¹ Okathi yathamelaya Oyerusalem, vakhiviro nu P{etfage ni Petania, omwako woliveira, Yesu aharuma awixuthyiawe enli, ² ni kwahimerya: "N'rowe ntthethe ori oholowinyu. vano mwaphiyaka n'wo, n'namphwanya mwapuru ohinathi oweliya. Mwantthukule ni mwinwane. ³ Khukhala n'tthu on'rowa owirelani: 'Exeni enirazin'nyu voo?', n'mwakhule: 'Apwiya ananphela ni awo anamuhokoloxerani mwaanene'". ⁴ awo yahirowaza khun'phwanya mwapuru othukeleliya vankhorani, mpanthe wota wa phiro vano khunthukula. ⁵ Yahavo atthu vavale ayo kwakohatza: "Nniratza exeni eninthukule'nyu mapuruwo? ⁶ Aenatze yahakhula tzitzale Yeso tzahimeryalyawe, ni atthuale kwahiyaka arowaka. ⁷ Arumeyi ale ennli yahinkhuxa mwapuro khunranela Yeso, yahinbhabatza owo, vano Yeso ahinwela. ⁸ Athu intjene yanatala ekuwotzaya mphironi ni akina yanatala makukhu yathikilatzaya nkuluthuni. ⁹ Ale yahola nale yanthara yanipa: "Hosana! Oreriya tule onwa nintzina napwiya! ¹⁰ Oreriya okhale omwene wa Papihu Davi! Ovuwe Wirimo!". ¹¹ Vano Yeso ahikhela Oyerusalem, ahirowa mpani mwaN'luku ni khuweha tzotene tzari vavale. vano, vaninlalene, ahikhuma arowaka oBetaniya nale nloko neli. ¹² Nmelonimwaya, vakhumalyaya oBetaniya, yahinvola etala. ¹³ Ni vawehalyawe Fikeira wathonyera makukhuya othyawene, ahirowa oweha nkhama anaphanya n'hokorokho n'motza. Vathamelalyawe, khaphwanyale etthu wohikhala matakhuru, okhala wira khiyari okathiya wowinma. ¹⁴ Yena ahirela Fikeira "Khunkhalakhala tho otjiyaka n'hokorokho yowinma mwawe". Ni arumei yahinwatza yahimyalyawe. ¹⁵ Ni yahiwatza Oyerusalem. Ni khukela mpani mwaN'luku, Yeso khupatjera owomola yale yatumihatza ni yathumatza mwen'mwe. Ahikakha emeza tzanakussiante otene ni ekhukulu tzaya ale yatumihatza ekhuntha. ¹⁶ Ni khanthuniha nthu ovira vavale onakuxalene etthu entumihiya. ¹⁷ Yena anasomiha, iraka: "Khilepiye: 'Enupaka erowa okhala enupa ya mavekelo watthu otene?' Vano nyuwano mwikhaliha ethyawelo yanawinye". ¹⁸ Maholeli anankhutho ni assomi yahinwa ethu yena yahimalyawe ni yaniphela okathi wira amwive. Vano yanimova, okhala wira atthu otene yaninthothopela ninnye tzasomihawe. ¹⁹ vathekuwalyaya ntzuwa, ayo yahikhuma opoma. ²⁰ Ni vaxalyaya, okathi wethaya, yahona wira mwiri ole wahunma mpaka intithariaya. ²¹ Vano Peturu opuwelaka, ahin'himerya: "Mwene, moneke mwiri-óle othowalenyu rati ohunma". ²² Yeso ahiwakhula: "Nkhalane nroromelo wan'Luku. ²³ Vekhweli kinawuhimeryani wira yole nmotza wanyu onrowa wirela mwakole: 'Okhumevo wamorele nmatzini', ni ahanyiheraka varohoni vawe, khukupali wira ehimiyeyo enawiraneya, zizanmo nLuku onamwira ²⁴ Vano kinawuhimeryani wira tzotene tzinthunenyu ovekela, kupalini wira n'hakhela, ni n'navahiya. ²⁵ Mwavekelaka, n'hana olevelela tzotene tzirinenyu varoni nintthu, wira apapenyu ari wirimo ayena yuleveleleni tzithekalennyu. ²⁶ Vano mwahilevelele tzithekeliyenyu, ni papenyu ori wirimo kanulevelelani tzithekalennyu ²⁷ Aena yahihokolela Oyerusalem. Yeso ethakatzaka mpani mwamavekelo, Akhulupale anamikutho, assomi ni mahumo yaniwa wayena. ²⁸ Ni ahikohiya: "Nuwerya xeni ovaranen'nhu etthunya? Ni tipani uvahaleni owerya opankatza?". ²⁹ Yeso ahahimerya: "Kinamukohani ethu, nkakhule ni kinamuhimeryani ni owerya xeni onvaranaka ethu iya: ³⁰ Opatitzo wayohani wari wawirimo walani wari wanatamo? Kakhuleni". ³¹ Ayo yaninyakulihana yayoru, yanivanela ni yanira: "Niravale: 'Ya wirimo', Yena onamwira: 'Vano exeni Vahankupalinyu Yena?'. ³² Vano niravale: Yari yatthu'..." Ayo yaniwovatza atthu, okala wira atthu otene yanikupali wira Yohani ari Namiririmo ekweli. ³³ Vano yahimwakhula Yeso: "Khanintzuwela". Ni Yeso kwahimerya: "N'nakala vakhani miyano nkinuhimeryani owerya xeni Ompakanaka ethu iya".