¹ Yeso ahikhuma vale ni ahirowa elapo eyariyawe, ni arumeiawe yahinthara. ² Vaphiyalyaya sapato ahirowa ossomiha mpani mothukumana. antjene ya nimwiwa ni yanitikinihiya. Yayo yanira: "Otzuwela xeni n'no ovahiyawe?". "Mitikiniho xeni tzinirawe ni matatawe?". ³ "Kahiyena yola calapintero , mwana a Maria, tatawe Yakopo, Yudas ni Simon? kharitzi nihi Axirokhorawe?. Nayo khi yamwamini Yeso. ⁴ Vano Yeso ahihimya: "khavo nan'hupi ohirina intitimiho, vohikhala elapo oyariawe, walani ni amutziawe, walani owannyawe". ⁵ Yena khavarale etthu yantikiniho vavale, wohikhala aretha yayo yahelalyawe matata kwavoniha. ⁶ Ohiroromela waya Yena wahintikiniha. Vano yena ahikhuma assomihaka m'mithetheni. ⁷ Yena ahiwatzima ale nloko nenli kwarumaka, enli enli; Vano kwavahaka owerya wa minepa tzonanara, ⁸ ni Yena ahassomiha iraka ahikuxe etthu yorumela mphironi wohikhala ekopo: wala nikunapa walani kafukho, walani ntzurukhu mwintzakoni winyu, ⁹ massi m'ware etamanco ni n'hiware maleya menli. ¹⁰ Ahahimeryatho: "vanrowenyo omaka vathokoni. Mkhale vavo mpakha okuma opurowo. ¹¹ Nakhala nipuro nihinakhelelienyu walani wiweleliya, mwakhumaka nipuro nno ntathe mthupi vathi winyu , woxahitiya". ¹² Ayena yahikhumatza kuroaka walalerya atthu wira ahiye tzonanara. ¹³ Ni yanomola minepa tzonanara tzintjene, ni yanavoniha aretha ntjene ni yanathikithela makura. ¹⁴ Nfalume Herode ahinwa eyo, wira ntzina na Yeso nahiwaneya elapo yotthene. Akina yanira: "Yohani, mpatitzi, onuhihimua mokwani titzinimvariha tzotikiniha tzinirawe, tivo vanoneyaya owerya opanka mitikiniho". ¹⁵ Akina yanira: "Yena Eliyaxi". Akina yanira: Yena napiyu, olathana ni napiyu akhalai". ¹⁶ Vano Herode vinwaliawe ahira: "Yohane yole on'hitalyaka onuhihimwa." ¹⁷ Vano yoyo Herode ahiruma ovariya Yohani ni khun'hela nkhatheia nlatthu wa Herodia ( muara an'himawe Filipe), okhala wira yena tanthelale. ¹⁸ Okhala wira Yohani ahimwirela Herodi: " Wira ahinthele muara n'himawe". ¹⁹ Okhalawira Herodias ahana (nioyoko) ni Yohani aniphela omwinva massi khawerya. ²⁰ Vano Herodi animova Yohane, anitzuela wira mlopwana m'motza naxariya orerela ni aninssunkera. Amwiwaka Yohani, Herodi aninyonyia, okhala wira animwiwexexa ni kwiyatheliya nrima. ²¹ Vano nihiko nikinaku, nirawe eyakha, ahavaha eyolya aholeli nafalume Okalileia. ²² Mwana a Herodia ahiwa wina, yena khutthelia nrima Herodi natthu yalathulalyawe. Mwene ahinhimerya mwali : "Okivekele etthu enphelao miyano kinamuvaha". ²³ Yena ahilapha iraka: "Enthunao okivekela yotene kinamuvaha, hata mphanthe wefalumiaka. ²⁴ Yena ahikhuma kuahimerya amamawe: " Kavekele exeni? " Yena kwakhula wira : Muru wa Yohani mpatitzi ". ²⁵ Yena khuhokolela nan'nanoro wamwene kwavekela iraka: " Kimphela vaa, nkivahe muru wa Yohani mpatitzi mthaluni". ²⁶ Mwene ahiripiya eroho muintjene, mwaha valaphaliawe variari va yale yalathulaliawe, khakhala avanyihaka ovekelawawe. ²⁷ Vavo mwene ahin'ruma toropa anlipepela ni khunruma