¹ Vahokolelalyawe Okafarnau, vamalalyaya mahiko mantjene, vahivua wira yena ori owani. ² Vavo, intjene yahithukumana wonwo, ni kuwarivo opuro, hata ni vankhora, ni Yeso anilaleya ehapari. ³ Akina yahiwa wa Yeso enwanaka nlopwana ozupiya; Athu atjexe yanunkuxa. ⁴ Vano awo khiyawera opiya Varyawe nlathu wathu. Vano yahithamula otzulo vavo Yeso aryawe ni, vapankatzalyaya ntupha, yahiphonyiha nrepanne vavale aryawe nlopwana ole otzpiya arupathale. ⁵ Vawonanalyawe wamini, ahira Yeso wa n'lopwana ossupiya: "Mwanaka, itampi tzao tzolevaleliya". ⁶ Ni yahavo vale anamassoma a ekano yakilathale yopuwela varohoni waya: ⁷ "Mota xene nlopwana-ola olavula tzo? Yena on'ninyohola! Tipani onlevelela etampi vohikhala Nluku?". ⁸ Vowakuveya, Yeso, atzuwelaka van'nepani wawe exeni yopuwelaya variyari waya, ahiwirela: "Exeni enupuwelinnyu tzitzanmo varohoni winyu? ⁹ Eri yolipa omwirela ntthu ossupiya: 'Etampi tzao tzoleveleliya'walani wira:'Ovenye, okuxe nrepanao wetheke'? ¹⁰ Vano, para otzuwela wira Mwana a Ntthu ohana owerya vathiva wira alevelele etampi," ahimwirela namassupiya: ¹¹ "Mi kinnuhimerya: Ovenye, okuxe nrepanao oroweke owani". ¹² Yena ahivenya nannanoro ahikuxa nrepanawe ni ahikhumela ota oholo watthu otene, timana ya xankalyaya ni yanin' nthothopela' Nluku ni khwuyira: "Hiyano khaninawehe ethu ntoko yela". ¹³ Yena ahikhumatho khurowa nmafukhe, ni atthu intjene yawa wa Yena, ni Yena anassomiha. ¹⁴ Vano aviraka, ahimona Levi, mwana a Alfeu, anonkomale nipuro nakhelawe nssoko, ni khumwirela: kithare". Yena khuvenya ni khunthara. ¹⁵ Yeso onari vametza owanyawe Levi, antjene anamakhelela nssoko ni anamatheka intjene yanilya vametza nin'yowo ni arumeiyawe, mãna khiyarere yan'thara. ¹⁶ Vavale anamasoma na mafaritzi yahona wira Yeso anilya nanamatheka ni anamassunka nssoko, yahilavulatza narumeiyawe: "Exeni yena otjaka nale anakhela nssoko ni anatampi?". ¹⁷ Vin'walyawe Yeso iyo, ahiwirela: "Atthu akumi khanimphela nkulukhana; vohikhala aretha tanimphela. Miyano n'kiwale owatzima anaxaria wohikhala anatampi". ¹⁸ Awixuthi a Yoyani ni amafaritzi yari ethukaka. Yahiwa akina kiyanhimerya: "Exeni arumei a Yohani ni arumei a mafaritzi anathuka, vano arumeinyo khanthuka?". ¹⁹ Yeso ahahimerya: Mwinnikupali wira ananlathuliya oharusini ethuke vavo anarina ntheli vavale? Ayo enarina ntheli, ayo kakhanle othuka. ²⁰ Onaphiya okathi n'theli onrowawe okuxiya ni, mahiku yayo, ayena anathuka. ²¹ Khavo on'hela epatthiya ekumi vakuwoni yokutjuwa; vakhala tzo, epatthiya enamwanyula ekuwo yokutjuwa, ni othalawaya erowa otepa. ²² Khavo nlopwana okuxa evinyo ekumi kuhahela npotilini wokutjuwa; wiriya tzitzam'mo, evinyo ekumi enrowa opwexa epotili'yo, ni evinyu'eyo ni potiliyo tzinahononeiya. Vohikhala tzammo, evinyo ekumi en'heliya epotili ekumi". ²³ Ni yakhumelelale yari, nihiko na essapatu, aviraka Yeso n'mathalani, arumeiyawe yahipatjera othala ephiro ni kiyawarurya mihokorokho tza epio. ²⁴ Ni mafaritzi yahin'himerya: "Mone, Exeni ayenatze ovaraka ethu ehinnvariya essapatu?". ²⁵ Yena ahahimerya: "Nyu khannassoma ethu David avaralyawe onari ni etala, Yena nale yarinawe? ²⁶ Akelale tzai npani mwam'Luku anari Abiatar nankutho ni khutja nkatthe wovelelihiya n'Luku, ekhalale ethu ehintjiya nintthu piswa, wohikhala nankutho; ni kwavaha ale yarinawe?". ²⁷ Yeso ahira: "Esapatu epankiye wa ntthu, kahi ntthu wa esapatu. ²⁸ Okhala wira, Mwana antthu ti mulupale npaka esapatu".