithukumana intjene vowakulela nipuro hata yenatze wahakhalanaya okathi wira etje ethu. ²¹ Vano amutziawe winwalyaya eyo, Yena yahikhuma wira ankothihe, ahihimyaka wira: "Onuvahuwa oyo". ²² Vano assomi yakhumale o'yerusalem yanihimya: "Owo orina nakuru" ni nkhulupale a matjini tiyeyo Yena oniwomolanawe axetwani". ²³ Yeso ahiwatzima kiyahimerya nimalikaniho: "enkhala tzai matjini yomolaka matjini? ²⁴ Omwene nmotza wakawaneya variari, omweneowo owo khunpitza. ²⁵ Wala enupa emotza yakawaneya mekhaya niyo khinpitza. ²⁶ Yakhala wira xetwani ohivenyera nmentzaweru ni okawaneya, kharowa opitza, vano ophiya wumalani. ²⁷ Khavo onkela m'pani mwantthu olipa omwiyera ethutzawe wohikhala wira opatjerale onthuka; vano khumwiyeraka. ²⁸ Ekhweli mi kinamuhimeryani, etampi tzotene tzatthu tzinaleveleliya, m'paka maruwano otene ahimatzalinyu; ²⁹ vano on'thuna onyohola nnepa wowela khankhala aleveleliyaka, vano ohana etampi ehinleveleliya". ³⁰ Yeso ahihimya eyo okhala wira yanihimyatza: "Yena ohana nnepa wonanara". ³¹ Amamawe ni axihimawe yahiwa ni khukala m'pathe wotha. Ayo yahinnruma ntthu wira amwatzime. ³² Atthu intjene yahonkomatza ananrukureryale khunhimerya Yeso: "Amamenyu naxihimenyu ari otanwe anamutholani". ³³ Yena ahakhula: "Tapani amamaka walani axulupalyaka?" ³⁴ Yena ahaweha atthu otene yonkomale anan'rukureryale ni khuwirela: "Moné, nva ahavo amama naxulupalyaka! ³⁵ Okhala wira yowo onira yorera wa Nluku, yowo tari mulupalyaka nrokoraka ni mamaka".