wira awane muru wa Yohani. vano toropa ahirowa onhita mkalaposso mwariawe. ²⁸ Yena ahiwana muru mthaluni ni ahinvaha mwamwali vano yena ahavaha amamawe. ²⁹ Viwiyaya eiyo, arumei yahiwa kukuxa mruthu ni ya hivitha nmahiye. ³⁰ Arumei vathukumanaliaya variyari va Yeso, yahinhimerya ithu tzavaraliaya ni tzassomihaliaya. ³¹ Yena ahahimerya: " Nroweni nakhale nipuro nomaleleya namumule okathi vakani" okhala wira intjene yanrowa nuwa ni khiyarina okathi wo'tja. ³² Vavo yahirowa mekhaya, mkalawani wa nipuro wuthakoni ³³ Vano antjene yahiwona ekhumaka ni yahassuwela, ni yahithimakatza othene, muentho , mithethe zotene ni yahiphiya awo ehinathi ophiya. ³⁴ Vakhuruwalyaya, Yeso ahiwona athu intjene ni ahiwonela othunku, ma'na yalathana ni epuithipuithi tzohikhalana makamputzi. Ni yena ahipatjera wassomiha ithu tzintjene. ³⁵ Okathi waviralyaya, arumei-awe yahinthimakela yiraka: "Mapuro ala muthakoni ni okathi onatepa ovira. ³⁶ Mwalehe wira aroweke m'míthetheni ni m'poma yathumeke eyolha". ³⁷ Vano Yeso ahiwakula iraka: nyuwano mavaheke etthu yolha". Ayena khun'himerya wira: niroweke nathume ephau nintzurukhu emiya pili tzaparatha navahe wira alyeke/". ³⁸ Yena ahiwirela: Nrinatza ephau kavi/ nrowe mwalakele". Ayo vonelelalyaya, yahihimya: "Ephau thanu ni ehopa pili". ³⁹ Yena ahiwirela wira atthu othene yokome athukumane nikhuru ni nikhuro vamalaxini makithi. ⁴⁰ Khula nipuro yanokoma emiya, nipuro nikina miloko mithano. ⁴¹ Yena ahikuxa ephau thano ni ehopa pili awehaka wirimo ahilon'mpa ni ahimeya ephau kwavaha arumei wira yin'tjathi oholo wathu otene. ni khukawa ehopa pili'ye watthu otene. ⁴² Otene yahilha khuvona. ⁴³ aenatze yahithothatza epatasso tzaphau tzahalale, ethanka nloko napili, ni pathasso tzahopa. ⁴⁴ Yari atthu ekonto thanu yakhurale ephau iyo ⁴⁵ Vowakuveya yena ahiwirela arumei okela nkalawane wira arowe oholo wawe wira arowe nthethe nkina, wopetsaita, wikina Yeso amwarexaka athu. ⁴⁶ Ayo vakhumaliaya, Yena ahiwela omwako olompa. ⁴⁷ Ohiyu, ekalawa yari variari vaphareya, ni Yena ari vekhawe vathi. ⁴⁸ Ahona wira yahana nxankiho mulupale alapuwaka, okhla wira epheyo yari yorukunua. vano oxáka, yena ahiwa ethaka vatzulo vamatzi ni aphela waholela. ⁴⁹ Vamonatzalyaya ethaka vatzulo vamatzi, yona ntoko yaweha n'nepa ni yahikhuwela. ⁵⁰ Vano yahimona ni khova. vohipitza Yena kwahimerya: "Lipihani eroho! Timi! N'hove". ⁵¹ Yena ahikela nkalawani nayo, ni epheyo khumala wopa. Ayena yahixanka vintjene, ⁵² Ayo khiyatzuwelale mwirira waphau, wohikhala eyo, erohotzaya tzari tzolipa. ⁵³ Valapuwalyaya ayo yahiwa elapo yo Genezaré yahinthika nankura akalawa. ⁵⁴ Vakhumaliya nkalawani, atthu nan'nanoro yahin'tzuwela Yeso. ⁵⁵ Atthu yanthara mitethe tzotene khiyawána aretha anakuxale van'nrepani, motene winwaya wira turiyawe. ⁵⁶ Motene mwarowawe m'poma, mithethe ni elapo tzotene, ayo yanahia aretha m'phironi, ni yaninvekela wira athunihere ovara nleyanawe. Ale othene yakwanya ya ni vona.